1,964 total reads
Itatampok ang kasaysayan at matagal nang debosyon sa Nuestra Señora de la Paz y Buen Viaje o Birhen ng Antipolo sa pamamagitan ng isang commemorative exhibit sa Manila Cathedral mula November 22 hanggang December 08, 2026.
Tampok sa “Tayo Na sa Birhen ng Antipolo exhibit,” ang mga replika ng imahen, mga memorabilia, painting at makasaysayang salaysay kaugnay ng sentenaryo ng Canonical Coronation ng Mahal na Birhen.
Pinagtutulungan ng Manila Cathedral, Diyosesis ng Antipolo at International Shrine and Parish of Our Lady of Peace and Good Voyage ang nasabing pagtatanghal na gaganapin sa Blessed Souls at St. Jude Chapels sa Intramuros, Maynila.
Pormal na bubuksan ang eksibit sa pamamagitan ng Banal na Misa sa November 22, alas-diyes ng umaga, na pangungunahan ni Antipolo Bishop Ruperto Santos.
Layunin ng exhihibt na muling ipakilala sa mga mananampalataya ang mayamang kasaysayan, patuloy na debosyon at espirituwal na kahalagahan ng Birhen ng Antipolo, bilang bahagi ng paggunita sa ika-100 taon ng kanyang Canonical Coronation.
