38,187 total reads
Iginiit ng Philippine Misereor Partnership Incorporated o PMPI na bahagi ng makataong pagtugon sa mga krisis ang pangangalaga sa kalikasan, kasabay ng paggunita sa World Humanitarian Day ngayong araw.
Ayon sa PMPI, hindi dapat limitado sa pagtugon sa emergencies ang humanitarian action, kundi dapat ding tugunan ang ugat ng kawalan ng katarungan at protektahan ang karapatan ng kalikasan o Rights of Nature.
Kinilala din ng PMPI ang tapang at commitment ng mga humanitarian worker, community leaders at grassroots advocate sa pagprotekta ng kalikasan
“Today, we honor the courage and commitment of humanitarian workers, community leaders, and grassroots advocates who stand alongside people and the planet in times of crisis and hope. At Philippine Misereor Partnership Inc. (PMPI), we believe that genuine humanitarian action goes beyond responding to emergencies, it means addressing the root causes of injustice. Through our advocacy for the Rights of Nature, we stand with communities protecting forests, rivers, farmlands, and all ecosystems that sustain life. Caring for people and defending nature are inseparable, because a healthy environment is essential to human dignity, justice, and a sustainable future. This World Humanitarian Day, let us recognize that protecting nature is also a humanitarian act. Together, let us continue building communities where both people and the natural world can thrive,” ayon sa mensahe ng PMPI para sa World Humanitarian Day ngayon.
Binigyang-diin ng grupo na magkaugnay ang pangangalaga sa tao at kalikasan, lalo na sa mga komunidad na umaasa sa kagubatan, ilog, sakahan at iba pang ecosystem para sa kanilang kabuhayan at kaligtasan.
Nanawagan ang PMPI na ipagpatuloy ang pagtatayo ng mga komunidad kung saan kapwa napangangalagaan ang dignidad ng tao at kalikasan tungo sa mas makatarungan at sustainable na kinabukasan.
Ngayong taon, nakatuon ang paggunita ng United Nations sa World Humanitarian Day upang bigyan ng higit at mas kinakailangang pansin ang Universal Health Care at pagsusulong ng kapayapaan sa mundong nababalot ngayon ng ibat-ibang sigalot o digmaan.
