gutierrez-mobile-app-veritasph-activity-news-advocacy-economics

ECONOMICS NEWS

Patuloy na suporta sa Caritas Manila, panawagan ng Viva Communications at One Meralco Foundation

Thursday, December 11, 2025 12:47 pm

33,580 total views

Inaanyayahan ng Viva Communications at One Meralco Foundation ang mga Pilipino na suportahan ang mga inisyatibo ng Caritas Manila sa patuloy na pagtugon sa pangangailangan ng mga nasasalanta ng kalamidad at pagpapabuti sa buhay ng mga mahihirap.

Ginawa ni Viva – Concert Director Paul Basinillo at One Meralco Foundation President Jeffrey Tarayao ang apela sa naging matagumpay na “Padayon Pag-ibig, Damayan sa Pag-ahon” concert.

Ang malilikom na pondo ay ipagkakaloob sa Caritas Manila para itaguyod ang rehabilitasyon ng mga tahanan na nasira ng lindol sa Cebu at Davao.

Inihayag ni Basinillo na pagtutulungan ng Viva Communications, One Meralco Foundation at Caritas Manila para mabilis na makabangon ang mga nasalanta ng lindol.

Inaasahan ni Basinillo ang pakikiisa ng mga kabataan sa mga inisyatibong tutulungan ang mga nabibiktima ng kalamidad upang mamulat at mapalalim ang kanilang kaalaman.

“Syempre gusto natin yung mga kabataan talaga ang mag-represent para tumulong sa ating mga nasalanta. So together with Caritas Manila and Viva, pinagtulungan natin ito para makagather tayo ng enough funds para matulungan natin yung ating mga kababayan. So guys, we’d like to invite you to please support our effort, especially Padayon. We’ve done Padayon in the past and now it’s Padayon 2025. Sama-sama po tayong tumulong at supportahan ang ating mga kababayan na nasalanta,” ayon sa panayam ng Radyo Veritas kay Basinillo.

Inaanyayahan naman ni Tarayao ang mga Pilipino na makiisa sa mga programa ng Caritas Manila para tulungan ang biktima ng kalamidad at mga nagugutom.

“Kaya kung tayo po ay magtutulong-tulong, magiging makabuluhan po ang pagdiriwang hindi lamang ng kanilang Pasko, kundi ng Pasko ng ating mga sarili. Kaya maraming maraming salamat po. this collaboration happened because of our partnership with Caritas Manila. One Meralco Foundation and Caritas Manila has been working together for many years. Father Anton, for example, is in the board of One Meralco Foundation and we see the participation of the Church very important in the work that we do in One Meralco Foundation,” ayon sa panayam ng Radyo Veritas kay Tarayao.

Nagtatanghal sa concert ang mga Viva Artist na sina Angela Muji, Ashtine Olviga, Aubrey Caran, Carlo, CJ Villavicencio, Dana Pauline, Heart Ryan, Justine Lim, Juan Caoile, Keagan de Jesus, Kiel, Kurt Delos Reyes, Lee Dae Won, Martin Venegas, Meg Zurbito, Nic Galvez, Nicole Omillo, Rabin Angeles, Rafa Victorino, Rhodessa, Sara Joe, at marami pang iba.

Diocese of Assisi sa Italy, ikinagalak ang pilgrimage ng relic ni St.Carlo Acutis sa Pilipinas

Wednesday, December 10, 2025 1:01 pm

19,501 total views

Ikinagagalak ng Diocese of Assisi sa Italy ang matagumpay na pilgrimage nang relic ni Saint Carlo Acutis sa Pilipinas.

Ayon kay Assisi Bishop Domenico Sorrentino, napakabuting pagkakataon ito para sa mga Pilipino at mamamayan sa iba pang bansa kung saan idinadaos ang pilgrimage upang mapalalalim ang pananampalataya ng mamamayan.

“Carlo, following in the footsteps of Saint Francis and Saint Clare, explains to us that Jesus is the only true joy, Jesus with Mary, especially in the Eucharist. Carlo is a good teacher who teaches us the path to holiness, and with Francis he forms an extraordinary team: learning from them is the secret of joy,” ayon sa mensahe ni Bishop Sorrentino na pinadala ng Diocese of Assisi, Italy sa Radyo Veritas.

Ipinaliwanag ni CBCP President Lipa Archbishop Gilbert Garcera na ang pilgrimage ay pagkakataon upang higit na makilala ang “Patron Saint of the Internet” na ini-alay ang buhay sa panginoon gamit ang makabagong teknolohiya.

“An opportunity for prayer, devotion, and encounter with the patron saint of the internet—he said—and a powerful witness to youthful holiness. May these grace-filled days inspire us to live a life of Eucharist, charity, and the love of God—just like Carlo Acutis,” ayon pa sa mensahe ni Archbishop Garcera na pinadala ng Diocese of Assisi Italy sa Radyo Veritas.

Sa Pilgrimage ng relikya ni Saint Carlo Acutis, si Msgr. Anthony Figueiredo, Director of International Affairs and Custodian of the Pericardium Relic of St. Carlo Acutis for the Diocese of Assisi, ang siyang nagdala ng relikya mula sa Italy papunta sa Pilipinas.

Nagsimula noong November 28–29 ang pilgrimage sa Arkidiyosesis ng Maynila, Diyosesis Malolos, Kalookan, at Novaliches kung saan naikot na nito ang ibat-ibang mga simbahan at dambana sa magkakaibang diyosesis.

Bukas, December 11 ay magpapatuloy ang pilgrimage sa Parish and National Shrine of St. Padre Pio sa Archdiocese of Lipa, December 12 sa Santo Domingo Church – National Shrine of Our Lady of the Holy Rosary of La Naval de Manila Diocese of Cubao, December 13 sa Diocese of San Jose – Saint Joseph the Worker Cathedral Parish at Diocese of Cabanatuan – Saint Nicholas of Tolentino Parish Cathedral.

Habang sa December 14, sa huling bahagi ng pilgrimage ay bibisita ang relikya sa Santuario de San Antonio Parish, Makati at San Felipe Neri Parish sa Archdiocese of Manila bago ang muling pagbalik ng relikya sa Diocese of Assisi sa Italy sa December 15 kung saan nakalagak ang mga labi ni Saint Carlo Acutis.

Business mission sa Pilipinas, paiigtingin ng Australia

Tuesday, December 9, 2025 10:31 am

21,566 total views

Tiniyak ng Australian Embassy to the Philippines ang pagpapalawig at pagpapalakas ng pakikipagkalakan sa Pilipinas.

Mensahe ito ni Australian Ambassador to the Philippines Marc Innes-Brown sa taunang ‘Journalist’s Reception’ sa nakipag-dayalogo sa mga mamamahayag na Pilipino.

Inihayag ni Brown na inaayos na ng Australia ang iba’t-ibang business mission upang mapalawig at mapatatag ang economic ties sa Pilipinas upang mapaunlad ang ekonomiya nito.

“We are continuing to do the work that I outlined before. We are working to try and promote greater trade investment. As Louisa said from Austrade, we are organizing business missions in both directions in the key sectors that we identified, have our deals team here working to identify projects. We’re also working very closely with Australian companies that have business underway,” ayon sa panayam ng Radyo Veritas kay Brown.

Nakikipagtulungan na ang Australian embassy sa kanilang mga kumpanya, negosyo at ahensiya ng pamahalaan sa pagsusulong ng mga economic initiative na tutulong sa patuloy na paglago ng ekonomiya ng Pilipinas.

“Just this afternoon, I spent a couple of hours working with one Australian company on a major project that is currently being attendedm So it’s a priority for us, and it will definitely be a priority in 2026,” bahagi ng panayam ng Radyo Veritas kay Brown.

Ang Pilipinas ay ika-12 nangungunang trade partners ng Australia.

I-ayon ang buhay kawangis ng Birheng Maria

Monday, December 8, 2025 1:26 pm

21,993 total views

Hinimok ni Father Roy Bellen – pangulo ng Radyo Veritas ang mananampalataya na palalimin ang pagdedebosyon at i-ayon ang buhay kawangis ng Birheng Maria.

Ito ang paalala ng Pari ngayong araw sa paggunita ng Dakilang Kapistahan ng Kalinis-linisang Paglilihi sa Mahal na Birheng Maria.

Hinimok ng Pari ang bawat isa na bukod sa holidays at double pay ay pag-alala ito sa paglilihi kat Maria at paghahanda ngayong panahon ng Adbiyento sa pagdating ni Hesukristo sa mundo.

“Unang-una po, happy fiesta po sa atin pong lahat. Ito pong araw na ito ay nakatutuwa sa ating bansa. It has also become a holiday. Ito po ay araw na wala pong pasok, wala pong trabaho. Kaya sana ito rin po ay ating magamit kung para saan po talaga ito — araw po na tayo magpasalamat sa biyaya ng ating Panginoon. Of course, pinanganak sa pamamagitan ng ating mahal na Ina, ang Birheng Maria. Nawa ang ating pamimintuho sa Mahal na Ina, na sa Pilipinas ay talagang napakakilala at napakasikat,” ayon sa panayam ng Radyo Veritas kay Fr.Bellen.

Ipinagdarasal ng Pari na sa pamamagitan ng pagdedebosyon sa Mahal na Birheng Maria ay higit na maisabuhay ng mga mananampalataya, at nang bawat Pilipino ang paggawa ng mabuti.

Ito ay upang maipadama sa kapwa ang pagmamahal ng Panginoon katulad ng pagkalinga ni Maria kay Hesus at pagkalinga nang Mahal na Ina para sa Sangkatauhan sa harap ng anumang hamon.

Sa huli, panalangin ng Pari ang pamamayani ng kapayapaan sa mundo at puso ng bawat isa.

Estudyante ng CEU-Manila at FEU, best female at male anchors ng Radio Veritas Campus Hour season 12

Monday, December 8, 2025 10:27 am

21,893 total views

Pinarangalan ng Radyo Veritas 846 ang mga natatanging students broadcaster na bahagi ng Campus Hour program ng Radyo ng Simbahan.

Ngayong 2025, isinagawa ang awarding ceremony ng Campus Hour season 12 sa Centro Escolar University Manila.

Sa kanyang mensahe sa awarding ceremony, hinimok ni Radyo Veritas President Father Roy Bellen ang mga student broadcaster na gamitin ang talentong ibinigay ng Panginoon sa tama.

Tagubilin ng pangulo ng Radyo ng Simbahan sa mga mag-aaral na ipalaganap sa pamamagitan ng pamamahayag ang pananampalataya, pag-asa, pag-ibig at mabuting balita ng Panginoon.

“nawa tayo pong lahat ay huwag makalimot na yung lahat ng skills and talents na nailagay po sa atin ng ating Panginoon, yung lahat ng ating galingan na ipamalas dun po sa ating pag-broadcast sa Campus Hour, ito po ay paalala lang: meron kang mission,” ayon sa panayam ng Radyo Veritas kay Fr.Bellen.

Lubos namang nagpapasalamat si CEU Manila Professor and Communication and Media Program Chair Jose Chris Sotto na maging bahagi ng Campus Hour radio program na naging daan upang lalong mahasa ang kakayahan at talento ng mga estudyante.

“Masaya po kami makasama kayo sa araw na ito. So talagang tuloy-tuloy ang participation namin dito. Masaya kami every year na maging bahagi ng Campus Hour at for sure tuloy-tuloy po ito – Mula script writing, lahat yung napapractice sa pag-participate ng mga estudyante natin dito sa Radyo Veritas Campus Hour. Kaya napakagandang application ito,” ayon sa panayam ng Radyo Veritas kay Sotto.

Kalahok sa Campus Hour Season 12 ang World Citi Colleges Aeronautical & Technological College, La Consolacion University of the Philippines, Universidad de Manila,Baliuag University, Colegio de San Juan de Letran, Far Eastern University, Centro Escolar University–Manila at Centro Escolar University–Malolos.

Nanalo sa Campus Hour Season 12 bilang Best Program Theme Song ang WCC Aeronautical & Technological College North Manila, Best Program Teaser Plug naman para Far Eastern University, habang Best Male and Female Anchors sina Zach Punzal ng Centro Escolar University Manila at si Dani Dayao ng Far Eastern University, habang Audience Choice award nama nang natanggap ng Colegio de San Juan de Letran Manila at Best Program Segment naman para sa Centro Escolar University Malolos.

Tinanghal namang Best Radio Drama Program ang Universidad de Manila, Best Program Promotional Campaign naman ang Centro Escolar University Manila, habang Best in Broadcast Production Materials para naman sa La Consolacion University, Best Production Team para sa Baliuag University, Best Radio and TV Performance naman para sa Adamson Universit at Best Campus Hour School ngayong Season 12 ang Far Eastern University.

Sa awarding ceremony, lumagda sa kasunduan ang mga opisyal ng Radyo Veritas at Pamantasan ng Lungsod ng Muntinlupa upang maging bahagi ng Campus Hour Season 12.

Pamantasang Lungsod ng Muntinlupa, bagong kalahok sa Campus Hour program ng Radyo Veritas

Wednesday, December 3, 2025 4:12 pm

29,622 total views

Nagalak si Radyo Veritas President Father Roy Bellen sa naging pormal na pakikiisa ng Pamantasan ng Lungsod ng Muntinlupa bilang isa sa mga participating schools sa Season 13 nang Campus Hour Program nang himpilan.
Ayon pa Pari, ang naganap na contract signing sa pagitan ng Radyo Veritas at nang Pamantasan ay pinapatibay ang pagkakaroon ng tunay at aktuwal na karanasan ng mga estudyante na maging bahagi ng radio production.
Ito ay upang matutunan ang mga kinakailangang kakayahan at abilidad na mahalaga sa kanilang piniling landas pagdating sa larangan ng komunikasyon.

“Welcome po sa inyo doon po sa Pamantasan ng Lungsod ng Muntinlupa, sa inyong pag-iisa bilang miyembro o isa sa mga paaralan at pamantasan na nagiging bahagi ng ating Campus Hour. Ito po ay hindi lang basta-basta, nabanggit ko kanina doon sa event na hindi lang po ito academic requirement, katunayan po, every time na ang mga kabataan ay nagkakasama-sama, yung ating boses at yung ating mga adbokasiya ay mas lumalakas. At tayo din po ay maraming natutunan. At higit sa lahat, yung mga magagandang mensahe na ipapakalat po natin,” ayon sa panayam ng Radyo Veritas kay Fr.Bellen.

Nasasabik naman si Maria Purification Ganavan Pamantasan ng Lungsod ng Muntinlupa Faculty at Direktor nang Center for Languages and Development sa partnership na inilunsad dahil mabuting inisyatibo para sa pag-aaral ng mga estudyante.

Gayundin ang inaasahang pagpapalalalim ng kakakayahan ng mga estudyanteng bahagi ng Campus Hour Season 13.

“Bilang mensahe, we’re very excited, and alam ko, ramdam ko, kasi it’s been— I think—since 2023 na kinokontak ako ni Sir Junvel. And ito na, I think ito na yung tamang panahon para ang aking mga advisees ay maipakita ang kanilang skills — yung galing nila sa pagbabalita at pagpapakita ng… ano ba — para maipakita nila yung husay nila sa pag-arte, So maraming-maraming salamat. I hope magtagumpay ang aking mga advisees. That’s all. Thank you so much.” ayon sa panayam ng Radyo Veritas kay Ganavan.

Sa Campus Hour Season 13 ay makakasama ng pamantasan sa susunod na taon ang Adamson University, World Citi Colleges Aeronautical & Technological College, La Consolacion University of the Philippines, Universidad de Manila, Baliuag University, Colegio de San Juan de Letran, Far Eastern University, Centro Escolar University – Manila, at Centro Escolar University – Malolos.

500-pisong budget para sa noche buena, inalmahan ng Obispo

Wednesday, December 3, 2025 1:43 pm

25,582 total views

Nanawagan si Antipolo Bishop Ruperto Santos sa mga opisyal ng pamahalaan, higit na ang mga nangangasiwa sa ekonomiya na lumikha ng mga pamamaraan na tunay na magpapababa sa presyo ng mga bilihin, lalo na ngayong panahon ng adbiyento.

Ito ang hamon ni Bishop Santos sa mga lider ng bayan matapos ihayag ng Department of Trade and Industry na sapat ang P500 budget bilang panghanda sa Noche Buena.

Ayon sa Obispo, ang Noche Buena ay isang sagradong pagsasalo-salo ng mga pamilya bilang pakikiisa at paggunita sa kapanganakan ni Hesus at pagdating niya sa mundo.

“Let us remember: Noche Buena is not simply an ‘ordinary meal.’ It is a sacred family gathering, a celebration of Emmanuel—God with us. To diminish it is to diminish the joy of Christ’s coming. Our people deserve more than words; they deserve concrete action to lower prices, to ensure fairness in trade, and to protect the dignity of every Filipino household,” ayon sa mensaheng ipinadala ni Bishop Santos sa Radyo Veritas.

Pinabatid din ng Obispo ang pakikiisa sa mga Pilipino, lalo na sa mga mahihirap na lubhang naapektuhan ngayon ng pagtaas ng presyo ng mga pangunahing bilihin at serbisyo.

Nawa, sa kabila ng mga pasakit na nararanasan ng mga Pilipino ngayon ay hindi makalimutan na bukod sa mga salo-salo at regalo, ang sentro ng Adbiyento ay ang paghahanda para sa pagdating ni Hesus.

Gayundin ang pananalangin upang mapukaw ang mga namamahala ngayon na isulong ang katarungang panlipunan upang ang bawat isa ay makapamuhay nang may dignidad.

“Where are the inspectors in our palengke, supermarkets, and sari-sari stores? Our people suffer from price gouging, hoarding, and smuggling, while officials speak of ‘budget meals’ detached from the struggles of the poor. Noche Buena is not meant to be a time of tinipid and limited. It is meant to be a time of rejoicing, of offering our best to God and to one another. It is abundance of faith, not scarcity imposed by neglect. Do not steal the spirit of Christmas from our families,” ayon pa sa mensahe sa Radyo Veritas ni Bishop Santos.

Una nang nilinaw ng DTI na kasya ang P500 na pang-Noche Buena para sa isang pamilyang may apat na miyembro, na batay sa kanilang price guide ay maaaring makabuo ng apat na panghanda katulad ng spaghetti, fruit salad, macaroni salad, at ham o pandesal sa halagang limang daang piso.

Paglaban sa katiwalian, paiigtingin pa

Monday, December 1, 2025 12:32 pm

29,187 total views

Tiniyak ni Cubao Bishop Elias Ayuban Jr na hindi natatapos sa Trillion Peso March ang patuloy na pakikibaka upang maibalik ang ninakaw sa kaban ng bayan.

Ito ang mensahe nang Obispo sa kaniyang pakikiisa sa ikalawang Trillion Peso March sa EDSA People Power Monument na dinaluhan ng libo-libong Pilipinong mula sa ibat-ibang Diyosesis, sektor ng lipunan at mga grupo upang paigtingin ang paninindigan laban sa korapsyon.

Panawagan ng Obispo sa mga Pilipino na huwag makampante at ipagpatuloy ang pag-aalab ng damdamin laban sa mga tiwaling opisyal na dapat sana ay nagsusulong sa pagpapaunlad sa bayan.

“Hindi tayo maging kampante, hindi tayo mapapagod sa pagtatawag ng hustisya at maibalik yung nanakaw na salapi at maparusahan yung nagkakasala. So patuloy itong pagmamatiyag,pagmamasid at pagtatawag ng accountability and transparency and eventually justice,” ayon sa panayam ng Radyo Veritas kay Bishop Ayuban.

Pinarating din ni Bishop Ayuban ang pagpapasalamat sa mga Pilipinong nakiisa sa pagkilos kahapon na kasabay nang Andres Bonifacio Day.

Gayundin ang pasasalamat sa mga mananampalatatayang mula sa 86 na magkakaibang Diyosesis na nagpahayag ng pakikiisa sa Trillion Peso March.

Ito ay dahil nadin umabot sa hanggang 90-libong ang nakiisa sa Trillion Peso March na isinagawa sa Metro Manila at ibat-ibang bahagi ng Pilipinas.

“Una sa lahat, ako nagpapasalamat sa lahat ng dumalo sa mga obisko, sa mga pari, mga consecrated persons, mga laikos.Ito ay nasa loob ng Diyos ng Cubao. By default, kami yung host.At malaking pasasalamat dahil pinapakita natin na tayo nagigising na.At merong 86 dioceses that are holding simultaneous protest rallies asking for accountability and transparency,” bahagi pa ng panayam ng Radyo Veritas kay Bishop Elias.

Pangunahing ipinananawagan ang pagkakaroon ng pananagutan, kaliwanagan at pagkundena sa mga nabunyag na anomalya sa kaban ng bayan ang naging sentro ng ikalawang Trillion Peso March.

Pangunguna ng Simbahang Katolika sa Trillion Peso march, kinilala

Wednesday, November 26, 2025 2:29 pm

29,307 total views

Kinilala ng Manila Golden Mosque at Philippine Council of Evangelical Churches (PCEC) at Tindig Pilipinas ang pangunguna ng Simbahang Katolika sa ikalawang Trillion Pesos March sa November 30 at inaanyayahan ang mga Pilipino, anuman ang kanilang pananampalataya, na makiisa at paigtingin ang mga pagkilos.

Ayon kay PCEC Bishop Eli Mercado, ang pakikiisa sa Trillion Peso March ay pagpapakita ng pagmamalasakit sa bayan at hangarin na wakasan ang mga anomalya sa pondo ng taumbayan.

“Isa po itong panawagan, hindi lamang sa mga kapwa ko evangelical leaders at Christian churches na kasama dito, kundi sa bawat isang Pilipino, na marahil ay kakausapin kayo ng Panginoon sa pamamagitan ng iba’t ibang panawagan. Magkaisa po tayo. Ito ay pagmamalasakit sa bayan. Ito ay para sa karangalan ng Diyos. Isang bansa na tinatawag na religious pero bakit hindi righteous? — magkaisa po tayo,” ayon sa panayam ng Radyo Veritas kay Bishop Mercado.

Kinatigan ni Manila Golden Mosque Grand Imam Faisal Baulo ang pangunguna ng Simbahang Katolika sa pagkilos kontra katiwalian.

Binigyan diin ni Baulo ang kahalagahan ng pakikiisa ng mga Pilipino, anuman ang relihiyon para sa inaasam na reporma sa pamahalaan at mas maayos na pangangasiwa sa kaban ng bayan.

“Napakahalaga po sa atin ang pagkakaisa ng iba’t ibang relihiyon para makita ng buong sambayanan na tayo ay hindi papayag, lalaban tayo sa mga kurakot na nangyayari sa ating sambayanan na naghihirap ang taumbayan. So nag-aanyaya ako sa lahat ng ating mga kapatid na ka-musliman at iba’t ibang relihiyon na sumali sa rally sa darating na November 30 sa EDSA para ipakita natin ang ating sakit na nararamdaman tungkol sa pangungurakot ng ating mga leader na tayo ay hindi sumasangayon. So Inshallah, pumunta tayo sa November 30 sa Rally para makita ng buong bansa, buong mundo na tayo ay nagkakaisa.” ayon sa panayam ng Radyo Veritas kay Imam Baulo

Nilinaw naman ni Tindig Pilipinas Co-Convenor Kiko Aquino Dee, ang Trillion Peso March ay pagkakataon para sa mapayapa at sama-samang pagkilos ng mga Pilipino sa paglaban sa katiwalian.

Pinuri din ni Dee ang pakikiisa ng mga relihiyosong grupo mula sa iba’t ibang pananampalataya, kabilang ang mga Muslim at mga simbahan ng PCEC, bilang bahagi ng Trillion Peso March Movement.

“Kung tayo po’y galit sa katiwalian,kung gusto po natin makita na dapat talagang ikulong ang lahat ng mga kurakot, sana makiisa tayo sa part 2 ng Trillion Peso March sa EDSA People Power Monument, 8am po tayo magsisimula at mukhang whole day po na magiging programa natin Magkita-kita po tayo November 30, 8am sa Trillion Peso March part 2 sa People Power Monument. 8am sa Trillion Peso MarchPart 2 sa People Power Monument,” ayon sa paanyaya ni Aquino sa mga Pilipinas at panayam ng Radyo Veritas.

Ang sentro ng ikalawang Trillion Pesos March ay sa EDSA People Power Monument, habang magkakaroon ng mga localized na pagtitipon sa iba’t ibang rehiyon”: sa Luzon: Angeles City, Pampanga; Candelaria, Quezon; Legazpi City, Albay: Sa Visayas: Cebu City; Tacloban City; Bacolod City; Dumaguete City; Iloilo City: at sa Mindanao: General Santos City; Cagayan de Oro; Zamboanga City.

Kahilingan sa Trillion Pesos March ang paglalantad ng katotohanan, pagbabalik sa pera ng bayan, paglilitis sa mga mapapatunayang sangkot sa korapsyon, paggalang sa konstitusyon, at pagpapatigil ng political dynasties sa bansa.

Sambayanang Pilipino, inaanyayahang makiisa sa Trillion Peso March

Tuesday, November 25, 2025 10:52 am

29,728 total views

Inaanyayahan nang Simbahang Katolika ang mga Pilipino na makiisa sa idadaos na ikalawang ‘Trillion Peso March’ sa Metro Manila at iba pang bahagi ng Luzon, Visayas at Mindanao.

Ayon kay Kalookan Bishop Pablo Virgilio Cardinal David, ito ay sa pangunguna ng Catholic Bishops’ Conference of the Philippines Episcopal Commission on Social Action, Justice and Peace na layuning ang pagkakakisa ng mga Pilipino laban sa katiwalian sa lipunan.

“Inuulit ko ang paanyaya na dumalo at makiisa sa Trillion Peso March Part 2, November 30, yan po ay kapistahan din ng apostol San Andres, at yun din ay araw ng kapanganakan ng isa pang Andres, Andres Bonifacio, ang magiting na bayani ng asawa’y taga-Kalookan si Oriang si Gregoria, kami po ay bayan ng magigiting na mga bayani, so sa November 30, pag-iisahin po natin ang isang pambansang pahayag na mapayapa makabayan at sama-sama na nananawagan para sa tapat na pamahalaan para sa wastong paggamit ng kaban ng bayan,” ayon sa mensahe ni Carinal David sa idinaos na ‘Festival of Voices for the 100th Year of the Christ the King’ sa National Shrine of Mary, Queen of Peace.

Gayundin ang paanyaya ni Clergy for Good Governance (CGG) Convenor Running Priest Father Robert Reyes sa mga Pilipino ano pa man ang kanilang relihiyon na makiisa sa pagtindig laban sa korapsyon.

Ito ay dahil kinakailangan ngayon ang tunay na pagbabago sa pamamagitan ng pinagsama-samang paninindigan ng mga Pilipino kung saan personal ang inaasahang pagdalo ng ibat-ibang Pilipino sa ikalawang Trillion Peso March.

“Kaya mga kababayan, ano man ang relihiyon nyo, katoliko, muslim, walang relihiyon, hindi naniniwala sa Diyos pero naniniwala sa isang bansang malaya, isang bansang maunlad at masagana, isang bansang hindi hati-hati at walang hidwaan, mahirap man ito, eto ang pangarap natin dahil ang Pilipinas ay magandang bansa, mayaman na bansa, madasalin na bansa, luntian ang bansa,” bahagi pa ng panayam ng Radyo Veritas kay Fr.Reyes.

Ang Trillion Peso March sa November 30 ay sa pangangasiwa ngayon ng Caritas Philippines katuwang ang mga religous groups at iba pang grupo na mula sa ibat-ibang sektor ng lipunan.

Paninindigan laban sa katiwalian, panawagan ni Cardinal David sa mga Pilipino

Wednesday, November 19, 2025 4:03 pm

41,705 total views

Inaanyayahan ni Kalookan Bishop Pablo Virgilio Cardinal David ang mga Pilipino na makiisa sa paninindigan laban sa katiwalian sa pamahalaan.

Iginiit ni Cardinal David na nararapat sama-samang kumilos ang taumbayan sa pagsusulong ng transparency at mapanagot ang mga sangkot sa ibat-ibang anomalya sa pangangasiwa sa kaban ng bayan.

Sa November 23, ipagdiriwang ang ika-100 taon ng Christ the King sa National Shrine of Mary Queen of Peace o EDSA Shrine.
2:30 ng hapon, magsisimula ang prusisyon na iikot sa Ortigas pabalik ng EDSA shrine at ganap na 4:30 ng hapon, pangungunahan ni Cardinal David ang banal na misa at programa kasama ang civil society groups bilang paghahanda sa ikalawang Trillion Peso march sa ika-30 ng Nobyembre sa People Power monument.

Inihayag ni Cardinal David na layon ng pagkilos na muling isaayos ang mga institusyon na winasak ng kultura ng katiwalian.

“Para sa muling pagsasaayos ng mga institusyong winasak ng kultura ng katiwalian. Marami po ang mga bagong mukha ng people power ngayon: ang mamamayang naninindigan, nagmamatyag, nagbabantay, nagmamalasakit. At narito ang Simbahan, katuwang ng gobyerno at civil society organizations upang tiyakin na totoo, matino, at tapat ang paggamit ng kaban ng bayan. Dumarami na rin po ang mga kabataan at mga digital influencers — hindi mga paid trolls, hindi propaganda machines,” ayon sa mensahe ni Cardinal David.

Binigyan diin naman ni Running Priest Father Robert Reyes, kasapi nang Clergy for Good Governance at isa sa mga organizer ng pagkilos na napakahalaga ng pakikiisa ng mas maraming Pilipino ngayong nababalot ng katiwalian ang pamahalaan.

Sa pamamagitan nito ay mapapalakas ang paninindigan at panawagan ng mga Pilipino na labanan ang katiwalian at mapanagot ang mga sangkot sa mga korapsyon katulad ng maanomalyang flood control project.

“Kayo ay humingi ng tawad, kayo ay magsisi talaga at isauli nyo ang inyong ninakaw. Yan po ang diwa ng pagdiriwang natin ng Krisong Hari. Magkita-kita po tayong lahat sa EDSA Shrine, lahat ng nais sumama dito. Alas 2:30, tulak ng prosesyon sa paligid ng EDSA Shrine, Ortigas, ADB Avenue.Balik dito. At alas 4.30, sa bisa ni Cardinal Ambo David at doon natin mapapakinggan ang kanyang malalim na pagninilay tungkol sa mga naganap,” ayon sa mensahe ay paanyaya ni Father Reyes.

World Day of the Poor, ipinagdiwang ng Diocese of Novaliches kasama ang mahirap na pamilya

Wednesday, November 19, 2025 7:53 am

27,111 total views

Ipinagdiwang ng Caritas Novaliches at Cathedral Shrine and Parish of the Good Shepherd ang World Day of the Poor kasama ang mga mahihirap.

70-mahihirap na pamilya mula sa mga creek-side at disaster prone areas ang pinakain binigyan ng food packs ng Diocese of Novaliches.

Ibinahagi ni Novaliches Bishop Roberto Gaa, ang sustainable na pamamaraan ng pagtulong sa mga mahihirap tulad ng education at livelihood programs.

“Magandang araw po sa inyong lahat, Happy World Day of the Poor! totoo po, ito po ang misyon ng simbahan, pero sana yung magbigay-bigay lang ng pagkain, pero sana matulungan na magkaroon ng pagkakataon na tumayo na sa sarili nila,” ayon sa panayam ng Radyo Veritas kay Bishop Gaa.

Sa gift-giving na idinaos sa Cathedral Shrine and Parish of the Good Shepherd ay tiniyak ni Caritas Novaliches Deputy Executive Director Father Joel Saballa, na kasama ng mga mahihirap ang simbahan kung saan hindi lamang sa isang pagkakataon ipaparating ang tulong.

Personal namang nagtungo ang Social Service Development Ministry nang Dambana sa pangunguna ng kanilang Coordinator na si Rose Imperial sa mga lugar ng Sitio Ruby, Pulang Lupa at Bagong Barrio upang matukoy ang mga benepisyaryo ng gawain.

“Unang-una po, ito ay magandang mensahe na pagpapaalala sa mga kapatid nating kapuspalad na sila ay hindi nakakalimutan ng ating Inang Simbahan. Sila ay ating kaagapay sa misyon ng ating Panginoon. Tulad ng aking nasabi kanina, yung mga kalyo, yung mga bitak sa kanilang mga sakong ay paalala sa ating lahat na mayroon pa ring mga Pilipinong lumalaban nang patas at hindi nanlalamang sa kapwa,” ayon sa panayam ng Radyo Veritas kay Father Saballa.

Ayon sa Caritas Novaliches regular and pagtulong sa mga mahihirap na komunidad sa nasasakupan ng Diocese of Novaliches kung saan nagkakaroon nadin ng regular check-up sa mga pamayanan upang maalagaan ang kalusugan ng mga mamamayan.

Malawakang pagkilos para sa pananagutan ng mga corrupt, pangungunahan ng CGG at Cardinal David

Tuesday, November 18, 2025 3:51 pm

33,405 total views

Idadaos ng Clergy for Good Governance (CGG) ang punong talakayan sa November 19, 2025 kaugnay ng malawakang pagkilos sa November 23 at 30, 2025.

Sa isasagawang Press conference sa Edsa Shrine, ibabahagi rin ang mensahe ni Kalookan Bishop Pablo Virgilio Cardinal David para sa mga Pilipino hinggil sa patuloy na paglaban sa katiwalian.

Ito ang paanyaya ni Running Priest Father Robert Reyes nang CGG upang maging handa ang mga Pilipino at mamamahayag hinggil sa mga dapat asahang mangyari sa dalawang linggong magkakasunod na pagkilos.

“Lalabas po bukas yung audio/video message ni Kalookan Bishop Pablo Virgilio Cardinal David tungkol sa November 23/30 Mass/rally ng simbahan at mga iba’t ibang sektor para sa accountability, transparency, and against corruption. Kaya bukas po, magsasama ang Clergy for Good Governance at ang mga partners nito sa EDSA Shrine sa ganap na alas-nuwebe y medya hanggang alas-diyes, at doon ilalabas po ang video message ni Cardinal Ambo na nakikiisa sa lahat dahil siya po ngayon ay nasa Brazil, nag-aattend ng COP30.” ayon sa panayam ng Radyo Veritas kay Fr.Reyes

Hinimok ni Fr.Reyes ang mga Pilipino na tutukan at alamin ang ruta, polisiya at mahahalagang tagubilin sa pagkilos na pangungunahan ng simbahan sa Nov.23 at 30.

Ayon sa Pari, bilang paunang mensahe layung maipaalam sa Pilipino na ang Panginoong Hesukristo ay kasama ng mga tao at maglilingkod sa sanlibutan upang maisulong ang kabutihan at katotohanan higit na ngayong nababalot ng anomalya ang pamamahala sa kaban ng bayan.

“Yung leader na naglilingkod, yung leader na lingkod, kaya ipaliliwanag niya ’yan, palalalimin niya ’yun sa konteksto ng korapsyon, ng impunity, walang accountability, walang transparency. Kaya po nakarating tayo sa puntong ito — nabulaga na lang tayo na matagal na palang nangyayari yung pagnanakaw ng ating pondo, yung mismong mga dapat na napoprotekta nito,”

Noong September 21 2025 ay una nang naidaos ang Trillion Pesos March kung saan nanindigan ang Simbahan kasama ang iba pang mga relihiyon, Pilipino at kalipunan ng mga grupo sa EDSA People Power Shrine upang kundenahin ang maanomalyang flood control projects at mga nabubunyag na katiwalian sa pamahalaan.

Pag-ahon sa mga mahihirap, paiigtingin pa ng Caritas Manila

Monday, November 17, 2025 1:51 pm

42,399 total views

Binibigyan ng Caritas Manila ng oportunidad ang mga mahihirap na makaahon sa kanilang kinalugmukhang sitwasyon.

Ito ang tiniyak at mensahe ni Father Anton CT Pascual – Caritas Manila Executive Director sa paggunita ng World Day of the Poor.

Ayon sa Pari, bukod sa pamamahagi ng pagkain, hygiene kits at shelters assistance sa mga biktima ng kalamidad ay pinapalakas din ng Caritas Manila ang mga livelihood programs at scholarship sa mga mahihirap na estudyante.

Iginiit ni Father Pascual na ang edukasyon ang tugon upang malabanan ang kahirapan.

“Ayaw po natin ng dole-out, ayaw natin ng ayuda, ito ay pang-emergency lang ang mahalaga po, bigyan natin ng dignidad ang mga dukha, tulungan natin sila na matulungan ang kanilang sarili, sa ating karanasan sa Caritas Manila, naniniwala po tayo na ang mahirap ay hindi naman- wala lang silang oportunidad, ito po ang ating ibigay sa kanila,” ayon sa panayam ng Radyo Veritas kay Fr.Pascual.

Tiniyak ng Pari na isasabuhay ng Caritas Manila ang panawagan ni Pope Francis na i-ahon at bigyan ng marangal na pamumuhay ang mga benepisyaryo nito.

“Ito po ay itinatag ni Pope Francis upang itaas ang ating kamalayan, kamulatan, pananagutan sa kalagayan ng mga dukha as buong mundo, lalung-lalu na sa ating bansa,” bahagi pa ng panayam ng Radyo Veritas kay Fr.Pascual.

Patuloy na pinapalakas ng Caritas Manila ang Youth Servant Leadership and Education Program o YSLEP na mayroong humigit-kumulang na 5,000 scholars mula sa iba’t-ibang panig ng bansa.

Veritas PH

ECONOMICS NEWS