760 total reads
Tiniyak ng Caritas Manila ang patuloy na pagtulong sa mga biktima ng Habagat, partikular sa mga pamilyang nawalan ng tahanan at kabuhayan dahil sa matinding pagbaha sa Luzon.
Ayon kay Caritas Manila Executive Director Fr. Anton CT. Pascual, umaabot na sa dalawang libo ang mga Damayan bags ang inihanda at ipinamahagi sa mga diyosesis ng Nueva Ecija, Pangasinan, Pampanga, Rizal, Bulacan at Tarlac upang matulungan ang mga pamilyang lubhang naapektuhan ng baha.
“Tayo ay unang-una, nagpapasalamat sa Diyos na humupa na ng kaunti itong habagat, na matinding nanalasa sa buong Luzon ng ilang halos dalawang linggo at nagkaapekto sa milyon-milyong mga kababayan natin, ang bilang ay more than 20 na mga namatay. At napakaraming nawasak na mga tahanan, trabaho, mga magsasaka, mga mangingisda, Kaya’t minsan tayo ng saklolo sa mga hindi gaanong pinapaanan na nakikinig po sa atin mga kapanalig, tayo po ay naligtas, tayo po’y tumulong sa mga biktima ng habagat na lalo-lalo na sa Luzon, ang simbahan po sa pamamagitan ng Caritas Manila ay naghahandog ng damayan bag,” ayon sa panayam ng Radyo Veritas kay Fr.Pascial.
Kasabay nito, hinikayat ni Fr. Pascual ang pamahalaan na magkaroon ng komprehensibo at pangmatagalang programa laban sa pagbaha, lalo na sa Metro Manila.
Binigyang-diin niyang bagama’t hindi maiiwasan ang mga bagyo at Habagat, maaari pang mabawasan ang epekto ng pagbaha sa pamamagitan ng maayos na pagpaplano at pamamahala.
Hinimok din niya ang mga mamamayan na maging responsable sa pagtatapon o segragation ng basura, partikular ang single-use plastics, upang hindi mabarahan ang mga daluyan ng tubig.
“At siyempre, tayo namang mga mamamayan, andiyan ang basura, matitinding basura po? Lalo na yung mga plastic na yan, yung single-use plastic na yan? Nawa’y itong Baclaran po, ang nakolekta ng basura diyan sa kanal daw ay 200 trucks, ng basura. Bantayan po yan, kaya tayo naman pong mga mamamayan ay ay kumilos din at maging responsable na huwag tayong magkalat ng basura, hindi basura ng mundo, Ating segregate ang ating mga basura at iwasan po natin na magkalat ng basura sa kalye, pa hindi tayo mababa. Kaya tulong-tulong po, Kaisa po tayo sa tulong ng Diyos at ang ating pananagutan sa bawat isa,” bahagi pa ng mensahe at panawagan ni Fr.Pascual sa sambayanang Pilipino.
Sa huli, mensahe ng Pari na mahalaga ang pagtutulungan ng pamahalaan, Simbahan at mamamayan sa pagtugon sa suliranin ng pagbaha at pangangalaga sa kalikasan.
