35,956 total reads
Umapela ang Church People-Workers Solidarity o CWS ng due process at paggalang sa karapatan ni Kilusang Mayo Uno leader at CWS Co-Chairperson Jerome Adonis, na nahaharap ngayon sa mga kaso dahil sa pagsasawa ng kilos-protesta noong May 1 o International Labors and Workers’ Day sa Maynila.
Pinangangambahan ni San Carlos Bishop Gerardo Alminaza , national chairperson ng C-W-S na magamit ang mga batas upang supilin ang malayang pagpapahayag, mapayapang pagtitipon, pakikipag-ugnayan at pagpaparating ng hinaing sa pamahalaan.
Iginiit ng grupo na dapat patas at walang kinikilingan ang imbestigasyon sa mga pangyayari noong May 1, at dapat nakabatay sa ebidensya at indibidwal na pananagutan ang anumang kasong may kinalaman sa karahasan.
Ayon sa Obispo, tigilan na ang criminalization at intimidation sa mapayapang pagpapahayag ng saloobin at hinaing sa pamahalaan.
“Full respect for the due-process rights of Jerome Adonis and the other labor and people’s leaders facing charges arising from the May 1 mobilization, and the dismissal of charges that cannot be supported by clear evidence of individual criminal responsibility; An end to the criminalization and intimidation of peaceful dissent, and a review of laws and practices—including provisions of BP 880—that may unduly restrict the constitutional freedoms of expression and peaceful assembly,” ayon sa mensaheng pinadala ni Bishop Alminaza sa Radyo Veritas.
