Inaanyayahan ni Kalookan Bishop Pablo Virgilio Cardinal David ang mga Pilipino na makiisa sa paninindigan laban sa katiwalian sa pamahalaan.
Iginiit ni Cardinal David na nararapat sama-samang kumilos ang taumbayan sa pagsusulong ng transparency at mapanagot ang mga sangkot sa ibat-ibang anomalya sa pangangasiwa sa kaban ng bayan.
Sa November 23, ipagdiriwang ang ika-100 taon ng Christ the King sa National Shrine of Mary Queen of Peace o EDSA Shrine.
2:30 ng hapon, magsisimula ang prusisyon na iikot sa Ortigas pabalik ng EDSA shrine at ganap na 4:30 ng hapon, pangungunahan ni Cardinal David ang banal na misa at programa kasama ang civil society groups bilang paghahanda sa ikalawang Trillion Peso march sa ika-30 ng Nobyembre sa People Power monument.
Inihayag ni Cardinal David na layon ng pagkilos na muling isaayos ang mga institusyon na winasak ng kultura ng katiwalian.
“Para sa muling pagsasaayos ng mga institusyong winasak ng kultura ng katiwalian. Marami po ang mga bagong mukha ng people power ngayon: ang mamamayang naninindigan, nagmamatyag, nagbabantay, nagmamalasakit. At narito ang Simbahan, katuwang ng gobyerno at civil society organizations upang tiyakin na totoo, matino, at tapat ang paggamit ng kaban ng bayan. Dumarami na rin po ang mga kabataan at mga digital influencers — hindi mga paid trolls, hindi propaganda machines,” ayon sa mensahe ni Cardinal David.
Binigyan diin naman ni Running Priest Father Robert Reyes, kasapi nang Clergy for Good Governance at isa sa mga organizer ng pagkilos na napakahalaga ng pakikiisa ng mas maraming Pilipino ngayong nababalot ng katiwalian ang pamahalaan.
Sa pamamagitan nito ay mapapalakas ang paninindigan at panawagan ng mga Pilipino na labanan ang katiwalian at mapanagot ang mga sangkot sa mga korapsyon katulad ng maanomalyang flood control project.
“Kayo ay humingi ng tawad, kayo ay magsisi talaga at isauli nyo ang inyong ninakaw. Yan po ang diwa ng pagdiriwang natin ng Krisong Hari. Magkita-kita po tayong lahat sa EDSA Shrine, lahat ng nais sumama dito. Alas 2:30, tulak ng prosesyon sa paligid ng EDSA Shrine, Ortigas, ADB Avenue.Balik dito. At alas 4.30, sa bisa ni Cardinal Ambo David at doon natin mapapakinggan ang kanyang malalim na pagninilay tungkol sa mga naganap,” ayon sa mensahe ay paanyaya ni Father Reyes.
Hinikayat ni Apostolic Nuncio to the Philippines, Archbishop Charles Brown, ang mga chaplain at mga kasapi ng Military Ordinariate of the Philippines (MOP) na patuloy na isabuhay ang diwa ng paglilingkod kay Kristo sa pamamagitan ng paglilingkod sa kapwa.
Ito ang apela ng nuncio sa paglulunsad ng pagdiriwang ng ika-40 anibersaryo ng pagiging Military Ordinariate ng institusyon.
Sa kaniyang homiliya sa banal na misa para sa Kapistahan ni San Ignacio de Loyola sa St. Ignatius Cathedral sa Camp General Emilio Aguinaldo, sinabi ng kinatawan ng Santo Papa na ang ministeryo ng Military Ordinariate ay hindi para sa pansariling kapakanan kundi para sa tapat na paglilingkod sa kapwa.
“We should always ask ourselves: Whom are we serving? Jesus says in the Gospel: ‘Unless you renounce your possessions, you cannot be my disciple.’ That means we cannot serve ourselves. We should not be serving ourselves. We should be serving others and seeing Christ in others,” ayon sa pagninilay ni Archbishop Brown.
Ipinaliwanag ng nuncio na ang bokasyon ng isang military chaplain ay nakaugat sa halimbawa ni San Martin of Tours, ang sundalong naging banal na nagbahagi ng kaniyang balabal sa isang dukha, isang pangyayaring pinagmulan ng salitang “chaplain.”
Ayon kay Archbishop Brown, ang tunay na paglilingkod ng mga chaplain ay ang pagkilala sa presensya ni Kristo sa bawat taong kanilang pinaglilingkuran.
“That is what it means to serve as a chaplain: to have eyes that distinguish, that discern, the presence of Jesus in others. When we serve others as chaplains, we are serving Christ,” aniya.
Binigyang-pugay rin ni Archbishop Brown ang apat na dekadang paglilingkod ng mga pari ng Military Ordinariate sa iba’t ibang sangay ng uniformed services sa bansa.
“Today we say a heartfelt thank you to God for all the chaplains in these different armed services and uniformed services in the Philippines who have served so selflessly and so beautifully over these past 40 years,” ayon pa kay Archbishop Brown.
Samantala, sa panayam ng Radio Veritas kay Msgr. John Brillantes, tagapagsalita ng military ordinariate, sinabi nitong ang misyon ng MOP ay higit pa sa pagbibigay ng mga sakramento dahil nakatuon din ito sa paghubog ng moralidad at pananampalataya ng mga kawal at kanilang mga pamilya.
“Our mission is truly extensive. More specifically, it is to provide for the spiritual and moral welfare of our soldiers and our uniformed men and women,” ayon kay Msgr. Brillantes.
Ipinaliwanag ng pari na sa kasalukuyan ay may humigit-kumulang 180 aktibong pari ang military ordinariate, kung saan 122 sa mga ito ay sariling hinubog at inordenahan ng MOP matapos nitong magkaroon ng sariling seminaryo kasunod ng pagiging ganap na ordinariate noong 1986.
Bukod sa pagdiriwang ng misa at pagbibigay ng mga sakramento, nagsisilbi rin ang mga military chaplain bilang spiritual advisers’ ng mga commander, tagapag-ugnay sa pagitan ng militar at sibilyan, mga guro sa mga military academy, at maging bahagi ng negotiation teams sa panahon ng mga krisis at iba pang emergency situations.
Ibinahagi rin ni Msgr. Brillantes na isinasabuhay na ng military ordinariate ang panawagan ni Pope Francis sa synodality sa pamamagitan ng pakikinig at paglalakbay kasama ng mga sundalo at kanilang mga pamilya.
“We emphasize the need to listen to our people and to walk with them. You listen to the soldiers, you listen to their families, and from there, we are able to discern how we can better respond to their needs,” paliwanag pa ni Msgr. Brillantes.
Apela ng pari sa publiko na ipanalangin ang mga uniformed personnel, lalo na ang mga nakatalaga sa mga frontline areas.
“Please pray for our uniformed men and women. Especially those at the front line, it is difficult to be a soldier. We enjoy the freedom and security of our nation because of the sacrifices of these brave men and women. They leave their homes and families to serve on the front lines, allowing the rest of us to live comfortably and securely,” dagdag ng pari.
Ayon kay Msgr. Brillante, kabilang sa mga dapat ipanalangin ang mga sundalong nakatalaga sa Pag-asa Island, Batanes, gayundin ang mga kasapi ng Armed Forces of the Philippines, Philippine National Police, Philippine Coast Guard, Bureau of Fire Protection, at Bureau of Jail Management and Penology.
Ang paglulunsad ng ika-40 anibersaryo ng Military Ordinariate of the Philippines ay hudyat ng isang taong paggunita sa apat na dekadang paglilingkod ng Simbahan sa espirituwal at moral na pangangailangan ng mga kalalakihan at kababaihan ng mga uniformed services na nangangalaga sa kalayaan, seguridad, at kapayapaan ng bansa.
Kasabay ng pagdiriwang ay pinangunahan nina Archbishop Brown katuwang si Military Bishop Oscar Jaime Florencio ang pagsasapubliko ng pananda sa apat na dekadang paglilingkod ng MOP kung saan pinahintulutan din ng Vatican ang pagkakaloob ng plenary indulgence sa mga mananampalatayang dadalaw sa mga itinalagang jubilee churches ng MOP alinsunod sa mga kondisyon ng pagtanggap ng indulhensya.
Ang Military Ordinariate of the Philippines ay itinatag bilang Military Vicariate noong 1950 sa panahon ni Pope Pius XII at itinaas bilang Military Ordinariate, o katumbas ng isang diyosesis, noong July 21, 1986 sa pamamagitan ng Apostolic Constitution na
Spirituali Militum Curae ni St. John Paul II upang higit pang mapalawak ang pastoral na pangangalaga sa mga miyembro ng Armed Forces at iba pang uniformed services.
Reyn Letran - Ibañez
Friday, July 31, 2026 2:28 pm
10,468 total views
Nilinaw ni Kalookan Bishop Pablo Virgilio Cardinal David na ang tunay na usapin sa proyekto ng Pax Silica ay hindi lamang kung makatutulong ito sa pag-unlad ng ekonomiya o teknolohiya, kundi kung paano nito mapapakinabangan ang sambayanang Pilipino at mapangangalagaan ang dignidad ng tao.
Sa kanyang pahayag sa personal na Facebook page na may titulong “What’s the Real Issue with Pax Silica?”, sinabi ng Cardinal na likas lamang sa bawat bansa na isulong ang sariling pambansang interes, tulad ng ginagawa ng Estados Unidos at China sa larangan ng artificial intelligence, semiconductors, at iba pang makabagong teknolohiya.
Gayunman, binigyang-diin ni Cardinal David na ang mahalagang tanong para sa Pilipinas ay kung tunay bang makatutulong ang Pax Silica sa pagpapalakas ng kakayahang pang-agham, inobasyong teknolohikal, at industriyal na katatagan ng bansa, o kung magsisilbi lamang ito sa interes ng ibang bansa habang ang Pilipinas ang maglalaan ng lupa, likas na yaman, tubig, enerhiya, insentibong pangbuwis, at lakas-paggawa.
“These are legitimate questions—not because we oppose foreign investment, but because genuine partnership should strengthen the nation that hosts it,” Ayon kay Cardinal David.
Dahil dito, nanawagan ang Cardinal ng higit na transparency, makabuluhang partisipasyon ng mga Pilipinong siyentipiko at industriya, wastong pangangalaga sa kalikasan, at malinaw na programa para sa technology transfer upang umangat ang bansa sa value chain at hindi manatiling tagapagluwas lamang ng raw materials at murang lakas-paggawa.
Binigyang-diin din ni Cardinal David na higit pa sa usaping pang-ekonomiya ang dapat isaalang-alang sa pag-unlad ng artificial intelligence, kung saan ayon sa Cardinal nasasaad sa Magnifica Humanitas ang pagpapaalala ni Pope Leo XIV na ang mahalagang tanong ay hindi kung ano ang kayang gawin ng artificial intelligence, kundi kung anong uri ng tao ang hinuhubog nito.
” In Magnifica Humanitas, Pope Leo XIV reminds us that the decisive issue is not what artificial intelligence can do, but what kind of human beings we are becoming. Technology must remain the servant of humanity, never its master.” Dagdag pa ni Cardinal David.
Tinukoy rin ng Cardinal ang katuruan ni Pope Francis sa Fratelli Tutti na hindi dapat nakabatay lamang sa kompetisyon ng mga pambansang interes ang kinabukasan ng sangkatauhan, sapagkat ang ganitong pananaw ay madalas humahantong sa hidwaan at digmaan.
Ayon kay Cardinal David, bilang isang pandaigdigang pamayanan ng pananampalataya, patuloy na isinusulong ng Simbahang Katolika ang pananaw na ang mga pambansang interes ay dapat magsilbi sa kabutihang panlahat ng buong sambayanan.
Sa huli, sinabi ng Cardinal na ang tunay na sukatan ng Pax Silica ay hindi kung gaano nito mapalalakas ang ekonomiya o artificial intelligence, kundi kung makatutulong itong maitaguyod ang isang lipunang nakabatay sa dignidad ng tao, pagkakapatiran, pangangalaga sa kalikasan, at kapayapaan.
Paliwanag ni Cardinal David, “The real question is whether it will help build what Pope Leo calls a civilization of love rather than a culture of power—a future in which technological progress serves human dignity, social fraternity, care for our common home, and peace among nations.”
Kasabay ng paggunita ng World Day for Grandparents and the Elderly, ipinaalala ni Pope Leo XIV sa mga kabataan at pamayanan ang kahalagahan ng pagdalaw at pag-aaruga sa mga nakatatanda, lalo na sa mga nalilimutan at nag-iisa
Ayon kay Fr. Greg Gaston, rector ng Pontificio Collegio Filippino at Vatican correspondent ng Radyo Veritas, binigyan-diin ng Santo Papa ang kahalagahan ng mga nakatatanda sa paghubog ng kasaysayan, lipunan at sa simbahan.
Ipinaalala ni Fr. Gaston ang mensahe ni Pope Leo XIV para sa mga nakatatanda, lalo na sa paggunita sa mga kapistahan nina San Joaquin at Santa Ana, mga magulang ng Mahal na Birheng Maria at mga lolo’t lola ni Hesus.
Ayon sa pari, binigyang-diin ng Santo Papa na hindi nakakalimot ang Diyos sa bawat tao, lalo na sa mga matatanda na maaaring makaramdam ng pag-iisa o pagiging hindi na mahalaga sa lipunan.
“Ang Panginoon hindi nakakalimot. Kahit minsan nakakalimutan tayo ng mga tao, ng ating lipunan, ng ating pamilya, ang Panginoon ay hindi nakakalimot sa atin,” bahagi ng pagbabahagi ni Fr. Gaston.
Hinimok naman niya ang mga pamilya na huwag pabayaan ang mga magulang, lolo at lola, dahil ang kanilang buhay at sakripisyo ay malaking biyaya na patuloy na nagbibigay ng gabay sa mga susunod na henerasyon.
“Napakalaking biyaya ang ibinigay ng Panginoon sa atin sa pamamagitan ng ating mga magulang. Kung wala na sila, mula sa langit ay patuloy pa rin ang kanilang pagmamahal at panalangin para sa atin,” ani Fr. Gaston.
Pilipinas, papunta sa aging population
Nagpahayag naman ng pangamba ang pari sa mabilis na pagdami ng populasyon ng mga nakatatanda kasabay ng bumababang bilang ng mga ipinapanganak sa Europa, at maging sa iba pang mga bansa kabilang na ang Pilipinas.
Ayon kay Fr. Gaston, mahalagang pag-aralan ng bansa ang mga magiging epekto sa ekonomiya at lipunan ng patuloy na paglaki ng sektor ng mga senior citizen.
Aniya, hindi lamang usapin ng dami ng populasyon ang dapat tingnan, kundi kung paano haharapin ng lipunan ang pangangailangan ng lumalaking bilang ng matatanda.
Ipinaliwanag ni Fr. Gaston na nagbabago na ang larawan ng populasyon ng Pilipinas. Kung noon ay karaniwan ang malalaking pamilya, mas marami na ngayon ang may isa o dalawang anak lamang.
“Dati, kung apat ang anak, maliit na pamilya. Ngayon, kapag apat ang anak, malaking pamilya na iyon,” aniya.
Binanggit din ni Fr. Gaston ang mga pag-aaral ng United Nations at UP Population Institute na nagpapakita ng patuloy na pagtanda ng populasyon, dahilan upang maging mahalagang paghandaan ang epekto nito sa ekonomiya, serbisyong pangkalusugan, at social protection.
Ipinaliwanag ni Fr. Gaston na ayon sa datos ng Philippine Statistics Authority at Commission on Population and Development, bumaba na sa humigit-kumulang 1.9 children per woman ang fertility rate ng Pilipinas, mas mababa sa replacement level na 2.1 children per woman, na itinuturing na kinakailangan upang mapanatili ang laki ng populasyon sa paglipas ng panahon.
“Napakaraming bansa ay hindi na makapag-replace ng population. Maraming bansa ay wala nang mga bata. Ibig sabihin, bumaba sila sa replacement level. Kasi sa isang bansa, kailangan mo ng 2.1 children per woman. Bakit 2.1 children? Kasi dalawang parents, mamamatay, papalitan mo yan. And then 0.1, kasi hindi naman lahat ng mga tao na pinapanganak ay nanganganak din. Yung iba baka walang asawa, iba infertile, iba bata pa lang namatay na. Kaya kailangan mo ng 2.1 na anak sa bawat babae. Hindi sa bawat pamilya, kundi bawat babae,” ayon kay Fr. Gaston.
Sa kabila nito, sinabi niyang patuloy pa ring lumalaki ang kabuuang populasyon dahil sa pagdami ng matatanda at mas mahabang haba ng buhay ng mga tao.
“Ngayon, lumalaki pa ang population, hindi dahil sa maraming bata, kundi sa bigat ng population, UP Population Institute noong 2007, may study sila, sabi nila, the fastest growing sector in Philippine society is the elderly. Ang pinakamabilis dumami sa Pilipinas, ang matatanda. 2007 pa po yun. 2007.,” paliwanag niya.
Aniya, maraming mga pamilya sa kasalukuyan ay mayroon na lamang isa hanggang sa dalawang mga anak.
Hamon sa kinabukasan
Ayon kay Fr. Gaston, dapat paghandaan ng bansa ang mga epekto nito sa ekonomiya, kabilang ang pangangalaga sa kalusugan, social protection, at suporta sa mga senior citizen.
“Sana mapag-aralan pa ang consequence sa economy, ano mangyayari pag marami ang matanda,” dagdag pa ng pari.
Giit ng pari, mahalagang magkaroon ng pagtingin sa hinaharap upang matiyak na ang mga matatanda ay hindi magiging pasanin kundi mananatiling mahalagang bahagi ng lipunan.
Iniugnay niya ito sa panawagan ni Pope Leo XIV na ipakita ang pagmamahal at malasakit sa mga nakatatanda.
“Alagaan natin sila dahil darating ang panahon na tayo rin ay tatanda. Parang paying forward ito — kung paano natin inalagaan ang mga bata ngayon, sana sila rin ang mag-alaga sa atin sa hinaharap,” ani Fr. Gaston.
104,147 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
143,453 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
175,709 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
291,046 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
314,246 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
3,560 total views Tiniyak ng Department of Labor and Employment (DOLE) na aktibong tinutugunan ang temporary restraining order (TRO) na pumipigil sa pagpapatupad ng 85-pesos na
3,094 total views Hinikayat ni Antipolo Bishop Ruperto Cruz ang mga paaralang Katoliko na maging “bagong mapa ng pag-asa” para sa kabataan sa gitna ng mabilis
17,980 total views Nanindigan ang Ecumenical Institute for Labor Education and Research (EILER) na bigong tugunan ni Pangulong Ferdinand Marcos Jr. ang matinding suliranin ng Pilipinas
6,343 total views Tiniyak ng Stella Maris Philippines ang pagbabantay sa napaulat na insidente ng paglubog ng isang Vietnamese cargo ship sa West Philippine Sea. Ayon
