184 total views
Nakibahagi ang Caritas Philippines sa ginanap na Caritas Internationalis Humanitarian Conference 2026 sa Kigali, Rwanda, na dinaluhan ng 58 delegado mula sa mahigit 40 bansa na kabilang sa Caritas Internationalis network.
Sa ibinahaging detalye ng Caritas Philippines, nagsilbing tema ng pagtitipon ang “Rooted in Compassion, Rising to the Challenge: Caritas Humanitarian Action in a Changing World,” a layuning maging plataporma para sa dayalogo at pagbabahagi ng karanasan ng mga Caritas member organizations na aktibong tumutugon sa mga humanitarian crises sa iba’t ibang panig ng mundo.
Nagsilbing kinatawan ng Pilipinas sa naganap na pagtitipon si Ms. Jeanie Curiano, head ng Humanitarian Response ng Caritas Philippines.
“Caritas Philippines participated in the Caritas Internationalis Humanitarian Conference 2026 in Kigali, gathering 58 participants from over 40 countries across the Caritas Internationalis network. With the theme “Rooted in Compassion, Rising to the Challenge: Caritas Humanitarian Action in a Changing World,” the conference served as a platform for dialogue and shared learning among Caritas Member Organizations engaged in humanitarian response.” Pagbabahagi ng Caritas Philippines.
Ibinahagi naman ng Caritas Philippines ang kanilang mga karanasan bilang humanitarian, development and advocacy arm ng Catholic Bishops’ Conference of the Philippines sa larangan ng Disaster Risk Reduction, habang ang iba pang mga kalahok ay nagbahagi rin ng kani-kanilang mga pagtugon sa iba’t ibang sitwasyon ng krisis sa kanilang mga bansa.
Samantala, nagsagawa rin ang mga delegado ng isang learning visit sa mga proyekto ng Caritas Rwanda, na lalong nagpatibay sa ugnayan ng mga kasaping organisasyon at sa kanilang sama-samang paninindigan para sa isang makatao, makatarungan, at nakasentro sa pagtugon ng komunidad sa mga pangangailangan ng mundo.
“Caritas Philippines also presented its experiences in Disaster Risk Reduction, while other members shared humanitarian responses in various crisis contexts. The conference concluded with a learning visit to projects of Caritas Rwanda, strengthening collaboration and reaffirming the network’s commitment to compassionate and locally led humanitarian action.” Dagdag pa ng Caritas Philippines.
Bahagi rin ng naganap na pagtitipon ang pagbisita ng mga kalahok sa Kigali Genocide Memorial, bilang pagninilay sa naging karanasan ng Rwanda sa genocide at kung paano ito nakaimpluwensya sa paghubog ng mga pamantayan sa humanitarian response tulad ng Sphere Handbook.
Tinalakay rin sa mga sesyon ang iba’t ibang hamon sa pandaigdigang humanitarian work, kabilang ang pagpapalakas ng lokal na pamumuno, epektibong komunikasyon sa panahon ng krisis, at mga update hinggil sa Caritas Information Management Standard (CIMS).
