Magtatapos ngayong Nobyembre ang year-long journey ng Diocesan Pastoral Assembly ng Diyosesis ng Legazpi.
Ayon kay Bishop Joel Baylon malaki ang maitutulong ng pagpupulong ng mga parokya at maliliit na komunidad para sa isasagawang pre-synodal consultations na bahagi ng Synod of Bishops on Synodality.
“These sessions will be a great way to integrate our Diocesan Pastoral Assembly 3 journey with the desire of the Holy Father for a Church of communion, participation and mission,” bahagi ng diocesan circular ni Bishop Baylon.
Itinakda naman sa January 2022 ang pagpupulong ng diocese at parish communities para sa Synod on Synodality matapos makompleto ang proseso ng resulta sa Diocesan Pastoral Assembly.
Pangangasiwaan ni Msgr. Crispin Bernarte Jr. ang pagtitipon sa November 19 na magsisimula sa alas otso ng umaga at magtatapos sa Banal na Misa sa alas dos ng hapon na pangungunahan ni Bishop Baylon.
Dahil sa pananatili ng banta ng pandemya limitado lamang ang maaring makakadalo ng pisikal habang hinimok ang mananampalataya na makiisa online sa pamamagitan ng Zoom app habang sabayang mapapanuod sa Facebook page ng diyosesis, Veritas TV at Radyo Veritas Legazpi.
“Our Pastoral Assistance Research and Development Secretariat (PARDS) will reach out to parishes and communities to ensure smooth coordination and active participation in using this mix of conventional and new media,” dagdag ng pahayag.
Hiling ni Bishop Baylon sa mananampalataya ang patuloy na panalangin sa tulong ng Ina, Nuestra Senora de Salvacion para sa ikatatagumpay ng ikatlong Diocesan Pastoral Assembly, ang pagdiriwang ng 500 Years of Christianity ng bansa at ang Synod on Synodality ng simbahan.
Binigyang-diin ni Kalookan Bishop Pablo Virgilio Cardinal David na ang “Pax Silica” ay hindi dapat maging simbolo lamang ng pag-unlad sa teknolohiya kundi ng isang kapayapaang nakaugat sa katotohanan, katarungan, at dignidad ng tao.
Sa kanyang pagninilay na may titulong “What’s in a Name?”, ipinaliwanag ng Cardinal na ang salitang Pax ay nangangahulugang kapayapaan, ngunit ang mga naunang panahon tulad ng Pax Romana, Pax Britannica, at Pax Americana ay nakasalalay sa kapangyarihan ng malalakas na bansa.
Ayon kay Cardinal David, ang umuusbong na “Pax Silica” ay tila isang bagong kaayusang pandaigdig na pinangungunahan ng silicon, semiconductors, artificial intelligence, at iba pang digital technologies.
Gayunman, sinabi ng Cardinal na bagama’t malaki ang maitutulong ng artificial intelligence sa medisina, edukasyon, siyensya, at pag-unlad ng lipunan, maaari rin itong magamit sa disinformation, cyberattacks, surveillance, at mas mapanirang uri ng digmaan.
“Technology itself is morally neutral. It amplifies the intentions of those who wield it,” Bahagi ng pagninilay ni Cardinal David.
Binigyang-diin din ng Cardinal ang paalala ni Pope Leo XIV sa Magnifica Humanitas na higit na mahalaga ang moral na direksyon ng tao kaysa sa kakayahan ng teknolohiya.
“The decisive question is not, ‘What can artificial intelligence do?’ but ‘What kind of human beings are we becoming?'” Dagdag pa ni Cardinal David.
Ipinaalala rin ni Cardinal David ang turo ni Pope Francis sa Fratelli Tutti na hindi makakamit ang tunay na kapayapaan kung paiiralin lamang ang kompetisyon ng mga bansa.
Sa huli, iginiit ni Cardinal David na ang tunay na “Pax Silica” ay maisasakatuparan lamang kung ang digital revolution ay gagabayan ng katotohanan, diyalogo, katarungan, at kapayapaan.
Paliwanag ng Cardinal na sa ganitong paraan lamang magiging bahagi ang teknolohikal na pag-unlad ng tinatawag ni Pope Leo XIV na “civilization of love,” sa halip na maging panibagong yugto ng kultura ng kapangyarihan at tunggalian.
“The aspiration for a genuine Pax Silica will not be fulfilled by silicon alone… It will be fulfilled only if the digital revolution is guided by truth rather than propaganda, dialogue rather than polarization, cooperation rather than domination, justice rather than exploitation, and peace rather than war.” Pagbabahagi ni Cardinal David.
Paalala ng Simbahan na ang tunay na pag-unlad ng teknolohiya ay nararapat laging magsilbi sa tao, sa kabutihang panlahat, at sa pagtataguyod ng kapayapaan at pagkakapatiran ng buong sangkatauhan.
Nanawagan ang Minister Provincial ng Province of San Pedro Bautista–Philippines ng Order of Friars Minor (OFM) na pairalin ang pagkakapatiran, diyalogo, at kapayapaan sa gitna ng lumalalim na kahirapan, katiwalian, at pagkakahati-hati ng lipunan sa Pilipinas.
Sa kanyang mensahe para sa pagdiriwang ng Kapistahan ng Portiuncula o Assisi Pardon at Kapistahan ng Our Lady of the Angels ngayong August 2, kasabay ng Jubilee Year ng paggunita sa ika-800 anibersaryo ng Transitus ni San Francisco ng Assisi, kinilala ni Fr. Lino Gregorio Redoblado, OFM, ang mabibigat na hamon sa lipunan na nangangailangan ng sama-samang pagtugon na nakaugat sa Ebanghelyo at sa halimbawa ng tagapagtatag ng Orden ng mga Pransiskano.
“Our beloved Philippines continues to face many challenges. We witness the widening gap between the rich and the poor, the continuing effects of corruption, political division that weakens our sense of nationhood, the spread of misinformation and hatred, violence against the vulnerable, and the destruction of our common home through environmental degradation,” ayon kay Fr. Redoblado.
Ayon sa pari, sa kabila ng kahirapan, katiwalian, pagkakahati-hati ng lipunan at paglaganap ng maling impormasyon, nananatiling buhay ang pag-asa sapagkat ipinapaalala ng Portiuncula na ang Diyos ay gumagawa ng mga dakilang bagay sa pamamagitan ng maliliit na tao at payak na mga lugar.
“Yet the little chapel of the Portiuncula reminds us that God always begins great things through little people and little places,” aniya.
Hinikayat ni Fr. Redoblado ang bawat Kristiyano na isabuhay ang kababaang-loob at paglilingkod bilang tugon sa umiiral na kultura ng paghahati-hati at hidwaan.
“Like St. Francis, we are invited to become a people of humility rather than domination, service rather than privilege, dialogue rather than division, and mercy rather than condemnation,” dagdag pa ng OFM Provincial.
Binigyang-diin din ng pari na ang biyaya ng Assisi Pardon ay paanyaya sa tunay na pagbabalik-loob at pakikipagkasundo sa Diyos, sa kapwa at sa sangnilikha.
“The Assisi Pardon proclaims that no one is beyond God’s forgiveness and that every person can begin anew. It reminds us that reconciliation with God must also lead to reconciliation with one another and with creation,” saad ni Fr. Redoblado.
Kasabay nito, hinimok niya ang mga Pransiskano at ang lahat ng mananampalataya na maging mga tulay ng pagkakapatiran sa isang lipunang higit pang nahahati dahil sa polarisasyon.
“As Franciscans, we are called to become bridges of fraternity in a society increasingly marked by polarization. We must resist every form of violence, falsehood, and indifference,” giit ng pari.
Binigyang-diin pa niya na, tulad ni San Francisco na tumawid sa gitna ng digmaan upang makipagtagpo sa Sultan sa diwa ng kapayapaan, dapat ding maging mga tagapagtaguyod ng pakikipagdayalogo, katarungan, at kapayapaan ang bawat Kristiyano sa kanilang pamilya, pamayanan, lugar ng trabaho, at sa buong bansa.
Hiniling din ng OFM Provincial na maging isang “buhay na Portiuncula” ang bawat pamayanan, parokya, paaralan, at pamilya—mga lugar na tumatanggap sa mahihirap, nagpapamalas ng awa, nagpapagaling ng hidwaan, gumagalang sa sangnilikha, at nagdadala sa mga tao kay Kristo.
Dalangin ni Fr. Redoblado na pagkalooban ng Panginoon ang Pilipinas ng karunungan, katarungan, kapayapaan, pagkakaisa at pag-asa sa pamamagitan ng panalangin ng Mahal na Birhen ng mga Anghel at ni San Francisco ng Assisi.
Isinagawa ang pagdiriwang sa replica ng Portiuncula Chapel ng Assisi sa loob ng Our Lady of the Angels Seminary sa Bagbag, Quezon City. Naging natatangi ang pagdiriwang ngayong taon dahil sa paggunita ng mga Pransiskano sa ika-800 anibersaryo ng Transitus ni San Francisco ng Assisi, na nagsisilbing paalala ng kanyang pamana ng kababaang-loob, awa at kapayapaan para sa Simbahan at sa lipunan.
Pinagtibay ni Pope Leo XIV ang bagong Fundamental Law of Vatican City State na nagbibigay pahintulot sa isang hindi kardinal na maging pangulo ng pangunahing pamunuan ng Vatican City State.
Inilathala ang bagong saligang batas noong Hulyo 31 at pinalitan ang bersyon na ipinatupad ni Pope Francis noong 2023. Ayon sa Vatican, layunin nitong iayon ang batas sa mga pagbabagong ipinatupad sa pamahalaan at administrasyon ng Vatican sa mga nakalipas na taon.
Isa sa pinakamahalagang pagbabago ang pormal na pagbubukas ng posisyon ng pangulo ng Pontifical Commission at Governorate sa mga hindi kardinal.
Noong 2025, itinalaga ni Pope Francis si Sister Raffaella Petrini bilang kauna-unahang babae at kauna-unahang hindi kardinal na namuno sa dalawang tanggapang ito.
Matatandaang noong Nobyembre 2025, naglabas naman si Pope Leo XIV ng isang motu proprio na nagbigay ng legal na batayan sa naturang pagbabago, na ngayon ay isinama na sa bagong saligang batas.
Nilinaw rin ng bagong batas ang tungkulin ng general councilor, na maaari nang dumalo at magbigay ng payo sa mga pagpupulong ng komisyon.
Pinalawak din ang tungkulin ng secretary-general, na siyang mangangasiwa sa pagpapatupad ng mga polisiya ng pangulo ng Vatican City State.
Ito na ang ikaapat na Fundamental Law ng Vatican City State mula nang itatag ito noong 1929 kasunod ng Lateran Treaty sa pagitan ng Vatican at Italya.
155,397 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
194,704 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
223,246 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
338,582 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
359,365 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
1,997 total views Binigyang-diin ni Kalookan Bishop Pablo Virgilio Cardinal David na ang “Pax Silica” ay hindi dapat maging simbolo lamang ng pag-unlad sa teknolohiya kundi
2,125 total views Nanawagan ang Minister Provincial ng Province of San Pedro Bautista–Philippines ng Order of Friars Minor (OFM) na pairalin ang pagkakapatiran, diyalogo, at kapayapaan
23,394 total views Nanindigan ang Caritas Philippines na nararapat lamang na makamit ng mga Pilipino ang isang bansang may pananagutan sa pamamahala, makatarungang ekonomiya, paggalang sa
37,891 total views Hinikayat ni Apostolic Nuncio to the Philippines, Archbishop Charles Brown, ang mga chaplain at mga kasapi ng Military Ordinariate of the Philippines (MOP)
