159,145 total reads
Good News…. Patuloy na dumarami ang mga paaralan sa Pilipinas na nakapasok sa global o international rankings.
Sa inilabas na Quacquarelli Symonds (QS) report, 14 na Philippine universities ang nakapasok sa global ranking., sa pangunguna ng University of the Philippines (ika-362) na puwesto., kasunod ang Ateneo de Manila University sa ika-511 na ranking.
Ang bad news., nahihirapan pa rin ang mga Philippine university na makapag-graduate ng mga may akmang talento (skills) para sa trabaho na kinakailangan sa paglago ng ekonomiya nito at job markets.
Sa ulat ng QS, kinikilala ng mga employer ang adaptability at soft skills ng mga graduate… ngunit sa research output, citation impact at internationalization o global visibility.
Ang hatol ng QS, tumataas ang higher-education footprint ng Pilipinas ngunit lumalaki naman ang agwat sa mga itinuturo ng Philippine universities at colleges sa pangangailangan ng mga employer sa bansa. Sa QS report, bagamat dumarami ang mga paaralan na nakapasok sa global rankings, hindi naman nakakausad sa upper tiers…ibig sabihin hindi pa kayang makipag-kumpetensiya ang Philippine schools sa education powers.
Mayaman sa talento ang mga Philippine graduates… mahina nga lang sa research output. Sa kabila ng Philippine public education spending na 3.6-percent ng Gross Domestic Product, kulelat ang Philippine schools sa mga bansang kasapi ng ASEAN.
Sa inilabas naman na QS world future skill index sa unang quarter ng taong 2025., nasa ilalim ng ASEAN median ang Pilipinas sa kabuuang score na 62.2 kung saan ang regional median ay 63.9.. Naka-iskor ang Pilipinas ng 93.8-percent sa Future of Work., lagapak naman ito sa Skill Fit sa score na 47.6 habang sa Academic Readiness ay 66.6.
Tinagurian sa QS report na “unusual” o kakaiba ang puwang sa pagitan ng demand o pangangailangan at aktuwal na abilidad at kakayahan ng mga Filipino graduates. Ibig sabihin Kapanalig, nakakabahala na ang job mismatch sa Pilipinas.
Sa pag-aaral naman ng Philippine Institute for Developmental Studies noong 2021, apat sa 10-Filipino ang mayroong isa sa anim na information at communications technological skills na namonitor ng Sustainable Development Goals. Kinabibilangan ito ng kakayahan sa paggamit ng basic arithmetic formula sa speedsheet, gamit ang copy paste tools, pagpapadala ng emails na mayroong attached files, paggawa ng presentation, pagdownload ng software at paglilipat ng mga files.
Ang nakakalungkot pa Kapanalig, nagsulputan sa Pilipinas ang sinasabing Higher Education Institution (HEI’s). Sa pamamagitan ng HEI’s, walang kahirap-hirap ang pagkakaroon ng diploma na nagpapatunay na ikaw ay nagtapos ng karera sa kolehiyo. Kung dati-rati ay sikat ang RECTO sa lungsod ng Maynila sa sa paggawa ng diploma., laos na ngayon.., Ang sikat at kilala sa ngayon ay ang HEI’., binansagan itong “diploma mills”.
Kung ganito ang sistema ng edukasyon sa Pilipinas., paano tayo aangat sa global rankings., kung ang mga Filipino graduates ay kulang sa kakayahan., may kinabukasan ba tayo sa global job market?
Ayon sa Deuteronomy 6:6-7 “And these words that I command you today shall be on your heart. You shall teach them diligently to your children, and shall talk of them when you sit in your house, and when you walk by the way, and when you lie down, and when you rise.
Kapanalig, medyo katanggap-tanggap na medyo mahina ang ating mga graduate, huwag lang maging breeding ground ng mga korap ang mga paaralan sa bansa.
Sumainyo ang Katotohanan.
