9,599 total views
Inaanyayahan ni Father Anton CT Pascual – Executive Director ng Caritas Manila ang mga Pilipino na makiisa sa mas pinaigting at pinalawak na Segunda Mana Program.
Sa pamamagitan ito ng pagbibigay ng in-kind donations na mga preloved item sa Segunda Mana Program ng mga donors na maaring ihulog sa Caritas Manila sa Pandacan Manila o maging bahagi ng mga pick-up sa tahahan ng donors higit na kung naninirahan sa Metro Manila.
Sa tulong ng mga ibabahaging preloved item ay mapapalawak ang Youth Servant Leadership and Education Program (YSLEP) na nagpapaaral sa mahigit-kumulang na limang libong mahihirap na estudyante.
“Mga Kapanalig, tayo po ay nag-aanyaya at tumatawag ng atensyon sa ating mga Kapanalig upang suportahan po natin ang Caritas Manila Segunda Mana Program, ito po ay isang programa na kung saan kumukolekta po tayo ng mga gamit niyo na hindi niyo na ginagamit tulad ng mga damit, sapatos, libro, pati sa ating mga kompanya na nakatambak lang sa ating mga bodega, pwede niyo pong i-donate yan sa Caritas Manila Segunda Donation in-kind program,” ayon sa panayam ng Radyo Veritas kay Fr.Pascual.
Sa tulong din ng mga designated parishes, segi boxes at partnered agencies ay maaring ihulog ang mga ibabahaging preloved item na kinokolenta ng mga trucks ng Caritas Manila.
Sa himpilan ng Radyo Veritas sa Paramount Building, West Avenue Corners Baranggay Philam Quezon City ay maari ring maghulog ng mga donasyong preloved item katulad ng damit, laruan, stuffed toys at iba pang mapapakinabang kagamitan o bagay upang maging bahagi ng Segunda Mana Program.
“Mayroong po tayong mga sasakyan na pwedeng mangolekta, pwede niyong dalhin sa ating mga simbahan at mga gamit na yan ay maari po nating itinda at ang pagtindahan ay sa pagtustos sa pag-aaral ng ating limang libong scholars sa Caritas Manila sa buong Pilipinas, salamat po sa inyong pagsuporta sa Caritas Manila Segunda Mana Donation in-kind program, pagpalain kayo ng Diyos, siksik liglig at umaapaw,” ayon pa sa panayam ng Radyo Veritas kay Fr.Pascual.
Pinopondohan din ng Segunda Mana Program ang Caritas Damayan Program na disaster response and humanitarian aid program ng Caritas Manila tuwing nakakaranas ng kalamidad ang magkakaibang bahagi ng Pilipinas.
