7,947 total reads
Nakikiisa si Pangulong Ferdinand R. Marcos Jr. sa sambayanang Pilipino sa paggunita ng National Heroes’ Day.
Hinikayat ng Pangulo ang bawat Pilipino na huwag lamang alalahanin ang ating mga bayani, kundi ipagpatuloy ang kanilang ipinaglaban at isinakripisyo para sa bayan.
“Our forebears won our freedom, defended our dignity, and laid the foundations of the Republic we cherish. We honor them best by embodying their courage, keeping the flame of patriotism alive, and becoming the citizens our country needs,” ayon sa mensahe ng Pangulo.
Kinikilala rin ng Pangulo ang diwa ng kabayanihan ng mga sundalo, unang rumeresponde sa sakuna, guro, health workers, magsasaka, mangingisda, mga Pilipinong nagtatrabaho sa ibang bansa, at lahat ng mamamayang tumutulong sa kapwa at naglilingkod para sa kabutihang panlahat.
“We find it in every citizen who helps a neighbor, protects the vulnerable, and works honestly for the common good,” ayon pa sa mensahe ni Pangulong Marcos.
Ang kabayanihan, ayon sa punong ehekutibo ay hindi lamang bahagi ng kasaysayan, kundi ay patuloy itong isinasabuhay ng bawat Pilipinong may malasakit sa kapwa at bayan.
Dagdag pa ng punong ehekutibo, “As we forge ahead, may we continually prove ourselves worthy of the liberty entrusted to us and build a country that generations yet to come will proudly inherit.”
