130,080 total reads
Ito ang taguri ng Obispo ng Kalookan sa mga ahensiya ng gobyerno na kunwaring nababahala sa iligal na offshore gambling… ginagawa namang legal ang online gambling sa Pilipinas.
Sa kanyang social media post, tinukoy ang online gambling na kumpleto, todo-todo, bukas sa lahat, sa bata o matanda, 245-oras kada araw,pitong araw kada lingo.
Ang katanungan Kapanalig, sino pa ang magtitiis pumuslit sa mga casino na pangmayaman? Kung saan kahit sino puwede magsugal habang nakahiga, nakaupo sa alinmang sulok ng bahay, kahit saan basta hawak ang cellphone.
Sino ang may pakialam kung saan ang mga batang dapat nag-aaral na ang tumataya ng perang pinaghirapan ng OFW na mga magulang? Ipinapadala lang sa GCASH, isinusugal online, mas malala pa, utang ang ipinangtaya. Bago pa nakarating sa hapag kainan ang perang ipinapadala, bago pa maipambayad sa tuition, naglaho na sa online gambling.
Kapanalig, walang pinipiling edad at oras ang pagsusugal.. lalo itong naging madali gamit lamang ang e-money wallet.
Bakit ginawa itong legal? Si GCASH, okey lang… malaki ang rebit, malaki ang kabig kung adik na sa sugal ang maraming Pilipino lalu ang mga kabataan.
Ang sabi ni Cardinal David, “Sino ang may pakialam kung mga niro-role model na mga sikat na artista mismo ang magbenta ng konsensya at mag-endorso ng mga online gambling sites sa social media? Nagpapaupa bilang pushers, tagapagtulak ng pasugalan ng mga bilyonaryong walang konsensya. Nilalambat ang mga inosente at desperado sa malawak na digital na dagat ng sugalan.”
Dahil sa pagsasalegal ng gobyerno sa online gambling., ika nga ng cardinal, “Goodbye edukasyon. Goodbye disenteng trabaho. Goodbye sa kinabukasang hangad ng mga pamilyang nagsusumikap. Hello sa isang henerasyon ng mga lulong sa sugal. Noon, walang pakialam kung patayin ang mga addict. Ngayon, walang pakialam kung paramihin sila,”.
Kapanalig, tinatawagan tayong umalma para masupil ang kabaliwanag ito sa ating bayan. Hindi lang kabaliwanan ito., kasabwat daw tayong tayong. Sino pa ang magliligtas sa ating kabalbalan?
Kapanalig, sama-sama tayo., ipamukha natin sa ating gobyerno, sa mga kinauukulan… sagipin natin ang buong henerasyon na isinusubo kapalit ng mabilis at malaking kita. Bakit kaya tahimik ang mga mambabatas sa problemang ito? Sila ang may kapangyarihan, ang kongreso ang nagbibigay ng prangkisa at lisensiya sa anumang uri ng sugal? Paldo-paldo yata ang mga offshore bank accounts kaya nakakabingi ang katahimikan?
Isang payong Kapanalig ng “Timothy 6:10–For the love of money is a root of all kinds of evils. It is through this craving that some have wandered away from the faith and pierced themselves with many pangs.”
Sumainyo ang Katotohanan.
