Nanawagan ang Diyosesis ng Kalibo sa lahat ng mananampalataya na magbuklod sa pananalangin sa pamamagitan ng Oratio Imperata bilang tugon sa banta ng Tropical Depression Basyang.
Sa opisyal na panawagan ng diyosesis, hinihikayat nito ang buong sambayanan na magkaisa sa taimtim na panalangin, paghingi ng proteksyon at kaligtasan para sa lahat, lalo na sa mga komunidad na higit na nanganganib sa pinsala na dulot ng bagyo.
Ipinagkakatiwala ng Diyosesis ng Kalibo ang buong lalawigan sa pamamagitan ng patron ng diyosesis na si San Juan Bautista, upang ipag-adya ng Panginoon ang bawat isa mula sa anumang kapahamakan o sakuna.
“Through the intercession of St. John the Baptist, our beloved patron of the Diocese of Kalibo, let us unite our minds and hearts in fervent prayer. For in prayer, we find our strength and our hope. Together as one people, may we humbly implore God to shield us from all harm, guard us from calamities, and grant us deliverance from every trial and suffering.” Bahagi ng panawagan ng Diyosesis ng Kalibo.
Sa gitna ng banta ng kalamidad, nananatiling matatag ang paniniwala ng Diyosesis ng Kalibo na ang panalangin ay sandigan ng lakas at pag-asa, sapagkat ang Diyos ay laging kasama ng Kanyang bayan.
Hinimok din ng pamunuan ng diyosesis ang mga parokya, kapilya, at pamilyang Kristiyano na isama ang Oratio Imperata sa mga Banal na Misa at personal na panalangin, bilang paghahanda at pagtitiwala sa kalooban ng Diyos.
Ang Oratio Imperata ay tanda ng pananampalatayang aktibo at mapagkalinga na isang paalala rin na sa gitna ng unos at kawalan ng katiyakan, ang sambayanan ng Diyos ay hindi nag-iisa, kundi sama-samang humaharap sa hamon sa pamamagitan ng pananalangin, pananalig, malasakit, at pagkakaisa.
Ang Bagyong Basyang ang ikalawang bagyo ngayong taon na kasalukuyang nakakaapekto sa ilang mga bahagi ng bansa partikular na sa silangang bahagi ng Luzon, Visayas, at Mindanao.
Hinamon ni Malolos Bishop Dennis Villarojo ang mga tagapangasiwa ng mga dambana at basilika sa bansa na isulong ang pagiging daluyan ng ebanghelisasyon.
Sa pagninilay ni Bishop Villarojo para sa opening mass ng 29th National Assembly ng Association of Catholic Shrines and Pilgrimages of the Philippines (ACSP) na isinagawa sa diyosesis ay binigyang diin ng Obispo na ang mga dambana at mga basilica ay higit pa sa mga lugar ng debosyon, kundi mga sentro ng sinodalidad, ebanghelisasyon, at pagpapagaling.
“Let our shrines be centers of synodality and evangelization. They are rightly called sanctuaries because they are places of refuge, a place of rest for the weary soul. There are many ways we can bring solace and consolation to our people.” Bahagi ng pagninilay ni Bishop Villarojo.
Binigyang-diin din ni Bishop Villarojo na ang mga dambana ay dinarayo at sinasadya ng mga perigrino na may pasan-pasang hindi lamang espiritwal, kundi maging emosyonal at sikolohikal na mga sugat, kaya naman mahalagang maging mga lugar ang mga dambana na nag-aalok ng aliw, pahinga, at paghilom.
Isa sa mga kongkretong hakbang na ibinahagi ng Obispo ay ang pagsasama ng pangangalaga sa kalikasan sa pastoral na misyon ng mga dambana sa iba’t ibang bahagi ng bansa.
Hinikayat din ni Bishop Villarojo ang lahat na pangalagaan ang kalinisan ng kapaligiran, gayundin ang pagtatanim ng mga puno at halaman, maayos na pamamahala ng basura, at pagpapanatiling malinis ng mga pasilidad bilang bahagi ng paggalang sa nilikha ng Diyos.
“The most obvious one is to make it a place not just for spiritual renewal, but also ecological restoration. Let the earth breathe in our shrines. Fill it with trees and plants, birds and butterflies. Keep the toilets clean and dispose of the garbage properly. Keep it clean and spacious. In today’s world, people carry not just spiritual burdens but also psychological bondage.” Dagdag pa ni Bishop Villarojo.
Dagdag pa ng Obispo, sa isang mundong puno ng ‘stress’ o pagkabalisa, at kawalang katiyakan ay maaaring palawakin ng mga dambana ang kanilang paglilingkod sa pamamagitan ng mental health support, kung may kakayahan ang lugar.
Iminungkahi rin ni Bishop Villarojo ang posibilidad ng paglalaan ng espasyo para sa counseling at mental health clinics, katuwang ng sakramento ng kumpisal.
Binanggit din ng Obispo ang posibilidad ng mga pasilidad para sa pisikal na pangangalaga, tulad ng pagpapakain, pagbibigay-damit, o pagkakaloob ng simpleng paliguan lalo na para sa mga dukha at mga pilgrim na naglalakbay nang malayo.
“If possible, shrines can provide clinics for mental health, not just a place for a priest to hear confessions, but a clinical psychologist to provide counseling if the place permits. There can also be facilities for physical healing where people can be fed, clothed, and perhaps even take a shower.” Ayon pa kay Bishop Villarojo
Ayon kay Bishop Villarojo, kapag ang mga dambana at basilica ay naging tunay na lugar ng pakikipagtagpo sa Diyos at sa kapwa, ay kusang dadaloy ang biyaya para sa lahat.
“When we make our shrines and basilicas truly places of encounter with God and with fellow pilgrims, we make miracles happen. Not because we make it happen, but because the Lord pours out His grace upon His people.” Dagdag pa ni Bishop Villarojo.
Sa pagtatapos ng kanyang mensahe, mainit na tinanggap ni Bishop Villarojo ang mga panauhin ng Diyosesis ng Malolos na mga delegado ng 29th ACSP National Assembly at ipinagdasal ang isang makabuluhan at mabungang pagtitipon para sa lahat.
Nagpaabot ng pasasalamat ang pamunuan ng Program Paghilom sa ilalim ng Arnold Janssen Kalinga Foundation sa suporta ng Senado sa pagbubukas ng “Lakbay Museo ng Paghilom,” tampok ang mga kuwento ng mga biktima ng extra-judicial killings (EJK).
Ipinahayag ng Program Paghilom na pinangangasiwaan ni Missionary Priest at Ramon Magsaysay Awardee 2025, Rev. Fr. Flavie Villanue, SVD na siyang founder at president ng AJ Kalinga, ang taos-pusong pasasalamat kay Senador Risa Hontiveros sa pagho-host ng museo at sa pagbibigay-tinig sa mga kwento ng mga biktima sa isang makasaysayang pagkakataon.
Nagpaabot din ng pasasalamat ang Program Paghilom kay Senador Bam Aquino at sa kanyang mga kawani, gayundin sa mga kawani ni Senador Hontiveros, para sa patuloy na suporta at pakikiisa sa pagbubukas ng Lakbay Museo ng Paghilom – Mobile Museum.
“We extend our heartfelt thanks to Senator Risa Hontiveros for hosting the “Lakbay Museo ng Paghilom” and giving voice to the stories of EJK victims in this historic space. We could never have imagined that a mobile museum honoring their lives—brutally taken—would stand here. We also thank Senator Bam Aquino and his staff, along with Senator Hontiveros’s staff, for their continuous support and for joining us at the opening of the Mobile Museum.” Bahagi ng pahayag ng Program Paghilom.
Umaasa rin ang pamunuan ng Program Paghilom na magsilbi ang Lakbay Museo ng Paghilom bilang tanda ng pag-asa at paggaling para sa bansa na isang paalala na ang katotohanan, alaala, at malasakit ay mahalagang hakbang tungo sa tunay na kapayapaan.
Giit ng Program Paghilom, hindi dapat ituring na numero o estatistika lamang ang bawat buhay na biktima ng karahasan na magpahanggang sa ngayon ay patuloy na naghahanap ng katarungan.
“We choose not to remain silent: we remember those who have been killed and combat the lies fabricated against their memory. But we stand firm in telling the truth. Remembering their names declares: They are not statistics, but human beings whose stories demand justice. May this mobile museum be a sign of hope and healing for our country.” Dagdag pa ng Program Paghilom.
Ang “Lakbay Museo ng Paghilom,” ay isang mobile museum na naglalayong alalahanin ang kanilang mga buhay at igiit ang katotohanan sa gitna ng pananahimik at pagbaluktot ng alaala.
Pangungunahan ni Cubao Bishop Elias Ayuban Jr. CMF, chairperson ng CBCP-Episcopal Commission on Mutual Relations between Bishops and Religious ang pagdiriwang ng banal na misa para sa paggunita ng World Day for Consecrated Life 2026.
Tema ng pagdiriwang ngayong taon ang “Consecrated Persons: Prophetic Witnesses of Peace in a Wounded World.”
Matatandaang una ng inihayag ni Bishop Ayuban sa naganap na Day of Encounter ng mga obispo ng Catholic Bishops’ Conference of the Philippines at ng mga kasapi ng Conference of Major Superiors in the Philippines na mahalaga ang malalim na diyalogo, pakikinig, at wastong paggamit ng awtoridad ay susi sa pagtatatag ng isang tunay na Simbahang sinodal.
Layunin ng pagdiriwang ng World Day for Consecrated Life na pasalamatan at ipanalangin ang mga kalalakihan at kababaihang inialay ang kanilang buhay sa paglilingkod sa Diyos at sa sambayanan bilang mga saksi ng kapayapaan, pag-asa, at pag-ibig sa isang mundong sugatan ng karahasan at pagkakahati-hati.
Gaganapin ang pagdiriwang sa ikalawa ng Pebrero, 2026 mula alas-8 ng umaga hanggang alas-12 ng tanghali sa Mater Dei Auditorium ng St. Joseph’s College of Quezon City.
Inaanyayahan naman ang mga relihiyoso, relihiyosa, at mananampalataya na makiisa sa pasasalamat at panalangin para sa bokasyon ng buhay-konsekrado sa Simbahan.
Tinanggap ng Holy Family Catholic Church sa Los Angeles, sa pamamagitan ng Filipino Ministry ng Archdiocese of Los Angeles, ang opisyal na replika ng Jesus Nazareno mula sa Minor Basilica and National Shrine of Jesus Nazareno o mas kilala bilang Quiapo Church, na isang hakbang na nagpapatibay sa espirituwal na ugnayan ng mga Pilipinong Katoliko sa Pilipinas at sa ibayong-dagat.
Isinagawa ang pormal na pagtanggap sa relipka ng imahen ng Poong Hesus Nazareno noong Enero 25, 2026, sa Quiapo Church sa pamamagitan ng paglagda sa isang Memorandum of Agreement (MOA) nina Rev. Fr. John Cordero, MMHC, kura paroko ng Holy Family Catholic Church sa Los Angeles, at Rev. Fr. Jade Licuanan, rektor ng Pambansang Dambana ng Jesús Nazareno.
Ang kasunduan ay tanda ng opisyal na pagtitiwala at pag-aatas ng banal na imahen ng Jesus Nazareno sa Filipino Catholic community sa Los Angeles. “On January 25, 2026, our Pastor, Fr. John Cordero, MMHC, went to the National Shrine of Jesús Nazareno in Quiapo, Manila (more known as the Quiapo Church) to formalize the reception of Holy Family Church (in behalf of the Filipino Ministry of the Archdiocese of Los Angeles) of the Official Replica of the Jesús Nazareno Signing the Memorandum of Agreement with him is the Rector of the Shrine, Rev. Fr. Jade Licuanan.” Bahagi ng impormasyong inihayag ng Holy Family Catholic Church sa Los Angeles.
Ayon sa mga pinuno ng Simbahan, ang hakbang na ito ay sumasalamin sa matibay at patuloy na debosyon ng mga Pilipino sa Poong Jesus Nazareno, maging saan man sila naroroon sa mundo, at sa hangarin ng Quiapo Church na patuloy na alagaan ang pananampalataya ng mga Pilipinong nasa ibayong-dagat.
Inaasahang ipadadala ang banal na imahen patungong Estados Unidos bago ang solemne at makasaysayang Welcome Mass sa Pebrero 14, 2026 na nakatakdang pangunahan ni Balanga Bishop Rufino “Jun” Sescon, na dating nagsilbing rektor ng Pambansang Dambana ng Jesus Nazareno. “Very soon, the image will be shipped by air to Los Angeles and will be welcomed with a Mass on February 14, celebrated by Bishop Rufino “Jun” Sescon, the Bishop of Balanga, Bataan who was the immediate past Rector of the National Shrine.” Dagdag pa ng parokya.
Umaasa naman ang pamunuan ng Quiapo Church na ang presensya ng opisyal na replika ng Poong Jesus Nazareno ay magpapalalim pa sa pananampalataya, magpapatibay ng pagkakaisa, at magsisilbing bukal ng pag-asa at lakas para sa mga Pilipinong Katoliko sa Archdiocese of Los Angeles.
Binigyang-diin ni Antipolo Bishop Ruperto Santos na ang tunay na debosyon ng isang Kristiyano ay hindi lamang nakikita sa mga panlabas na gawain ng pananampalataya, kundi sa isang buhay na disiplinado, disente, at banal.
Ito ang bahagi ng mensahe ng Obispo sa paggunita ng ikalawang anibersaryo ng pagkakatalaga ng Antipolo Cathedral bilang International Shrine of Our Lady of Peace and Good Voyage noong Enero 26, 2026.
Sa kanyang pagninilay, ipinaalala ni Bishop Santos na ang pagkilala sa dambana ay hindi lamang parangal sa isang gusali, kundi sa buhay na pananampalataya ng mga Pilipinong deboto at peregrino na sa loob ng maraming henerasyon ay patuloy na humihingi ng gabay, kapayapaan, at mabuting paglalakbay sa pamamagitan ng Mahal na Birhen.
“Two years ago, on this very day, our beloved Antipolo Cathedral was formally recognized as the International Shrine of Peace and Good Voyage. This was not merely an honor bestowed upon a building. It was a recognition of a living faith—your faith, our people’s faith, the faith of countless pilgrims who have climbed these steps for generations seeking protection, guidance, and peace.” Bahagi ng pahayag ni Bishop Santos.
Ipinaliwanag din ng Obispo ang disiplinadong debosyon na nagsisimula sa araw-araw na pagpili sa Diyos, kahit sa gitna ng pagod, galit, at tukso.
Ayon kay Bishop Santos, mahalaga ang pagkakaroon ng kaayusan, pasensya, at paggalang sa kapwa lalo na sa mga gawain ng mga peregrino at gawaing panrelihiyon.
Pagbabahagi ng Obispo mula sa disiplina ay umuusbong ang disenteng debosyon, na nakikita hindi lamang sa maayos na kilos at pananamit sa Simbahan, kundi sa integridad ng puso at paggalang sa kabanalan ng Diyos.
“True devotion begins by shaping us into disciplined followers of Christ. Discipline is the steady, daily choice to walk with God even when the path is difficult. It is the quiet decision to pray when we are tired, to forgive when anger feels justified, and to choose honesty when shortcuts tempt us. A disciplined heart does not wait for perfect conditions. It acts with intention. And part of this discipline is learning how to carry ourselves as pilgrims of the Lord — with patience, order, and respect.” Dagdag pa ni Bishop Santos.
Iginiit din ni Bishop Santos na layunin ng debosyon na makipagtagpo sa Diyos, kung saan ang karaniwang gawain ng tao ay nagiging banal sa pamamagitan ng pag-ibig at sakripisyo.
Hiniling naman ng Obispo ang tulong at suporta ng bawat isa upang patuloy na maging tanda ng kapayapaan at kanlungan ng pananampalataya ang International Shrine of Our Lady of Peace and Good Voyage, kung saan ang bawat deboto ay namumuhay ng may debosyong may disiplina, may dangal, at may kabanalan.
Bilang bahagi ng pagdiriwang nagkaroon din ng sama-samang pagbibigay pugay ang mga mananampalataya ng Nuestra Señora de la Paz y Buen Viaje na mas kilala bilang Our Lady of Peace and Good Voyage o Birhen ng Antipolo, na matatagpuan sa Antipolo Cathedral, kasama ang Siete Coronadas ng Diyosesis ng Antipolo.
Bukod sa Birhen ng Antipolo, may pito pang Marian images sa Diyosesis na canonically crowned, kabilang dito ang: Nuestra Señora de los Desamparados – Diocesan Shrine of Our Lady of the Abandoned, Marikina City; Nuestra Señora de Aranzazu – Parish of Nuestra Señora de Aranzazu, San Mateo; Nuestra Señora de la Lumen (Our Lady of Light) – Parish of Our Lady of Light, Cainta; Nuestra Señora del Santísimo Rosario – Diocesan Shrine of Our Lady of the Holy Rosary, Cardona; Nuestra Señora de Fátima de Marikina – Parish of St. Paul of the Cross, Marikina City; at Nuestra Señora de la Annunciata – Boso-Boso, Antipolo City, ang pinakahuling ginawaran ng Pontifical Coronation.
Ang bawat isa sa mga imaheng ito ng Mahal na Birhen ay sumasalamin sa makulay na kasaysayan ng pananampalataya, sa mga panalanging dininig, at sa mga biyayang patuloy na dumadaloy sa pamamagitan ng Mahal na Birheng Maria.
Inaanyayahan ng Obispo ng Diyosesis ng Kidapawan ang mga mananampalataya na makiisa sa pagbabahagi ng biyaya sa mga higit na nangangailangan.
Bilang paghahanda sa ika-72 kaarawan ni Kidapawan Bishop Jose Colin Bagaforo sa ika-30 ng Enero ay inaanyayahan ang lahat ng makibahagi sa inisyatibong Bishop Alay Bahay Program na naglalayong makapagpatayo at makapagbigay ng bahay para sa mga walang tahanan at mahihirap na pamilya sa diyosesis.
Sa mensahe ni Bishop Bagaforo, hiniling ng Obispo ang panalangin at pakikiisa ng lahat para sa patuloy na tagumpay ng programa na sinimulan sa kanyang ika-45 anibersaryo ng pagkapari.
“The Bishop Alay Bahay Program is a charity program that I initiated for the homeless and poor families from our Gagmay’ng Kristohanong Katilingban (GKKs) with the support of the parish priests. I started this program when I celebrated my 45th year anniversary in the priesthood.” Bahagi ng mensahe ni Bishop Bagaforo.
Partikular na nanawagan si Bishop Bagaforo ng pakikibahagi sa pagsasagawa ng second collection o ikalawang koleksyon sa buong diyosesis ngayong ika-25 ng Enero, 2026 para sa nasabing Bishop’s Alay Bahay Program na layong magbigay ng disenteng tirahan sa mga pinakamahihirap na pamilya sa diyosesis.
Layunin ng ikalawang koleksyon na makapagpatayo pa ng mas maraming tahanan para sa mga pamilyang matagal nang nangangarap ng isang ligtas at marangal na tirahan.
“On January 30, I shall celebrate my 72nd birthday, and to have an additional funding for this BISHOP’S AlAY BAHAY program, there will be a SECOND COLLECTION on January 25, 2026 in all Masses which shall be somehow a birthday guft to me. Please encourage our faithful to donate a little amount as their participation in my wish to provide decent houses to many of the poorest of the poor among us.” Dagdag pa ni Bishop Bagaforo.
Sa kasalukuyan, sampung (10) bahay na ang naipatayo ng programa para sa mga maralitang pamilya sa limang parokya sa diyosesis na isang konkretong tanda ng pananampalatayang isinasabuhay sa pamamagitan ng pagkilos at pagtulong sa kapwa.
Pagbabahagi ni Bishop Bagaforo, “The Cash gifts and stipends that I have received are the sources of funds for this noble initiative. At present, there are already Ten (10) houses built in five (5) parishes.”
Ibininahagi pa ng Obispo na sa kanyang pagdiriwang ng kaarawan, ang pinakamainam na regalo ay hindi lamang handog para sa kanya, kundi pag-asa at bagong simula para sa mga pamilyang nangangailangan ng tahanan na isang patunay na ang Simbahan ay patuloy na naglilingkod sa mga dukha, gaya ng itinuturo ng Ebanghelyo.
Ipinag-utos ng Obispo ng Diyosesis ng Iba sa Zambales ang pansamantalang pagsasara ng isang kapilya sa Subic Bay Freeport Zone matapos ang isang insidente ng tinagurian nitong paglapastangan sa banal na lugar.
Ayon kay Bishop Bartolome Santos Jr., winasak ang Chapel of San Roque at ang adoration chapel nito noong January 18, 2026 na nagdulot ng matinding dalamhati at pagkabigla sa mga mananampalataya.
Batay sa inilabas na atas ni Bishop Santos na may petsang January 19, 2026, kabilang sa nilapastangan ang katawan ni Kristo (sacred host) gayundin ang monstrance at ilang mga banal na imahe.
Binigyang-diin ni Bishop Santos na ang insidente ay isang tahasang paglapastangan sa kabanalan ng lugar dalanginan kaya’t kinakailangang na pansamantalang isara ang kapilya para sa publiko hanggang sa makapagsagawa ng nararapat na pagsasaayos at ritwal ng pagbabayad-puri.
“It is with deep sorrow that I inform the Christian faithful that on 18th January 2026, the Chapel of San Roque in the Subic Bay Freeport Zone and its Adoration Chapel was subjected to acts of vandalism which gravely offended the sanctity of the sacred place. The Sacred Host in the Monstrance was left in pieces on the floor, the monstrance was destroyed, and sacred images were broken.” Bahagi ng pahayag ni Bishop Santos.
Ayon sa pahayag ng Obispo, ang taong responsable sa insidente ay may suliraning pangkaisipan, na posibleng pinalala pa ng ipinagbabawal na gamot.
“These acts were committed by a person suffering from mental instability which may be due to abuse of prohibited substances.” Dagdag pa ni Bishop Santos.
Inihayag naman ni Bishop Santos na dahil sa kalagayang pangkaisipan ng na taong responsable sa insidente ay hindi na ito pinatawan ng anumang ‘canonical penalty’ at sa halip ay ipinagkatiwala ang nasabing indibidwal sa awa ng Diyos.
“Considering the mental condition of the person responsible, no canonical penalty is imposed. Instead, we commend him to the mercy of God and pray for his healing, while entrusting the affected community to the consoling presence of the Lord.” Ayon pa kay Bishop Santos.
Alinsunod sa Canon 1211 of the Code of Canon Law, pormal na idineklara ni Bishop Santos na ang Chapel of San Roque ay nadungisan, at ipinag-utos ang agarang pagsuspinde ng lahat ng Misa at sakramentong pagdiriwang sa kapilya.
Muli lamang bubuksan ang kapilya matapos maisagawa ang mga kinakailangang pagkukumpuni at ang penitential rite of reparation, bilang tugon sa tahasang paglapastangan sa Banal na Eukaristiya.
Nanawagan naman si Bishop Santos sa mga mananampalataya na manalangin, mag-ayuno, at magsagawa ng gawaing kawanggawa, kung saan umaasa rin ang Obispo na nawa’y maging daan ang pangyayari upang lalong mapalalim ang pagmamahal sa Eukaristiya at paggalang sa mga banal na lugar.
Nagpahayag ng suporta at pakikiisa si San Carlos Bishop Gerardo Alminaza para kay Erwin “Ambo” Delilan, Station Manager ng 104.7 Hapi Radio FM sa Bacolod City matapos ang kanyang biglaang pagkakaaresto kaugnay ng kasong Unjust Vexation.
Ayon sa Obispo na siya ring chairman ng Caritas Philippines na humanitarian, advocacy and social development arm ng CBCP, nakababahala ang mga pangyayari sa pag-aresto kay Delilan, partikular na ang alegasyong na ang subpoena ay ipinadala sa maling address, dahilan upang hindi makasagot at mapagkaitan ng due process si Delilan.
Binigyang-diin pa ni Bishop Alminaza na ang due process ay hindi lamang teknikalidad kundi isang moral at legal na proteksiyon na dapat ipagkaloob sa bawat mamamayan, anuman ang propesyon o katayuan sa buhay.
“We express our deep concern and solidarity with Erwin “Ambo” Delilan, Station Manager sang 104.7 Hapi Radio FM, after his arrest for Unjust Vexation. We are troubled by the circumstances surrounding this arrest, particularly the allegation that the subpoena was sent to an incorrect address, effectively depriving the respondent of the right to reply and due process. Due process is not a technicality; it is a moral and legal safeguard that protects every citizen—regardless of status or profession.” Bahagi ng pahayag ni Bishop Alminaza.
Nanawagan din ang Obispo sa mga kinauukulang awtoridad na igalang ang ganap na due process, pangalagaan ang kalayaan ng pamamahayag, at iwasan ang mga hakbang na maaaring ituring na pananakot o panggigipit sa mga mamamahayag.
Ipinahayag din ni Bishop Alminaza ang kanyang matibay na suporta sa mga journalist at media workers na patuloy na nagpapahayag ng katotohanan sa gitna ng hamon at panganib.
Inanyayahan naman ng Obispo ang lahat na makibahagi sa pananalangin para sa karunungan, katarungan, at pagpipigil, upang ang hustisya ay magsilbi sa kabutihang panlahat at hindi maging kasangkapan ng takot o pananahimik.
“We stand with journalists and media workers who courageously speak truth to power. We pray for wisdom, fairness, and restraint—that justice may truly serve the common good, not fear nor silence.” Dagdag pa ni Bishop Alminaza.
Giit ni Bishop Alminaza, ang katotohanan ay hindi dapat inaaresto; ang hustisya ay hindi dapat gawing sandata; at ang demokrasya ay hindi dapat pahinain sa pamamagitan ng pagsupil sa sinuman nagbubunyag ng katotohanan sa lipunan.
Muling pinaaalalahanan ng Diyosesis ng Antipolo ang mga mananampalataya na ang Salita ng Diyos ay hindi lamang babasahing teksto, kundi isang buhay na presensya na nagbibigay buhay sa puso at tahanan ng bawat isa.
Ito ang bahagi ng mensahe ng diyosesis sa pagdiriwang ng National Bible Month ngayong buwan ng Enero kung saan ginugunita naman sa huling linggo ng buwan ang National Bible Week.
Ayon sa diyosesis, ang bibliya ay isang walang hanggang tinig ng Panginoon na tumatawag sa bawat isa sa walang hanggang pag-ibig, matuwid na pamumuhay, matatag na pananampalataya, at tapat na pagsaksi sa katotohanan ng Panginoon sa mundo.
“In this blessed celebration of National Bible Week, we are reminded that the Word of God is not merely a text to be read, but a living presence that breathes life into our hearts and homes. It is the eternal voice of the Lord, calling us to love without measure, to walk with integrity, to stand firm in faith, and to engage with the world as witnesses of His truth.” Bahagi ng mensahe ng Diyosesis ng Antipolo.
Umaasa din ang Diyosesis ng Antipolo na pinangangasiwaan ni Bishop Ruperto Santos na pahintulutan ng bawat isa na hubugin ng Salita ng Diyos ang bawat pamilya, palakasin ang mga pamayanan, at baguhin ang bayan bilang sambayanang nakaugat kay Kristo.
“As the Roman Catholic Diocese of Antipolo proclaims, may we allow the Word to shape our families, inspire our communities, and transform our nation into a people rooted in Christ. In this week dedicated to the Bible, let us recommit ourselves to daily prayer, deeper reflection, and faithful action, so that the Word may truly become flesh in our lives.” Dagdag pa ng Diyosesis ng Antipolo.
Sa paggunita ng National Bible Week mula ika-19 hanggang ika-25 ng Enero, 2026, hinihikayat ng Simbahan ang lahat na muling mapalalim ang buhay panalangin, mas malalim na pagninilay, at tapat na pagkilos, upang ang Salita ay tunay na maging laman ng buhay ng bawat isa sapagkat ang Salita ng Diyos ay nagbibigay ng buhay na ganap, buhay na walang hanggan, at buhay na nagliliwanag sa buong daigdig.
Tema ng National Bible Month 2026 ngayong taon ang “God’s Word Brings L.I.F.E. to Our Hearts and to Our Homes” na naglalayong bigyang diin ang buhay na hatid ng Salita ng Diyos para sa puso at buhay ng bawat isa.
Ang pagdiriwang na ito ay alinsunod sa Presidential Proclamation No. 44, s. 1986, na nagdedeklara ng buwan ng Enero bilang National Bible Month, bilang paanyaya sa lahat na muling yakapin at isabuhay ang Salita ng Diyos.
Pinaalalahanan ng Philippine Institute of Volcanology and Seismology (PHIVOLCS) ang publiko na huwag basta maniwala sa mga kumakalat na hindi beripikadong impormasyon.
Ayon sa PHIVOLCS, wala pang teknolohiya sa buong mundo ang makapagsasabi kung kailan at saan mangyayari ang malakas na lindol kaya naman hindi dapat na basta maniwala sa mga kumakalat na impormasyon lalo na social media.
Pinaalalahanan din ng PHIVOLCS ang publiko na huwag basta magpadala o mag-forward ng anumang hindi beripikadong impormasyon na maaaring magdulot ng pagkatakot o pagkalito sa publiko.
“There is NO RELIABLE TECHNOLOGY in the world that can confidently PREDICT THE EXACT TIME, DATE, and LOCATION of large earthquakes. Please AVOID SHARING or BELIEVING messages from UNCONFIRMED and UNRELIABLE sources.” Bahagi ng abiso ng PHIVOLCS.
Giit ng ahensya, mahalagang magkaroon ng tamang kaalaman at sapat na paghahanda upang maging ligtas sa panganib ng malakas na lindol o anumang uri ng kalamidad o sakuna.
Hinikayat din sa tanggapan ang publiko na bisitahin ang official website at social media pages ng DOST-PHIVOLCS para sa mga opisyal na ulat at impormasyon.
“Visit our website and official social media accounts for information. Be Informed. Be Prepared.” Dagdag pa ng PHIVOLCS.
Bukod sa lindol o paggalaw ng lupa, binabantayan rin ng PHIVOLCS ang mga aktibidad ng mga bulkan sa bansa kung saan sa kasalukuyan ay nakataas ang Alert Level 3 ang Bulkang Mayon, nakataas naman ang Alert Level 2 sa Bulkang Kanlaon, habang nakataas rin ang Alert Level 1 sa Bulkang Taal at Bulusan.
Nagpahayag ng taos-pusong pasasalamat si Cebu Archbishop Alberto Uy, sa mga street sweeper at sanitation workers ng Cebu City Environment and Natural Resources Office (CENRO) na walang pagod na naglinis ng mga lansangan ng lungsod matapos ang Sinulog Grand Parade noong Enero 18, 2026.
Ayon sa Arsobispo, habang marami ang nagpapahinga matapos ang kasiyahan, tahimik at tapat na naglingkod naman ang mga manggagawa na nagwawalis, naglilinis, at nagsasaayos muli ng kaayusan sa lungsod.
Bagama’t hindi palaging napapansin ng marami, binigyang-diin ni Archbishop Uy na ang kanilang gawain ay hinding-hindi nalilihim sa Diyos at sa sambayanang lubos na nagpapasalamat.
“I wish to express my sincere gratitude and deep appreciation to the street sweepers and sanitation workers of the Cebu City Environment and Natural Resources Office (CENRO) who worked tirelessly to clean our streets after the Sinulog Grand Parade on January 18, 2026. While many were resting after the festivities, you quietly and faithfully labored—sweeping, collecting, and restoring order to our city. Your work may be unseen by many, but it is never unnoticed by God and by a grateful people.” Bahagi ng mensahe ni Archbishop Uy.
Binigyang diin rin ng Arsobispo na ang kanilang paglilingkod ay paalala na ang tunay na diwa ng Sinulog na hindi lamang makikita sa mga pagsayaw at pagdiriwang, kundi sa paglilingkod, pananagutan, at malasakit sa ating iisang tahanan.
Pagbabahagi ni Archbishop Uy sa kanilang sipag at dedikasyon, naipapakita na ang debosyon sa Señor Santo Niño na isinasabuhay hindi lamang sa galak, kundi pati sa disiplina, kalinisan, at paggalang sa sangnilikha.
Ipinapanalangin din ng Arsobispo na pagpalain nawa ng Señor Santo Niño ang mga sanitation workers at ang kanilang mga pamilya ng masaganang biyaya.
“You remind us that the true spirit of Sinulog is not only found in dance and celebration, but also in service, responsibility, and care for our common home. You help ensure that our devotion to the Santo Niño is expressed not only in joy, but also in discipline, cleanliness, and respect for creation. Daghang salamat sa inyong kakugi, sakripisyo, ug katahum sa inyong serbisyo. May the Señor Santo Niño bless you and your families abundantly.” Dagdag pa ni Archbishop Uy.
Samantala, nagpaabot din ng pagbati si Archbishop Uy sa lahat ng nakibahagi at nagwagi sa Sinulog 2026, kasabay ng pagkilala sa sakripisyo at pagsusumikap ng bawat kalahok sa makasaysayang pagdiriwang.
Ayon sa Arsobispo, hindi biro ang pinagdaanan ng mga kalahok na mananayaw, kabilang ang walang katapusang ensayo, pagod, puyat, at maging ang ilang pagtatama na patunay ng kanilang taos-pusong paghahandog para parangalan ang Señor Santo Niño at ipagmalaki ang Cebu kung saan ang lahat ng lumahok ay karapat-dapat batiin, may tropeo man o wala.
Pagbabahagi ng Arsobispo, hindi lahat ay nag-uuwi ng medalya sa pagdiriwang ng Sinulog, ngunit ang sinumang naghandog ng kanilang lakas at talento nang may pagmamahal ay panalo sa paningin ng Batang Hesus.
“But let me say this clearly: a big congratulations as well to all our participants. Whether you went home with a trophy or just very tired legs, you all gave your best—and that already matters. In Sinulog, not everyone gets a medal, but everyone who offers their effort with love already wins in the eyes of the Child Jesus.” Ayon pa kay Archbishop Uy.
Ipinaalala rin ni Archbishop Uy na ang Santo Niño ay hindi nagbibilang ng puntos o pagkakamali, kundi nakikita ang pawis, sakripisyo, disiplina, at galak na iniaalay ng bawat deboto kung saan ang mga handog na ito ay Kanyang ginagantimpalaan sa paraang higit pa sa anumang tropeo.
Ipinahayag din ng Arsobispo ang kanyang lubos na pagmamalaki sa lahat ng kalahok, bilang pastol ng Simbahan at tulad ng isang amang nasaksihan ang pagsayaw, pagod, ngiti, at muling pagtayo ng kanyang mga anak.
“The Santo Niño is not counting scores or judging mistakes. He sees the sweat, the sacrifices, the discipline, and the joy you offered. And believe me, the Child Jesus is very good at rewarding effort—sometimes in ways better than trophies. As your Archbishop—and like a father who watched his children dance, stumble, smile, and get back up—I am very proud of all of you.” Pagbabahagi pa ni Archbishop Uy.
Hinikayat naman ni Archbishop Uy ang lahat na magpahinga, alagaan ang katawan, at higit sa lahat, ipagpatuloy ang pamumuhay sa mga pagpapahalaga ng Santo Niño, ang kagalakan, kababaang-loob, pagkakaisa, at pagmamahal kahit tapos na ang musika at mga kasiyahan.
Nanawagan ng agarang aksyon ang mga pari ng Society of Our Lady of the Most Holy Trinity (SOLT) kasama ang mga miyembro ng BARACAS Cluster ng Diyosesis ng Legazpi sa Albay, kaugnay ng mga hindi pa tapos na proyektong kalsada na umano’y nagpapalala sa pagbaha at naglalagay sa panganib sa buhay ng mga residente.
Nagmula ang mga pari sa mga parokya sa Rapu-Rapu, Cagraray, Batan, at San Miguel sa Albay.
Sa nagkakaisang pahayag na nilagdaan ng mga Pari ay kanilang iginiit na sa halip na magdala ng kaunlaran, ang mga hindi natatapos na imprastraktura ay nagiging dagdag na pasanin sa mga komunidad na matagal nang dumaranas ng kahirapan.
Ayon sa mga Pari, ang mga sira at hindi kumpletong kalsada ay humahadlang sa maayos na daloy ng tubig-ulan, na nagdudulot ng mas malalang pagbaha, habang ang pagkasira naman ng mga water source ay lalong nagpapahirap sa pang-araw-araw na pamumuhay ng mga pamilya.
“Our communities deserve roads that connect, not endanger; infrastructures that uplifts, not burdens; and leadership that acts with urgency, integrity, and genuine concern for the people.” Bahagi ng liham apela ng mga pari ng Society of Our Lady of the Most Holy Trinity (SOLT).
Binigyang-diin din ng mga pari, na ang mga mamamayan lalo na ang mga mahihirap ang una at pinaka-naapektuhan kapag ang mga proyekto ay napabayaan.
Hinimok naman ng mga pari ang mga kinauukulang ahensya ng pamahalaan na magbigay ng malinaw at regular na update sa estado ng mga proyekto, tiyakin ang mabilis at de-kalidad na pagtatapos ng mga kalsada, at agarang ayusin ang mga pinagkukunan ng tubig na mahalaga sa kalusugan at kaligtasan ng mga komunidad.
Bilang mga pastol ng Simbahan, iginiit ng mga Pari na bahagi ng pananampalataya ang pagtataguyod ng buhay, dignidad, at kapakanan ng mamamayan, gayundin ang tunay na pag-unlad na may ganap na pagmamalasakit sa tao at maging sa kalikasan.
“Moved by pastoral concern and united in mission to uphold the dignity and welfare of the communities entrusted to our care, we come together to raise this urgent appeal. Our intentions is not political, but moral. It is rooted in compassion, justice, and the responsibility we all share in safeguarding our people from harm.” Paglilinaw ng mga Pari ng diyosesis.
Partikular na nanawagan ang mga Pari kay Governor Noel Rosal at sa iba pang lokal na opisyal ng pamahalaan sa Albay, gayundin sa mga opisyal ng Department of Public Works and Highways at Department of Environment and Natural Resources.
Nagpahayag ng pakikiisa ang Arkidiyosesis ng Cebu sa pamahalaang lungsod ng Cebu sa pagdedeklara ng January 16, 2026 bilang “Day of Mourning” para sa mga biktima ng trahedyang naganap sa Binaliw landfill.
Ayon kay Cebu Archbishop Alberto Uy, mahalagang ipagdasal ang lahat ng mga biktima at kanilang mga mahal sa buhay na dumaranas ng patuloy na pagdadalamhati at kawalan ng katiyakan.
Bilang pakikiisa at panalangin, hiniling ng Arsobispo sa lahat ng parokya sa Arkidiyosesis ng Cebu na ialay ang lahat ng Banal na Misa sa itinakdang araw sa ika-16 ng Enero, 2026 para sa mga nasawi, gayundin para sa kanilang mga naulila at mahal sa buhay.
“The Archdiocese of Cebu joins the Cebu City Government in declaring January 16 as a “Day of Mourning” for the victims of the Binaliw landfill tragedy… We ask all parishes in the Archdiocese to offer all Masses on this day for the victims of the tragedy and for their grieving families and loved ones. May the Lord grant eternal rest to those who have died and comfort to those who mourn.” Bahagi ng pahayag ni Archbishop Uy.
Nanawagan din ang Arkidiyosesis ng Cebu ng patuloy na panalangin, pakikiisa, at malasakit para sa mga pamilyang apektado ng trahedya, habang patuloy ang paghahanap sa mga nawawala at ang pagtugon sa pangangailangan ng mga biktima ng naganap na trahedya.
Sa kasalukuyan umabot na sa 13 ang kumpirmadong nasawi, habang mahigit pa sa 20 katao ang patuloy pang hinahanap.
Una ng nanawagan ng sama-samang panalangin at pakikiisa si Archbishop Uy para sa mga biktima ng landslide sa Prime Waste Solutions Cebu Landfill sa Barangay Binaliw, Cebu City na naganap noong ika-8 ng Enero, 2026.
Mariing kinondena ng Church People Workers Solidarity (CWS) ang pagguho ng Binaliw Landfill sa Barangay Binaliw, Cebu City na ikinasawi ng walong manggagawa, at nag-iwan ng hindi bababa sa tatlumpu’t apat na nawawala at iba pang sugatang indibidwal.
Sa solidarity statement na nilagdaan ni San Carlos Bishop Gerardo Alminaza,chairperson ng CWS, iginiit ng grupo na ang trahedya ay hindi maaaring ituring na simpleng aksidente kundi isang krimeng nag-ugat sa kasakiman, kapabayaan, at sistematikong paglabag sa karapatan ng mga manggagawa.
Binatikos din ni Bishop Alminaza na siya ring chairman ng Caritas Philippines na humanitarian, development and advocacy arm ng Catholic Bishops’ Conference of the Philippines, ang kalagayan ng mga manggagawa na napipilitang magtrabaho sa mapanganib at hindi makataong kalagayan.
Iginiit ng Obispo, kapag ang kaligtasan ay isinasakripisyo para sa tubo o kita sa negosyo at ang kapabayaan ay nauuwi sa kamatayan, ang paggawa ay nagiging anyo ng pagsasamantala.
“What is being portrayed as an “accident” is, in truth, a crime born of greed, neglect, and the systematic violation of workers’ rights. We express our deepest solidarity with the families of the victims and stand firmly with Filipino workers in their struggle for justice and accountability. Those who perished were only trying to earn an honest living. They were compelled to work under dangerous and inhumane conditions—conditions that should never have been allowed and that ultimately cost them their lives.” Bahagi ng pahayag ni Bishop Alminaza.
Nanawagan naman si Bishop Alminaza ng agarang, masinsin, at transparent na imbestigasyon sa insidente at hiniling na papanagutin ang Prime Waste Solutions na kasalukuyang operator ng landfill, kung mapapatunayang lumabag ito sa Occupational Safety and Health (OSH) Law at iba pang kaugnay na regulasyon sa kaligtasan ng mga manggagawa.
“We demand an immediate, thorough, and transparent investigation into the collapse of the Binaliw Landfill. We further demand that Prime Waste Solutions, owned by the Razon family and the current operator of the landfill, be investigated for possible violations of the OSH Law and other relevant regulations and be penalized to the fullest extent of the law if found culpable.” Dagdag pa ni Bishop Alminaza.
Iginiit din ng Obispo ang agarang pangangailangan na maamyendahan ang Republic Act No. 11058 upang gawing kriminal ang sadyang hindi pagsunod sa mga pamantayan sa kaligtasan sa trabaho.
Ayon kay Bishop Alminaza, “This incident once again underscores the urgent need to amend Republic Act No. 11058, the Occupational Safety and Health Law, to criminalize non-compliance with OSH standards. Without real penalties and criminal liability, employers will continue to disregard safety regulations—and workers will continue to die.”
Binigyang-diin din ni Bishop Alminaza na ang naganap na trahedya sa Binaliw Landfill sa Barangay Binaliw, Cebu City ay hindi dapat mauwi lamang sa estadistika o mga numero o kaya naman ay matabunan ng mga opisyal na paliwanag sa halip ay dapat na magsilbing panawagan sa pananagutan at reporma sa kahalagahan ng pagtiyak ng kaligtasan ng mga manggagawa sa sektor ng paggawa.
“We refuse to allow this tragedy to be reduced to a statistic or buried under official excuses. We call on the government to act decisively—to hold the guilty accountable, to protect workers’ lives, and to ensure safe, humane, and dignified working conditions for all.” Panawagan ni Bishop Alminaza.
Paliwanag ng Obispo nasasaad sa panlipunang turo ng Simbahan na ang sektor ng paggawa ay sagrado dahil ang buhay ng bawat manggagawa ay sagrado kung saan ayon sa mga aral ni St. John Paul II sa Laborem Exercens, ang trabaho ay umiiral para sa tao at hindi ang tao para sa trabaho.
