266 total views
Manila– Kinakailangang may political will ang kalihim ng Kagawaran ng Kapaligiran at Likas na Yaman.
Ito ang binigyang diin ni Ifugao Lone District Representative Teddy Brawner Baguilat sa panayam ng programang Barangay Simbayanan ng Radio Veritas kaugnay sa mga pagtutol sa appointnment ni Gina Lopez sa Commission on Appointments.
Ayon kay Baguilat, hindi kinakailangang maging eksperto o magmula sa academe ang magiging kalihim ng kagawaran dahil mas mahalaga ang dedikasyon at lakas ng loob nitong ipatupad ang tunay na mandato ng ahensya.
“Sa akin mas mahalaga especially for the secretary of the Department of Environment [and Natural Resources] yung political will mo na ipatupad yung batas. Napakarami namang officials natin na experts. Alam nila yung batas, alam na alam nila yung mga usapin. Pero, hindi naman nila mapatupad yung kanilang mandato.”paglilinaw ni Baguilat.
Inihayag ni Baguilat ang mataas na respeto kay Secretary Lopez dahil sa ipinamalas nitong dedikasyon sa pagsusulong ng social justice para sa kalikasan.
Naniniwala si Baguilat na mas mapapadali ang pagsusulong ng mga “Green bills” sa Mababang Kapulungan ng Kongreso kung ganap na maging kalihim ng D-E-N-R si Lopez.
Sa kasalukuyan, nakabinbin ang kumpirmasyon ni Lopez dahil sa maraming oppositors.
Sa ika-14 ng Marso muling isasalang si Lopez sa confirmation hearing ng Commission on Appointments.
Nauna rito, pinuri ng mga opisyal ng Simbahang Katolika ang pagpapasara ni Lopez sa mining permits ng mga abusado at lumalabag sa batas na mining companies.
Read: http://www.veritas846.ph/cancellation-ng-75-mining-contracts-ipinagbunyi/
(Yana Villajos)
