100 total views
Inaanyayahan ng Church People-Workers Solidarity (CWS) ang mga manggagawa, faith-based organizations, at mga tagasuporta ng karapatan sa paggawa na makiisa sa kauna-unahang General Assembly ng CWS Panay-Guimaras Regional Formation na gaganapin sa July 20, 2026 sa Jubilee Hall ng St. Clement’s Church sa La Paz, Iloilo City.
Isusulong sa kauna-unahang panlalawigang General Assembly ang temang “Faith in Action, Justice for Workers: Year of Solidarity, Continuing the Struggle,” na naglalayong patatagin ang pananampalataya ng mga kalahok, palakasin ang tinig ng mga manggagawa, at isulong ang sama-samang pagkilos para sa katarungan at paggalang sa dignidad ng paggawa.
Ayon sa CWS, magsisilbing pagkakataon ang regional assembly upang higit na mapalawak ang pagkakaisa ng iba’t ibang sektor ng mga manggagawa at mga organisasyong pangsimbahan sa Panay at Guimaras.
Patatagin din ng CWS ang pagsusulong sa mga adbokasiya para sa makatarungang kondisyon sa paggawa at karapatan ng mga manggagawa.
Kaakibat nito, patuloy na binibigyang-diin ng Simbahan ang kahalagahan ng pagkakaisa at pagtatanggol sa dignidad ng paggawa dahil una ng isinulong ni Pope Leo XIV ang mga mananampalataya na isabuhay ang pananalaig sa pamamagitan ng kongkretong pagkilos para sa katarungan, pagkakapatiran, at kabutihang panlahat, lalo na para sa mga manggagawang higit na nangangailangan ng suporta.
