VeritasPH

The Word, The Truth

 182 total views

Homiliya Para sa Huwebes ng Ikatlong Linggo ng Kuwaresma, Ika-24 ng Marso 2022, Lk 11:14-23

Ito na siguro ang pinakamatinding Kuwaresmang naranasan ko sa buong buhay ko. Dati, parang ritwal lang ang paglalagay ng abo sa noo sa simula ng Kuwaresma. Itong taóng ito, dumagsâ ang mga tao sa simbahan, napuno pati ang mga patio at mga kalsada. Matapos na maging abo ang marami sa mga mahal natin sa buhay na namatay dahil sa Covid19 at na-cremate, biglang nagkaroon ng matinding kahulugan ang abo.

Lalo pang tumindi ang kahulugan nito nang totohanin ng Russia ang paglusob nito sa Ukraine at biglang nagkatotoo ang matinding peligro na baka nga pumutok ang isang Third World War. At kapag nagka-iringan ang mga world powers sa pagpapasabog ng nuclear weapons sa mga kalaban nila, baka sa isang iglap ay pulbusin nila ang isa’t isa at gawing abo ang buong mundo.

Kahapon naramdaman ko ang paghihinagpis ni Pope Francis sa kanyang Wednesday public audience sa Roma. Tinawag niyang isang KABALIWAN ang giyera. Kitang-kita sa kanyang mukha at sa mga malalalim na buntong-hininga niya ang matinding pagkabahala sa takbo ng mga pangyayari sa daigdig na tila ba wala nang makapipigil.

Parang siya si Moises sa ating unang pagbasa—walang magawa sa katigasan ng puso ng bayang Israel. Para daw silang mga hibang, mga wala sa sarili, mga sarado ang tainga sa tinig ng Diyos. Mga ayaw magpasaway, ayaw magpagabay, tumalikod sa Diyos at gumawa ng sariling lakad na ang direksyon ay patungo sa bangin ng kapahamakan.

Naalala ko tuloy iyong isang linyang kinakanta natin sa BAYAN KO. Ngayon, ang para bang naiiisip kong kumakanta ay hindi ang bayan kundi ang Diyos. Siya ang umaawit sa kanyang bayan at nagsasabing, “BAYAN KO, BINIHAG KA“. Pwedeng palitan ang binihag sa binulag: BAYAN KO, BINULAG KA, NASADLAK SA DUSA.” Di ba parang mas akma sa atin?

Ganito rin ang datíng ni Hesus sa ebanghelyo—mabuti na ang ginagawa, masama pa rin ang nakikita ng mga taong ayaw maniwala sa kanya. Ang Espiritu Santo ang kumikilos sa mga taong napapagaling ng kanyang haplos, pero dimonyo pa rin ang kanilang nakikita. Ni wala na silang kakayahang kumilatis ng mabuti at masama, ng mali at tama.

Nakakatakot ang warning ni Hesus sa may dulo ng ebanghelyo. Parang ganito rin ang pahiwatig ni Pope Francis kahapon sa mga bansang nag-aakalang mga armas ang magbibigay sa kanila ng proteksyon, o mga sandata ang magbibigay sa kanila ng kapayapaan.

Pwede nating i-paraphrase nang kaunti ang sinabi niya, “Kung akala mo malakas ka dahil marami kang mga armas, tangke, mga fighter jetplanes at mga missiles, baka magulat ka na lang kapag biglang sinakop ka ng isang bansang mas makapangyarihan sa iyo—na bukod sa armas, tangke, jetplanes at missiles, ay meron pang nuclear at biochemical weapons of mass destruction.

Dahil hindi na makuha sa dimplomasya at negosasyon ang solusyon sa giyera, kumambyo si Pope Francis. Ibang klase nang giyera ang kanyang pinaghahandaan. Ito yung tinawag ko kahapon na “spiritual warfare”. Bukas, March 25, Feast of the Annunciation o Pagbati ng anghel kay Mama Mary, pamumunuan niya mula sa Roma ang lahat ng mga diocese at parokya sa buong daigdig upang i-consecrate ang Russia at Ukraine kay Mama Mary, ang ating prayer warrior number one.

Kahit parang malayo sa atin ang Russia at Ukraine, damay tayong lahat sa gulong ito. Kaya kailangan tayong lumaban sa ibang klaseng labanan. Sabi nga ni San Pablo sa Ephesians 6:12, “Ang kalaban natin ay hindi tao kundi mga masamang espiritu (na kumikilos sa) mga pinuno, mga may kapangyarihan at mga tagapamahala ng kadilimang namamayani sa mundong ito.”

Gagawin natin ito sa Cathedral bukas sa ating Misang 6pm na susundan ng isang paglalamay pagkatapos ng Misa sa Eucharistic vigil hanggang 1am. Sana ho magsama-sama tayo.

Mga kapatid, ang nangyayari ngayon sa Ukraine ay pwede ring mangyari sa atin sa Pilipinas. Tatlong beses na tayong sinakop ng mga dayuhang bansa—mga Espanyol, mga Amerikano at mga Hapon. Kung ano ang Ukraine sa Russia, ganyan ang Taiwan sa China. At hindi naman lingid sa atin na nakaabang na rin ang China sa may bakuran natin sa may West Philippine sea kung saan nagtayo na sila ng mga military installations.

Ipagdasal din natin sila bukas. Ipagdasal natin na hindi humantong ang tensiyon na ito sa pagkakampi-kami nila. Ipanalangin na hindi mamayani sa kanila ang tikisan, ang takutan, hamunan, at tagisan ng armas at lakas militar dahil sa mga pangamba tungkol sa seguridad.

Isama na rin natin sa ating panalangin bukas ang nalalapit na eleksyon. Hingin natin nang marubdob sa Diyos na bigyan niya ang mga Pilipino ng karunungan at kakayahang pumili ng nararapat na lider para sa ating bayan na magbibigay sa atin ng tamang direksyon sa panahong ito ng matinding krisis na pandaigdigan.

Hilingin natin sa bisa ng panalangin ng ating Mahal na Ina at sa pamamagitan ni Hesukristong ating Panginoon, managumpay sa daigdig ang Espiritu ng kabutihan laban sa puwersa na kasamaan, na sa ngalan ni Hesus mapalayas natin ang mga dimonyong nagpapabingi at bumubulag sa mga mamamayan sa lahat ng mga bansa lalo na sa pamamagitan ng social media.

Ipakiusap natin na mabuksan ang mga puso ng sangkatauhan upang marinig ang tinig ng Diyos at makita ang kamay na aakay sa atin patungo sa isang mundong mas payapa, sagana at mabiyaya.

Screenshot 2024-04-26 121114
ads
ads
2
3
4
previous arrow
next arrow

Veritas Editorial

Rev. Fr. Anton CT Pascual

Rev. Fr. Anton CT Pascual

President of Radio Veritas

Mga payaso sa sirko

 2,588 total views

 2,588 total views Mga Kapanalig, may kasabihan sa Ingles na “elect a clown, expect a circus.” Kapag bumoto raw tayo ng mga payaso, asahan nating magiging sirko ang gobyerno.  Pasintabi po sa mga ang hanapbuhay ay ang pagiging payaso. Ipinaaalala lamang ng kasabihang ito kung gaano kaseryoso ang paggiging lingkod-bayan. Ang pagsisilbi sa pamahalaan ay hindi

Read More »

BPO industry

 18,574 total views

 18,574 total views Kapanalig, hindi natin maitatanggi, ang laking tulong, ginhawa, at pag-asa ang dinala Business Process Outprocessing industry o BPO, sa maraming manggagawang Filipino. Nabigyan ng opsyon ang marami nating mga mamamayan – graduate, o bagong graduate, middle aged, o kahit retired na, part-time, full-time – marami ang nagkaroon ng pagkakataon kumita dahil dito. Nakakapamili

Read More »

Balik Probinsya

 26,619 total views

 26,619 total views Kapanalig, marami ngayong Filipino ang nahahalina at pumipiling magbuhay probinsya. Malaking pagbabago ito, dahil bago mag pandemic, ang ating mga syudad, partikular na ang National Capital Region ang pangunahing migration destination sa ating bayan. Trabaho ang pangunahing rason – sa mga syudad kasi makikita ang karamihan sa mga oportunidad sa bayan. Pero iba

Read More »

Kuryente

 31,699 total views

 31,699 total views Kapanalig, kahit ano pang pagpipikit mata natin o bulagbugan, hindi natin matitiis na ang mahal ng halaga ng kuryente sa ating bansa. Lalo ngayon kapanalig, na tumataas ang halaga ng dolyar, pihado, madarama na natin ang panibagong aray sa kuryente. Nauna na nga ang pasakit ng halaga ng krudo at gas, hindi ba?

Read More »

Nutrisyong sapat para sa lahat

 37,405 total views

 37,405 total views Mga Kapanalig, ang buwan ng Hunyo ay Nutrition Month batay sa Presidential Decree No. 491 noong 1974. Ngayong taon, ibinibida ng National Nutrition Council ang Philippine Plan of Action for Nutrition (o PPAN) sa selebrasyon ng Nutrition Month, na may temang “Sa PPAN: Sama-sama sa nutrisyong sapat para sa lahat!”. Ano nga ba

Read More »
catholink
Shadow
truthshop
Shadow

Related Story

Bishop Ambo Homilies
Most Rev. Pablo Virgilio David, D.D.

BUEN CAMINO

 2,640 total views

 2,640 total views Homiliya para sa Huwebes, 11 Hulyo 2024, Paggunita kay San Benito, Mt 10:7-15 Noong nakaraang Martes, nag-bonding kami ng kapatid kong panganay. Umabot ng tatlong oras ang tanghalian namin dahil nagkuwento siya tungkol sa naranasan niyang paglalakad sa camino ng Compostela nitong nakaraang buwan. Biro niyo, sa edad na 78 ay naglakad siya

Read More »
Bishop Ambo Homilies
Most Rev. Pablo Virgilio David, D.D.

IN JESUS’ NAME

 7,056 total views

 7,056 total views Homily for Wed of the 13th Wk in Ordinary Time, 10 July 2024, 18th Episcopal Ordination Anniversary, Mk 10:1-7 On Thursday last week, the final day of the annual retreat of the CBCP, we has as main presider at the Eucharistic Celebration the Secretary of the Holy See’s Relations with States, Abp. Paul

Read More »
Bishop Ambo Homilies
Most Rev. Pablo Virgilio David, D.D.

KATATAGAN

 2,382 total views

 2,382 total views Homiliya para sa Huwebes sa Ikalabindalawang Linggo ng Karaniwang Panahon, 27 Hunyo 2024, Mat 7:21-29 “Malapit na ang giyera!” Ito ang babala ng mga propeta sa Jerusalem. Pero walang sumiryoso sa babala nila. Hanggang minsan isang araw bigla na lang nagkatotoo. Ang katuparan ng malagim na hula ay ang malungkot na kuwentong narinig

Read More »
Bishop Ambo Homilies
Most Rev. Pablo Virgilio David, D.D.

THE HEART AND THE EYE

 2,905 total views

 2,905 total views Homily for Friday of the 11th Wk in Ordinary Time, 21 June 2024, Mt 6:19-23 Today’s Gospel makes me understand the expression, “His heart is in the right place.” The idiom is understood to mean “He has good intentions despite his flaws and mistakes.” Or “He has shortcomings but he is sincere and

Read More »
Bishop Ambo Homilies
Most Rev. Pablo Virgilio David, D.D.

GOD THE FARMER

 4,404 total views

 4,404 total views Homiliya para sa Ika-11 Linggo ng Karaniwang Panahon, 16 Hunyo 2024, Mk 4:26-34 Dalawang punto lang ang mungkahi kong pagnilayan natin tungkol sa mga talinghagang narinig natin sa ebanghelyo ngayon. Una, ang Diyos ang magsasaka, ang salita niya ang binhi. Pangalawa, tayo mismo ay para ding mga binhi. Simulan natin sa una. Ang

Read More »
Bishop Ambo Homilies
Most Rev. Pablo Virgilio David, D.D.

GO OUTSIDE!

 5,248 total views

 5,248 total views Homily for Friday of the 10th Week in Ortdinary Time, 14 June 2024, 1 Kings 19; Mt 5:27-32 Like I told you yesterday, the drama in the life and mission of the prophet Elijah—which has been read from the first book of Kings for the past few days now—continues today with chapter 19.

Read More »
Bishop Ambo Homilies
Most Rev. Pablo Virgilio David, D.D.

MAGDILANG ANGHEL

 3,503 total views

 3,503 total views Homiliya para sa Misang Paggunita kay San Antonio de Lisbon, 13 Hunyo 2024, Mt 5:20-26 “Magdilang-anghel ka nawa!” Ito ang sinasabi natin sa Pilipino pag may binigkas na hula ang iba na ibig nating magkatotoo. Isang taong may dilang anghel, ito ang turing ng mga taga-Padua kay San Antonio dahil sa tindi ng

Read More »
Bishop Ambo Homilies
Most Rev. Pablo Virgilio David, D.D.

SAN ANTONIO DE LISBON

 7,716 total views

 7,716 total views Homiliya para sa Bihilya sa Kapistahan ni “San Antonio de Padua,” Miyerkoles sa Ikasampung Linggo ng Karaniwang Panahon, 12 Hunyo 2024, Mat 5, 17-19 Salamat sa Marian pilgrimage ng Kaparian ng Kalookan, bukod sa dalaw namin sa lugar na pinangyarihan ng aparisyon ng Birhen sa Fatima, nakadalaw din kami sa bayan ng ating

Read More »
Bishop Ambo Homilies
Most Rev. Pablo Virgilio David, D.D.

THE “GOOD MAN”, BARNABAS

 6,949 total views

 6,949 total views Homily for Thursday of the 10th Week in Ordinary Time, 11 June 2024, Mat. 10:7-13 Today is the Feast of the Holy Apostle and Martyr, St Barnabas, whom St Luke describes in our first reading today as “a good man, filled with the Holy Spirit and faith”. In one of my past homilies

Read More »
Bishop Ambo Homilies
Most Rev. Pablo Virgilio David, D.D.

TAHANAN NG PUSO

 11,161 total views

 11,161 total views Homiliya Para sa Ika-10 Linggo ng Karaniwang Panahon, 9 Hunyo 2024, Mk 3:20-35 Ang ating pagninilay sa araw na ito ay tungkol sa pagtatayo ng tahanan, hindi lang bahay. Alam naman natin na hindi lahat ng bahay ay tahanan, di ba? Di ba may kasabihan tayo: “Mabuti na sa akin ang bahay kahit

Read More »
Bishop Ambo Homilies
Most Rev. Pablo Virgilio David, D.D.

BLOOD AND WATER

 4,609 total views

 4,609 total views BLOOD AND WATER Homily for the Feast of the Sacred Heart of Jesus, 7 June 2024, Jn 19,31-37 I call the Feast of the Sacred Heart of Jesus a poetic feast about the mystery of the Love of Christ. Saint Paul himself sounds very poetic in our second reading from third chapter of

Read More »
Bishop Ambo Homilies
Most Rev. Pablo Virgilio David, D.D.

TAO PO (HINDI “TAO LANG PO”)

 4,613 total views

 4,613 total views TAO PO (HINDI “TAO LANG PO”) Homiliya Para sa Huwebes sa Ikasiyam na Linggo ng Karaniwang Panahon, 6 Hunyo 2024, Mk 12,28-34 May kuwento tungkol sa isang pusa na inanod ng agos ng baha at nakakapit sa sanga ng maliit na puno sa gilid ng estero. Nakita daw ito ng dalawang tao. Dahil

Read More »
Bishop Ambo Homilies
Most Rev. Pablo Virgilio David, D.D.

THE ETERNAL NOW

 4,613 total views

 4,613 total views THE ETERNAL NOW Homily for Wed of the 9th Week in Ordinary Time, 5 June 2024, Mk 12,18-27 The question raised in today’s Gospel reminds me of the story of a woman named Sarah in the Old Testament. No, I am not talking about Sarah, the wife of Abraham, but about the Sarah

Read More »
Bishop Ambo Homilies
Most Rev. Pablo Virgilio David, D.D.

BLOOD COMPACT

 4,605 total views

 4,605 total views BLOOD COMPACT Homiliya para sa Kapistahan ng Corpus Christi, 2 Hunyo 2024 Markos 14:12-16, 22-26 Sa America, lalo na noong bago nag-pandemya, sanay sila sa double species na communion sa Misa. Bukod sa ostia, umiinom din sila sa konsagradong alak. Sayang hindi natin nakasanayan ito sa Pilipinas, sa kabila ng kultura natin sa

Read More »
Bishop Ambo Homilies
Most Rev. Pablo Virgilio David, D.D.

IBIG KO PO SANANG MAKAKITA

 4,605 total views

 4,605 total views IBIG KO PO SANANG MAKAKITA Homiliya para sa Huwebes sa Ikawalong Linggo ng Karaniwang Panahon, a-30 ng Mayo 2024, Markos 10:46-52 Tutukan natin ng pagninilay ang tungkol sa halaga ng PAKIKIRAMDAM bilang bilang simula ng pagiging alagad. Husay sa PAKIKIRAMDAM ang translation ko ng ATTENTIVENESS. Nasabi ko na minsan sa inyo na sa

Read More »

Latest Blogs

Scroll to Top