Nagpahayag ng pakikiisa ang Arkidiyosesis ng Cebu sa pamahalaang lungsod ng Cebu sa pagdedeklara ng January 16, 2026 bilang “Day of Mourning” para sa mga biktima ng trahedyang naganap sa Binaliw landfill.
Ayon kay Cebu Archbishop Alberto Uy, mahalagang ipagdasal ang lahat ng mga biktima at kanilang mga mahal sa buhay na dumaranas ng patuloy na pagdadalamhati at kawalan ng katiyakan.
Bilang pakikiisa at panalangin, hiniling ng Arsobispo sa lahat ng parokya sa Arkidiyosesis ng Cebu na ialay ang lahat ng Banal na Misa sa itinakdang araw sa ika-16 ng Enero, 2026 para sa mga nasawi, gayundin para sa kanilang mga naulila at mahal sa buhay.
“The Archdiocese of Cebu joins the Cebu City Government in declaring January 16 as a “Day of Mourning” for the victims of the Binaliw landfill tragedy… We ask all parishes in the Archdiocese to offer all Masses on this day for the victims of the tragedy and for their grieving families and loved ones. May the Lord grant eternal rest to those who have died and comfort to those who mourn.” Bahagi ng pahayag ni Archbishop Uy.
Nanawagan din ang Arkidiyosesis ng Cebu ng patuloy na panalangin, pakikiisa, at malasakit para sa mga pamilyang apektado ng trahedya, habang patuloy ang paghahanap sa mga nawawala at ang pagtugon sa pangangailangan ng mga biktima ng naganap na trahedya.
Sa kasalukuyan umabot na sa 13 ang kumpirmadong nasawi, habang mahigit pa sa 20 katao ang patuloy pang hinahanap.
Una ng nanawagan ng sama-samang panalangin at pakikiisa si Archbishop Uy para sa mga biktima ng landslide sa Prime Waste Solutions Cebu Landfill sa Barangay Binaliw, Cebu City na naganap noong ika-8 ng Enero, 2026.
Mariing kinondena ng Church People Workers Solidarity (CWS) ang pagguho ng Binaliw Landfill sa Barangay Binaliw, Cebu City na ikinasawi ng walong manggagawa, at nag-iwan ng hindi bababa sa tatlumpu’t apat na nawawala at iba pang sugatang indibidwal.
Sa solidarity statement na nilagdaan ni San Carlos Bishop Gerardo Alminaza,chairperson ng CWS, iginiit ng grupo na ang trahedya ay hindi maaaring ituring na simpleng aksidente kundi isang krimeng nag-ugat sa kasakiman, kapabayaan, at sistematikong paglabag sa karapatan ng mga manggagawa.
Binatikos din ni Bishop Alminaza na siya ring chairman ng Caritas Philippines na humanitarian, development and advocacy arm ng Catholic Bishops’ Conference of the Philippines, ang kalagayan ng mga manggagawa na napipilitang magtrabaho sa mapanganib at hindi makataong kalagayan.
Iginiit ng Obispo, kapag ang kaligtasan ay isinasakripisyo para sa tubo o kita sa negosyo at ang kapabayaan ay nauuwi sa kamatayan, ang paggawa ay nagiging anyo ng pagsasamantala.
“What is being portrayed as an “accident” is, in truth, a crime born of greed, neglect, and the systematic violation of workers’ rights. We express our deepest solidarity with the families of the victims and stand firmly with Filipino workers in their struggle for justice and accountability. Those who perished were only trying to earn an honest living. They were compelled to work under dangerous and inhumane conditions—conditions that should never have been allowed and that ultimately cost them their lives.” Bahagi ng pahayag ni Bishop Alminaza.
Nanawagan naman si Bishop Alminaza ng agarang, masinsin, at transparent na imbestigasyon sa insidente at hiniling na papanagutin ang Prime Waste Solutions na kasalukuyang operator ng landfill, kung mapapatunayang lumabag ito sa Occupational Safety and Health (OSH) Law at iba pang kaugnay na regulasyon sa kaligtasan ng mga manggagawa.
“We demand an immediate, thorough, and transparent investigation into the collapse of the Binaliw Landfill. We further demand that Prime Waste Solutions, owned by the Razon family and the current operator of the landfill, be investigated for possible violations of the OSH Law and other relevant regulations and be penalized to the fullest extent of the law if found culpable.” Dagdag pa ni Bishop Alminaza.
Iginiit din ng Obispo ang agarang pangangailangan na maamyendahan ang Republic Act No. 11058 upang gawing kriminal ang sadyang hindi pagsunod sa mga pamantayan sa kaligtasan sa trabaho.
Ayon kay Bishop Alminaza, “This incident once again underscores the urgent need to amend Republic Act No. 11058, the Occupational Safety and Health Law, to criminalize non-compliance with OSH standards. Without real penalties and criminal liability, employers will continue to disregard safety regulations—and workers will continue to die.”
Binigyang-diin din ni Bishop Alminaza na ang naganap na trahedya sa Binaliw Landfill sa Barangay Binaliw, Cebu City ay hindi dapat mauwi lamang sa estadistika o mga numero o kaya naman ay matabunan ng mga opisyal na paliwanag sa halip ay dapat na magsilbing panawagan sa pananagutan at reporma sa kahalagahan ng pagtiyak ng kaligtasan ng mga manggagawa sa sektor ng paggawa.
“We refuse to allow this tragedy to be reduced to a statistic or buried under official excuses. We call on the government to act decisively—to hold the guilty accountable, to protect workers’ lives, and to ensure safe, humane, and dignified working conditions for all.” Panawagan ni Bishop Alminaza.
Paliwanag ng Obispo nasasaad sa panlipunang turo ng Simbahan na ang sektor ng paggawa ay sagrado dahil ang buhay ng bawat manggagawa ay sagrado kung saan ayon sa mga aral ni St. John Paul II sa Laborem Exercens, ang trabaho ay umiiral para sa tao at hindi ang tao para sa trabaho.
Binigyang-diin ng opisyal ng Catholic Bishops’ Conference of the Philippines (CBCP) ang kahalagahan ng tulong ng mga layko para sa pagsusulong ng misyon ng Simbahang Katolika.
Ayon kay Dipolog Bishop Severo Caermare – chairman ng CBCP – Episcopal Commission on the Laity at Sangguniang Laiko ng Pilipinas (SLP), na ang tunay na paglilingkod ng mga layko ay dapat nakaugat sa panalangin, kababaang-loob, at tamang pagkilala sa tungkulin bilang mga anak ng Diyos.
Ito ang bahagi ng pagninilay ng Obispo sa kanyang homiliya na may titulong “Prayer, Humility, and True Identity,” para sa banal na misa sa 2026 Strategic Planning ng Sangguniang Laiko ng Pilipinas na implementing arm ng kumisyon noong Enero 10, 2026.
Paliwanag ni Bishop Caermare, malinaw ang misyon ng bawat lingkod ng Simbahan na hindi ang itaas ang sarili, kundi ang gabayan ang lahat patungo kay Kristo.
“Together with our readings, invites us to reflect deeply on identity, prayer, and humility. It reminds us that our true identity before God does not come from entitlement, position, or achievement, but from relationship. We are who we are because of our relationship with God.” Bahagi ng pagninilay ni Bishop Caermare.
Ipinaalala din ng Obispo na ang pananalangin ay hindi paraan upang ipilit sa Diyos ang sariling kagustuhan, kundi isang proseso ng paghuhubog ng kalooban ng tao ayon sa kalooban ng Diyos.
Bilang hamon sa mga opisyal ng Sangguniang Laiko ng Pilipinas, hinikayat ni Bishop Caermare ang masusing pagsusuri sa nilalaman ng kanilang mga panalangin at hangarin sa paglilingkod.
“Scripture tells us that we may ask God with confidence—but always according to His will, not our own. Prayer, therefore, is not about bending God to our desires. Rather, it is about allowing God to bend our desires to His will. This is why the Lord taught us to pray, “Thy will be done.” True prayer forms humility within us.” Dagdag pa ni Bishop Caermare.
Nagbabala rin si Bishop Caermare laban sa entitlement sa loob ng paglilingkod, lalo na sa mga tungkulin at gawain na hindi umaayon sa personal na pagnanais o ambisyon ng isang indibidwal.
Nag-alay naman ng pasasalamat ang mga opisyal ng Sangguniang Laiko ng Pilipinas (SLP) para sa paggabay ng Panginoon sa kanilang misyon kasabay ng pasasalamat sa panibagong sigla at lakas ng loob na ibinibigay ng Panginoon upang yakapin ang misyong ipinagkatiwala sa kanila; upang palakasin at bigyang-kapangyarihan ang mga Pilipinong layko na ipamuhay ang pananampalataya nang may tapang, galak, at pananagutan sa gitna ng mundo.
Panalangin din ng Sangguniang Laiko ng Pilipinas na patuloy na manguna ang Espiritu Santo upang magkaisa ang kanilang mga puso at mag-alab ang kanilang mga plano sa pagmamahal sa Simbahan at sa sambayanang Pilipino.
Ang 2026 Strategic Planning ng SLP ay bahagi ng patuloy na pagsusumikap ng Simbahan na paigtingin ang papel ng mga layko bilang katuwang ng mga pastol sa misyon ng ebanghelisasyon, pagbabagong panlipunan, at pagtataguyod ng kabutihang panlahat.
Nanawagan ng sama-samang panalangin at pakikiisa si Cebu Archbishop Alberto Uy para sa mga biktima ng landslide sa Prime Waste Solutions Cebu Landfill sa Barangay Binaliw, Cebu City.
Sa kanyang pahayag, inalala ng arsobispo ang mga nasawi, nasugatan, at ang mga patuloy pang hinahanap, pati na ang kanilang mga pamilyang lubhang naapektuhan ng trahedya.
Partikular ding binigyang-diin ng arsobispo ang pagdarasal para sa mga biktima at kanilang mga mahal sa buhay na dumaranas ng pagdadalamhati at kawalan ng katiyakan.
“Let us unite in prayer for our brothers and sisters affected by the landslide at the Prime Waste Solutions Cebu Landfill in Barangay Binaliw, Cebu City. We remember especially the victims and their families—those who are grieving, those who are injured, and those who remain unaccounted for. May the Lord embrace them with comfort, strength, and protection.” Bahagi ng pahayag ni Archbishop Uy.
Nag-alay rin ng panalangin ang Arsobispo para sa mga responders at rescuers na patuloy na nagsasagawa ng search and rescue operations sa kabila ng panganib sa kanilang kaligtasan.
“We also lift up in prayer the brave responders and rescuers who are working tirelessly on the ground, risking their own safety to save lives. May God grant them endurance, wisdom, and protection as they carry out their mission of mercy,” Dagdag pa ni Archbishop Uy.
Kasama rin sa ipinanalangin ni Archbishop Uy ang mga opisyal ng Pamahalaang Lungsod ng Cebu na patuloy na nagsasagawa ng pagsusuri sa kabuuang pinsala at pagtugon sa naganap na insidente.
Binigyang-diin din ng Arsobispo ang kahalagahan ng pananampalataya na dapat magbunga ng pagkakaisa, malasakit, at konkretong pagtulong sa mga apektadong komunidad.
“Let us likewise pray for Mayor Nestor and the officials of the Cebu City Government as they assess the damage and lead the response. May the Holy Spirit guide their decisions, grant them clarity of mind, and inspire swift and compassionate action for the welfare of all. In moments like this, may our faith move us to solidarity, compassion, and concrete support for our affected communities.” Ayon pa kay Archbishop Uy.
Ipinapanalangin naman ng Arsobispo sa Señor Sto. Niño ang awa at proteksyon para sa Cebu at sa mga mamamayan nito.
Ipinagdiwang ng Arnold Janssen Kalinga Foundation Inc. ang Pasko ng Kapanganakan ng Panginoon kasama ang mga street dwellers ng Maynila sa pamamagitan ng isang makabuluhang Christmas Mass, na kilala bilang Kings’ Mass, na ginanap sa Arnold Janssen Kalinga Center sa Tayuman.
Pinangunahan ang banal na Misa ni 2025 Ramon Magsaysay Awardee at Divine Word Missionary priest na si Rev. Fr. Flavie L. Villanueva, SVD, na siya ring founder at president ng Arnold Janssen Kalinga Foundation.
Sa kanyang pagninilay, binigyang-diin ni Fr. Villanueva ang malalim na ugnayan ng kapanganakan ni Hesus at ng karanasan ng mga walang tahanan. Ayon sa kanya, ang diwa ng Pasko ay paalala na pinili ng Diyos na isilang sa abang kalagayan upang ipahayag ang Kanyang pakikiisa sa mga nasa laylayan—isang mensaheng sumasalamin sa misyon ng foundation na ibalik ang dignidad ng mga taong madalas hindi napapansin at naisasantabi ng lipunan.
“Mga kapatid, huwag nating kalimutan na sina Maria at Jose ay hindi rin nabigyan ng pansin noong Pasko. Kaya gaya ng belen, sumasalamin ito sa inyo—si Hesus ay ‘homeless.’ Siya ay isinilang hindi sa ospital kundi sa sabsaban,” bahagi ng pagninilay ni Fr. Villanueva.
Bilang bahagi ng pagdiriwang, naghanda ang Arnold Janssen Kalinga Center ng espesyal na Christmas program para sa mga street dwellers, kabilang ang buffet meals, paliligo, sama-samang salu-salo, at mga sandaling nagdulot ng paghilom at pag-asa.
Iginiit ng foundation na ang selebrasyon ay hindi lamang pamamahagi ng tulong, kundi isang kongkretong pagpapahayag ng pagkalinga at pagkilala sa dangal ng bawat tao.
Itinatag noong 2015 sa pangunguna ng SVD–JPIC Philippines Central Province, patuloy na nagsisilbing kanlungan ang Arnold Janssen Kalinga Center para sa ilan sa pinakamahihirap sa Metro Manila sa pamamagitan ng mga konkretong serbisyo at pastoral na presensya—isang patuloy na tanda ng pag-asa at malasakit ng Simbahan sa mga walang tahanan.
Sa pagdiriwang ng Pasko, muling ipinaalala ng Arnold Janssen Kalinga Center na ang tunay na diwa ng Pasko ay matatagpuan sa pagkilala kay Kristo sa mukha ng mahihirap at sa pagtugon sa kanilang pangangailangan nang may habag, dignidad, at pag-ibig.
Hinikayat ni Kidapawan Bishop Jose Colin Bagaforo ang mga mananampalataya na gawing panahon ng pagkakasundo, kapatawaran, at pagbabalik-loob ang pagdiriwang ng Pasko.
Ito ang bahagi ng mensahe ng Obispo kasabay ng paalala na ang pagsilang ni Hesukristo ay tanda ng walang hanggang pag-ibig ng Diyos sa sangkatauhan.
Sa kanyang pastoral na mensahe para sa pagdiriwang ng Pasko ng Pagsilang ng Panginoon ay binigyang-diin ni Bishop Bagaforo na sa kapanganakan ng Anak ng Diyos, ang Diyos mismo ang lumalapit sa bawat isa upang paghilumin ang nasira ng kasalanan at ibalik ang ugnayan ng tao sa Panginoon.
Ayon sa Obispo, ang Batang isinilang sa Bethlehem ay malinaw na tanda ng hangarin ng Ama na ibalik ang nasirang ugnayan ng sangkatauhan sa Diyos.
“I extend my pastoral greetings to all of you as we celebrate the Nativity of our Lord Jesus Christ. At Christmas, we rejoice in the mystery of God’s immeasurable love, for in the birth of His son, God comes to dwell among us in order to reconcile the world to Himself. The Child born in Bethlehem is the visible sign of the Father’s desire to restore what has been broken by sin. Through Jesus Christ, God invites humanity to return to Him. Christmas, therefore, is not only a season of joy and celebration, but also a sacred time of reconciliation and forgiveness.” Bahagi ng pahayag ni Bishop Bagaforo.
Binigyang diin din ng Obispo na siya ring chairman ng CBCP-Episcopal Commission on Inter-religious Dialogue na ang Pasko ay hindi lamang panahon ng kasiyahan kundi banal na panahon ng pagkakasundo at kapatawaran.
Tinukoy rin ni Bishop Bagaforo ang mga sugat na dulot ng pagkakahati-hati sa mga pamilya, komunidad, at maging sa bansa.
Ayon sa Obispo, ang Panginoong dumarating bilang Prinsipe ng Kapayapaan ang tumatawag sa bawat isa na magsimula ng paghihilom sa pamamagitan ng pagpapatawad, pagpapakumbaba, at pagpili ng diyalogo at malasakit kaysa galit at hidwaan.
“In our families, in our communities, and even in our nation, we experience divisions that wound relationships and weaken unity. The Lord who comes to us as Prince of Peace calls us to take the first step toward healing. He asks us to forgive one another, to set aside pride and resentment, and to choose dialogue, understanding, and compassion over anger and division.” Dagdag pa ni Bishop Bagaforo.
Bilang pastol ng Diyosesis ng Kidapawan, taimtim din na hinimok ni Bishop Bagaforo ang lahat na isulong ang pagkakasundo sa loob ng pamilya, sa pagitan ng magkakaibigan, at maging sa mga taong may magkakaibang paninindigan at paniniwala.
Inanyayahan din ni Bishop Bagaforo ang mga mananampalataya na makipagkasundo sa Diyos sa pamamagitan ng taos-pusong pagsisisi at pagtanggap ng biyaya ng Sakramento ng Kumpisal, kung saan lubos na ibinubuhos ang awa ng Ama.
“As your bishop in the Diocese of Kidapawan, I earnestly encourage everyone to make reconciliation among family members, among friends, and among those who differ in opinions and convictions. Above all, I invite you to seek reconciliation with God, especially through sincere repentance and the grace of the Sacrament of Reconciliation, where the mercy of the Father is abundantly poured out.” Ayon pa kay Bishop Bagaforo.
Ipinapanalangin naman ni Bishop Bagaforo na nawa’y pagpanibaguhin ng kapanganakan ng Panginoon ang pananampalataya ng lahat, paghilumin ang mga sugat ng puso, at patatagin ang paninindigan ng bawat isa na maging kasangkapan ng pagkakasundo at kapayapaan sa sanlibutan.
Hinikayat ni Kidapawan Bishop Jose Colin Bagaforo ang mga mananampalataya na gawing panahon ng pagkakasundo, kapatawaran, at pagbabalik-loob ang pagdiriwang ng Pasko.
Ito ang bahagi ng mensahe ng Obispo kasabay ng paalala na ang pagsilang ni Hesukristo ay tanda ng walang hanggang pag-ibig ng Diyos sa sangkatauhan.
Sa kanyang pastoral na mensahe para sa pagdiriwang ng Pasko ng Pagsilang ng Panginoon ay binigyang-diin ni Bishop Bagaforo na sa kapanganakan ng Anak ng Diyos, ang Diyos mismo ang lumalapit sa bawat isa upang paghilumin ang nasira ng kasalanan at ibalik ang ugnayan ng tao sa Panginoon.
Ayon sa Obispo, ang Batang isinilang sa Bethlehem ay malinaw na tanda ng hangarin ng Ama na ibalik ang nasirang ugnayan ng sangkatauhan sa Diyos.
“I extend my pastoral greetings to all of you as we celebrate the Nativity of our Lord Jesus Christ. At Christmas, we rejoice in the mystery of God’s immeasurable love, for in the birth of His son, God comes to dwell among us in order to reconcile the world to Himself. The Child born in Bethlehem is the visible sign of the Father’s desire to restore what has been broken by sin. Through Jesus Christ, God invites humanity to return to Him. Christmas, therefore, is not only a season of joy and celebration, but also a sacred time of reconciliation and forgiveness.” Bahagi ng pahayag ni Bishop Bagaforo.
Binigyang diin din ng Obispo na siya ring chairman ng CBCP-Episcopal Commission on Inter-religious Dialogue na ang Pasko ay hindi lamang panahon ng kasiyahan kundi banal na panahon ng pagkakasundo at kapatawaran.
Tinukoy rin ni Bishop Bagaforo ang mga sugat na dulot ng pagkakahati-hati sa mga pamilya, komunidad, at maging sa bansa.
Ayon sa Obispo, ang Panginoong dumarating bilang Prinsipe ng Kapayapaan ang tumatawag sa bawat isa na magsimula ng paghihilom sa pamamagitan ng pagpapatawad, pagpapakumbaba, at pagpili ng diyalogo at malasakit kaysa galit at hidwaan.
“In our families, in our communities, and even in our nation, we experience divisions that wound relationships and weaken unity. The Lord who comes to us as Prince of Peace calls us to take the first step toward healing. He asks us to forgive one another, to set aside pride and resentment, and to choose dialogue, understanding, and compassion over anger and division.” Dagdag pa ni Bishop Bagaforo.
Bilang pastol ng Diyosesis ng Kidapawan, taimtim din na hinimok ni Bishop Bagaforo ang lahat na isulong ang pagkakasundo sa loob ng pamilya, sa pagitan ng magkakaibigan, at maging sa mga taong may magkakaibang paninindigan at paniniwala.
Inanyayahan din ni Bishop Bagaforo ang mga mananampalataya na makipagkasundo sa Diyos sa pamamagitan ng taos-pusong pagsisisi at pagtanggap ng biyaya ng Sakramento ng Kumpisal, kung saan lubos na ibinubuhos ang awa ng Ama.
“As your bishop in the Diocese of Kidapawan, I earnestly encourage everyone to make reconciliation among family members, among friends, and among those who differ in opinions and convictions. Above all, I invite you to seek reconciliation with God, especially through sincere repentance and the grace of the Sacrament of Reconciliation, where the mercy of the Father is abundantly poured out.” Ayon pa kay Bishop Bagaforo.
Ipinapanalangin naman ni Bishop Bagaforo na nawa’y pagpanibaguhin ng kapanganakan ng Panginoon ang pananampalataya ng lahat, paghilumin ang mga sugat ng puso, at patatagin ang paninindigan ng bawat isa na maging kasangkapan ng pagkakasundo at kapayapaan sa sanlibutan.
Nanawagan ng pagkakaisa, bukas na dayalogo, at agarang pagtutulungan ang Obispo ng Diyosesis ng Virac sa Catanduanes bilang tugon sa patuloy na mga hamong kinakaharap ng lalawigan, lalo na sa usapin ng rehabilitasyon matapos ang sunod-sunod na mapaminsalang bagyo.
Sa kanyang mensahe ngayong Pasko, hinimok ni Virac Bishop Luisito Occiano ang mga pinuno at stakeholder ng lalawigan na piliin ang pagkakaisa kaysa pagkakahati, at kapayapaan kaysa alitan, kasabay ng paalala na ang Pasko ay panahon ng pagdating ng Diyos bilang Prinsipe ng Kapayapaan.
Ayon sa obispo, matagal nang pasan ng Catanduanes ang bigat ng mga kalamidad, mabagal na pagbangon, at araw-araw na paghihirap ng mga mamamayan. Binigyang-diin niya na ang bawat hindi nalulutas na sigalot at naantalang desisyon ay may direktang epekto sa mga pamilyang naghahangad lamang ng tulong, katatagan, at pag-asa.
“As we journey through this Christmas season—a time when God comes among us as the Prince of Peace—we humbly appeal to all leaders and stakeholders in Catanduanes to choose unity over division and peace over conflict. This is not the time for discord or prolonged disagreement,” bahagi ng mensahe ni Bishop Occiano.
Tinukoy rin ng obispo ang usapin ng paglalabas ng Quick Response Funds (QRF) para sa mga biktima ng bagyo bilang isa lamang sa maraming mahahalagang isyung nangangailangan ng kooperasyon ng lahat. Aniya, marami pang mga proyekto at pagkakataon sa hinaharap ang mangangailangan ng sama-samang pagkilos at bukas na pag-uusap.
Dahil dito, nanawagan si Bishop Occiano sa lahat ng kinauukulan na isantabi ang personal at pulitikal na pagkakaiba, makipagdayalogo nang may paggalang at katapatan, at kumilos nang may agarang malasakit para sa kabutihang panlahat—lalo na para sa mga mahihirap at nasa laylayan ng lipunan.
“The issue on the release of the Quick Response Funds intended for typhoon victims is only one concern, but more opportunities and projects in the future will require cooperation,” dagdag ng obispo.
Ipinaliwanag din ni Bishop Occiano na ang pagkakaisa ay hindi nangangahulugang pagkakapare-pareho, at ang kapayapaan ay hindi lamang kawalan ng ingay o sigalot. Sa halip, aniya, ito ay bunga ng pakikinig, paggalang, at pagpaprayoridad sa kapakanan ng mamamayan.
Giit ng obispo, ang pampublikong paglilingkod ay isang banal na pananagutan kung saan dapat mangibabaw ang pangangalaga sa buhay, paggalang sa dignidad ng tao, at pagtataguyod ng pagkakaisa.
“Unity does not mean uniformity, and peace does not mean silence. Rather, both are born when leaders listen to one another and place the welfare of the people above all else. The people of Catanduanes deserve leadership that heals rather than divides,” ayon pa kay Bishop Occiano.
Sa pagtatapos ng kanyang mensahe, ipinanalangin ng obispo na nawa’y palambutin ng panahon ng Pasko ang mga puso, linawin ang mga hangarin, at gawing kasangkapan ng kapayapaan ang bawat isa para sa ikabubuti ng lalawigan at ng sambayanan.
Nanawagan si Kanyang Kabanalan Pope Leo XIV ng 24-oras na kapayapaan sa buong mundo ngayong Pasko bilang paggalang sa kapanganakan ng Tagapagligtas.
Mula sa Castel Gandolfo, ipinahayag ng Santo Papa ang kanyang kalungkutan sa patuloy na karahasan sa Ukraine at hiniling ang pansamantalang tigil-putukan, kahit sa loob lamang ng isang araw.
“I once again make this appeal to all people of good will: that, at least on the feast of the birth of the Saviour, one day of peace may be respected,” bahagi ng kanyang panawagan.
Ipinahayag din ni Pope Leo XIV ang pag-asa na umusad ang kasunduang pangkapayapaan sa Gitnang Silangan, lalo na sa kabila ng patuloy na paghihirap ng mga sibilyan sa Gaza.
Samantala, ikinalungkot ng Santo Papa ang pag-apruba sa batas ng assisted suicide sa Illinois, at muling iginiit ang kabanalan at dignidad ng buhay ng tao mula sa paglilihi hanggang sa natural na kamatayan.
Inilabas ng Worldwide Prayer Network ang opisyal na talaan ng mga panalangin ni Kanyang Kabanalan Pope Leo XIV para sa taong 2026, na magsisilbing gabay ng Simbahang Katolika sa sama-samang panalangin ng mga mananampalataya sa buong mundo.
Bawat buwan, humihiling ang Santo Papa ng panalangin para sa isang partikular na intensyon na tumutugon sa mahahalagang usapin ng pananampalataya, lipunan, at sangkatauhan. Kalakip ng bawat intensyon ang isang video message ng Santo Papa na nagpapaliwanag kung bakit ito napiling ipagdasal at kung paano ito maiuugnay sa kongkretong pagkilos ng mga mananampalataya.
Para sa buwan ng Enero, hinihikayat ni Pope Leo XIV ang pananalangin upang ang Salita ng Diyos ay maging “pagkain ng ating buhay at bukal ng pag-asa,” bilang tulong sa paghubog ng isang mas maka-kapatiran at misyonerong Simbahan.
Sa Pebrero naman, ipagdarasal ang mga batang may karamdaman na walang lunas, upang sila at ang kanilang mga pamilya ay makatanggap ng sapat na pangangalaga, lakas ng loob, at pag-asa sa kabila ng pagsubok.
Binibigyang-diin ng Santo Papa sa Marso ang panalangin para sa pag-aalis ng mga armas at pagsusulong ng kapayapaan, partikular ang pagwawakas sa mga sandatang nukleyar, at ang pagpili ng mga pinuno ng mundo sa dayalogo at diplomasya sa halip na karahasan.
Kasama rin sa mga intensyon ang panalangin para sa mga paring dumaraan sa krisis sa kanilang bokasyon sa Abril; ang karapatan ng lahat sa sapat at masustansyang pagkain sa Mayo; at ang pagpapahalaga sa isports bilang daan ng kapayapaan, disiplina, at pagkakaisa sa Hunyo.
Para sa ikalawang bahagi ng taon, ipinananalangin ng Santo Papa ang paggalang sa buhay ng tao sa lahat ng yugto sa buwan ng Hulyo; ang paghahanap ng mga bagong paraan ng ebanghelisasyon sa mga lungsod sa Agosto; at ang makatarungan at napapanatiling pangangalaga sa tubig bilang mahalagang yaman ng sangkatauhan sa Setyembre.
Sa Oktubre, nananawagan si Pope Leo XIV ng panalangin para sa pagtatatag ng mental health ministry sa buong Simbahan, upang mapawi ang stigma at diskriminasyon laban sa mga taong dumaranas ng sakit sa pag-iisip at mapalakas ang pastoral na pag-aaruga sa kanila.
Para naman sa Nobyembre, hinihikayat ang panalangin para sa wastong paggamit ng yaman ng mundo, upang ito’y maglingkod sa kabutihang panlahat at higit na makinabang ang mga mahihirap at nangangailangan. Sa Disyembre, ipagdarasal ang mga pamilyang single-parent, upang sila ay makatagpo ng suporta, pag-unawa, at lakas sa pananampalataya sa loob ng Simbahan.
Sa pamamagitan ng mga taunang intensyong ito, patuloy na inaanyayahan ni Pope Leo XIV ang sambayanang Katoliko na makiisa hindi lamang sa panalangin kundi pati sa konkretong pagkilos para sa isang mundong mas makatao, makatarungan, at puspos ng pag-asa.
Ayon sa Worldwide Prayer Network, may mga pagkakataon ding nagdaragdag ang Santo Papa ng pangalawang hangarin sa pananalangin, lalo na sa mga sitwasyong nangangailangan ng agarang pagtugon, gaya ng mga sakuna at krisis na nararanasan ng iba’t ibang bansa.
Hinikayat ni CBCP–Episcopal Commission on Youth (ECY) Chairman at San Pablo Bishop Marcelino Antonio Maralit Jr. ang mga kabataang Katolikong Pilipino na maging tapat, marangal, at aktibong misyonero ng Simbahan sa gitna ng mga hamon ng lipunan.
Ito ang mensahe ng obispo kasabay ng pagdiriwang ng National Youth Day 2025 at sa nalalapit na Kapaskuhan.
Sa kanyang mensahe, ginamit ng Obispo ang awiting I’m Dreaming of a White Christmas bilang tanda ng adhikain ng Simbahang Pilipino na itaguyod ang kalinisan ng budhi, paninindigan sa katotohanan, at marangal na paglilingkod sa kapwa.
Ayon kay Bishop Maralit, bagama’t humaharap ang bansa sa samu’t saring suliranin, nananatiling nasa kabataan ang pag-asa ng Simbahan at ng sambayanang Pilipino.
Hinamon din niya ang mga kabataan mula sa iba’t ibang diyosesis na maging mga misyonero sa mga lugar kung saan higit na kailangan ang katapatan, kabutihan, at malinis na pamamahala—mga pagpapahalagang dapat magsimula sa personal na buhay ng kabataan, sa paaralan, sa komunidad, at sa pang-araw-araw na gawain.
Binibigyang-diin ni Bishop Maralit na nasa kabataan ang malaking pananagutan sa pagbibigay-buhay sa mga pagpapahalagang Kristiyano. Kung hinahanap sa pamahalaan ang tapat at malinis na paglilingkod, nararapat itong magsimula sa pagkilos at pamumuhay ng mga kabataan ngayon, at hindi sa hinaharap.
Ipinaalala rin ng Obispo na ang tunay na diwa ng Pasko ay hindi lamang nasusukat sa kasiyahan at pagdiriwang, kundi sa presensya ni Kristo na buhay at nahahayag sa puso at gawa ng bawat isa.
Hinikayat niya ang kabataan na magalak at magdiwang, ngunit manatiling matatag sa pananampalataya at sa kanilang misyon bilang liwanag ng Simbahan at ng bayan, lalo na sa panahong higit na hinahanap ang mga tunay na saksi ng pag-asa at kabutihan.
Sa pagtatapos ng kanyang mensahe, nagpahatid si Bishop Maralit ng pagbati ng isang mapagpala at masayang Pasko sa lahat ng kabataang Pilipino, kasabay ng paalala na ang bawat isa ay hindi lamang tumatanggap ng biyaya, kundi tinatawag ding maging daluyan ng pagpapala para sa kapwa.
Walong taon matapos ang pagpaslang kay Kian delos Santos, muling binalikan ni Kalookan Bishop Pablo Virgilio Cardinal David ang madilim na yugto ng War on Drugs nakumitil sa libo-libong buhay at nag-iwan ng malalim na sugat sa sambayanan.
Ibinahagi ni Cardinal David na sa harap ng San Roque Cathedral sa Caloocan City ay naglagay siya ng isang itim na panandang-bato bilang paggunita kay Kian, ang 17-anyos na biktima ng extrajudicial killing noong Agosto 16, 2017—araw ng kapistahan ng patron ng diyosesis.
“In front of the San Roque Cathedral in Caloocan City, I installed a black stone marker in memory of Kian De los Santos eight years ago now, at the height of the deadly ‘drug war’ of the previous administration that claimed the lives of more than a thousand in just our diocese. It was a brutal episode in our history that left many wives widowed and many children orphaned,” pahayag ni Cardinal David.
Ayon sa nakaukit sa pananda, si Kian ay isa lamang sa 81 kataong napatay sa loob ng apat na araw sa Metro Manila noong Agosto 2017. Dagdag pa ng Cardinal, libo-libo na ang naging biktima ng marahas na kampanya kontra ilegal na droga—isang pamamaraang mariing tinututulan ng Simbahan.
Higit pa sa paggunita, iginiit ni Cardinal David na ang panandang-bato ay hindi lamang alaala ni Kian, kundi simbolo ng lahat ng biktima ng War on Drugs—mga pinaslang, mga naulila, at mga pamilyang naiwan sa matinding pagdadalamhati.
Hinimok din ng Cardinal ang pamahalaan at lipunan na tuluyang talikuran ang karahasan at sa halip ay itaguyod ang pagpapagaling, rehabilitasyon, at tunay na katarungan, lalo na para sa mga biktima ng pagkalulong sa droga.
“May this marker serve as a memorial to the lives that were taken, to the wives who were widowed, and to the children who were orphaned. May God stir the conscience of those in power so that the killings may finally stop, the healing of our fellow citizens who are victims of drug addiction may begin, and true justice may be attained for all,” dagdag pa ni Cardinal David.
Para kay Cardinal David, ang alaala ni Kian delos Santos ay patuloy na paalala na ang tunay na kapayapaan ay hindi kailanman makakamit sa pamamagitan ng dugo at takot, kundi sa paggalang sa buhay, pananagutan, at malasakit sa kapwa.
Nanawagan si Kalookan Bishop Pablo Virgilio Cardinal David sa mga mambabatas at sa ehekutibo na tuluyang talikuran ang lahat ng anyo ng pork barrel at mga sistemang patuloy na sumisira sa tiwala ng publiko.
Ito ang naging sentro ng mensahe at panawagan ng Cardinal sa bisperas ng pinal na pagsusumite ng panukalang pambansang badyet para sa taong 2026.
Sa kanyang pahayag sa official Facebook page na may pamagat na “A Final Appeal on the Eve of the 2026 Budget,” sinabi ni Cardinal David na ramdam ng maraming mamamayan ang matinding pagkadismaya sa patuloy na pag-iral ng mga budgetary practices na nagbibigay ng labis na kapangyarihan at discretion sa mga mambabatas—lalo na sa pamamahagi ng ayuda, district-specific projects, at malalaking pondong kulang sa malinaw na paliwanag at kadalasang nauuwi sa katiwalian.
“I wish to speak with respect and good will to our legislators—and to all who bear responsibility for the public trust. Many citizens feel deep disappointment and concern over the persistence of budgetary practices that place legislators at the center of assistance programs for indigents, district-specific projects, and large standby funds whose eventual use remains opaque. Whatever names we give these items, they have long been associated with discretion, political mediation, and vulnerability to abuse,” pahayag ni Cardinal David.
Binigyang-diin ng Cardinal na lalong nagiging mahirap tanggapin ang mga nakagawiang kalakaran sa gitna ng mga eskandalo kaugnay ng 2025 budget, kung saan may mga alegasyon ng katiwalian na hanggang ngayon ay hindi pa ganap na napapanagot ang mga sangkot.
Giit ni Cardinal David, ang tulong para sa mahihirap ay dapat dumaan sa matitibay, malinaw, at rules-based na mga institusyon ng pamahalaan, at hindi sa mga sistemang nagiging daan ng patronage politics.
“But assistance to the poor should be delivered through strong, rules-based public institutions, not through arrangements that risk turning human need into political leverage. Development across regions should be secured by sound national policies, not by discretionary allocations that are structurally prone to patronage and corruption. Even where some officials act with integrity, the system itself remains fragile—and recent scandals have laid bare just how costly that fragility can be,” dagdag pa ng Cardinal.
Nanawagan din si Cardinal David sa Pangulo na ganap na gamitin ang kapangyarihan ng ehekutibo bilang panangga laban sa katiwalian, partikular sa maingat at responsableg paggamit ng “For Later Release” o FLR classification sa mga budget item na may mataas na panganib ng pang-aabuso.
“With the assistance of the implementing agencies under his authority, he can identify budget items most vulnerable to abuse and irregularities and ensure that they are not made easy to implement. The classification of certain items as ‘For Later Release (FLR)’ exists precisely for this purpose: to withhold release until readiness, validation, and strict compliance with clear conditions are established,” ayon pa kay Cardinal David.
Hinimok din ng Cardinal ang civil society na ipagpatuloy ang pagbabantay at pagsusulong ng pananagutan sa ilalim ng tamang proseso ng batas, kabilang na ang pagdulog sa Korte Suprema kung kinakailangan, upang linawin at kuwestiyunin ang mga paraan ng ilang mambabatas sa muling pagbuhay ng pork barrel sa iba’t ibang anyo.
Nilinaw naman ni Cardinal David na ang kanyang panawagan sa mga mambabatas ay hindi isang pagkondena, kundi isang taos-pusong panawagan para sa kinakailangang pagbabago.
“This is a humble appeal, not a condemnation. A call to good will, not a denial of complexity. But it is also a firm plea for renunciation—of pork in all its reinvented forms—and for a renewed focus on what legislators can do best: enact laws that strengthen institutions, ensure transparency, and guarantee a more just and equitable distribution of progress and development for all,” paliwanag ng Cardinal.
Ayon kay Cardinal David, ang sambayanang Pilipino—lalo na ang mga mahihirap—ay karapat-dapat sa isang pambansang badyet na nagtataguyod ng tiwala ng publiko, at hindi muling sumisira rito.
Tiniyak ni Kalookan Bishop Pablo Virgilio Cardinal David ang pagbabantay sa pagdinig para sa pambansang pondo ng bansa sa susunod ng taon.
Sa panibagong pahayag ng Cardinal sa kanyang official Facebook page ay ibinahagi ni Cardinal David ang pagbabantay sa mga tinukoy nitong ‘red flags’ sa mga iregularidad sa panukalang badyet ng Department of Public Works and Highways (DPWH) na dapat malinaw na maipaliwanag sa taumbayan.
Kabilang sa mga tinukoy ng Cardinal ang mga proyektong naiulat ng natapos na noong 2023 ngunit muling lumilitaw sa kasalukuyang panukalang pondo; ang labis na mataas na presyo ng ilang highway project na umaabot sa ₱150-milyon kada kilometro; ang paulit-ulit na paggamit ng ‘rounded figures’; at ang magkakahawig o halos magkakaparehong deskripsyon ng mga proyekto sa iba’t ibang distrito.
Giit ni Cardinal David, hindi maaaring ipagwalang-bahala ang mga ito bilang simpleng accounting issues sa halip ay dapat ganap na maipaliwanag sa taumbayan.
“We are watching you. Please explain to us, fully and transparently: Why projects reportedly completed in 2023 appear to be reappearing in the budget; How a highway project can cost ₱150 million per kilometer; Why so many budget items come in neatly rounded figures; Why identical or near-identical project descriptions are repeated across districts. These are not accounting quirks. These are red flags.” Bahagi ng pahayag ni Cardinal David.
Ayon sa Cardinal, bagamat maaaring nainihanda na ang badyet o pondo bago pa man maupo ang bagong kalihim ng DPWH, iginiit ni Cardinal David na hindi na sapat ang panawagang magtiwala na lamang lalo na sa matapos ang halos isang dekada kung saan lumabas na tinatayang mahigit isang trilyong piso na ang nawala sa mga anomalya kaugnay ng flood control projects sa bansa.
Paliwanag ng Cardinal dapat na mapanagot at tuluyang matanggal sa kapangyarihan ang lahat ng mga itinuturong sangkot sa katiwalian sa kaban ng bayan na magpahanggang sa ngayon ay nananatili pa rin sa kapangyarihan.
“We understand that this DPWH budget may have been prepared before the new Secretary assumed office. But after more than a trillion pesos lost to DPWH flood-control corruption over nearly a decade, the public cannot be asked to simply trust again—especially when many alleged perpetrators, enablers, and major beneficiaries remain in power, uncharged, with time working in their favor.” Dagdag pa ni Cardinal David.
Paalala ni Cardinal David, ang pondo ng bayan ay nagmumula sa pawis at buwis ng mamamayan na pinaghihirapan ng lahat kaya naman hindi ito dapat na mawaldas o ibulsa lamang ng mga tiwaling opisyal.
Sa huli, muling binigyang diin ng Cardinal na ang tiwala ng publiko ay hindi basta hinihingi kundi pinatutunayan, sa pamamagitan ng pagiging tapat at paglilingkod para sa tunay na kabutihan ng taumbayan.
“Let us be clear: One trillion pesos is one thousand billions. One billion pesos is one thousand millions. Transparency now is not optional. Public trust must be earned—again.” Ayon pa kay Cardinal David.
Muling nagpahayag ng paninindigan ang Catholic Bishops’ Conference of the Philippines – Episcopal Commission on Social Action, Justice and Peace (ECSA-JP) at Caritas Philippines para sa tunay na kapayapaan, kaunlaran, at paggalang sa dignidad ng bawat Pilipino.
Ito ang bahagi ng mensahe ng humanitarian, development and advocacy arm ng CBCP sa bagong pastoral letter kaugnay sa panukalang ₱8.1 bilyong badyet para sa National Task Force to End Local Communist Armed Conflict o NTF-ELCAC.
Ayon kay Caritas Philippines President San Carlos Bishop Gerardo Alminaza, mahalagang isulong ang tunay na kapayapaan, kaunlaran, at paggalang sa dignidad ng bawat Pilipino lalo na para sa mga dukha, mahihina, at mga pamayanang patuloy na nakararanas ng sigalot.
Sa gitna ng kakapusan ng pondo ng bayan at patuloy na paglaganap ng kahirapan, iginiit ng Caritas Philippines na nararapat suriing mabuti ang panukalang alokasyon, lalo’t inilalarawan ito bilang gantimpala sa mga lokal na pamahalaan at barangay na idineklarang cleared ng insurgency.
“Caritas Philippines and ECSA-JP stand with communities in their struggle not only for assistance, but for dignity; not only for projects, but for justice; not only for temporary calm, but for a peace that is rooted, inclusive, and lasting.” Bahagi ng pahayag ni Bishop Alminaza.
Binigyang-diin ng Simbahan na ang kapayapaan ay hindi gantimpala o pabor na ipinagkakaloob, kundi bunga ng katarungan.
Bagamat kinikilala ng Simbahan ang hangarin ng pamahalaan na maghatid ng kaunlaran sa mga apektadong lugar, iginiit nito na hindi sapat ang mabuting layunin kung ang paraan ay sumisira sa katarungan, dignidad ng tao, at demokratikong partisipasyon.
Nanawagan ang Simbahan sa pamahalaan na ituon ang pondo at mga programa sa mga hakbang na tunay na nagtataguyod ng katarungan, partisipasyon ng mamamayan, at inklusibong kaunlaran—bilang pundasyon ng isang makatarungan at pangmatagalang kapayapaan.
