197 total views
Hinimok ni Antipolo Bishop Ruperto Santos ang mga mananampalataya na makibahagi sa nalalapit na Penitential Walk for Life 2026 sa Marso 20, 2026 sa Intramuros, Manila.
Sa kanyang mensahe, ipinaabot ng Obispo ang kanyang buong suporta sa nasabing gawain na pinangangasiwaan ng Sangguniang Laiko ng Pilipinas.
Ayon kay Bishop Santos, mahalaga ang pakikibahagi ng bawat isa sa layunin ng Penitential Walk for Life 2026 na pagtibayin ang pananalangin, pagsisisi, at paninindigan para sa kabanalan ng buhay lalo na ngayong ginugunita ng Simbahan ang panahon ng Kwaresma.
“I warmly express my support for the upcoming Penitential Walk for Life 2026 organized by the Sangguniang Laiko ng Pilipinas this March 20, 2026, from 3:00 PM to 8:30 PM in Intramuros, Manila. I invite everyone to take part in this meaningful gathering of faith—a walk that calls us to prayer, repentance, and renewed commitment to uphold the dignity and sanctity of every human life.” Bahagi ng pahayag ni Bishop Santos sa Radyo Veritas.
Binigyang-diin din ni Bishop Santos na sa gitna ng mga hamon sa lipunan kung saan nalilimutan ang kahalagahan ng buhay, mahalagang maging saksi ang mga Kristiyano sa pamamagitan ng pagkakaisa at pananampalataya.
“In a world that often forgets the value of life, may this penitential walk be our humble offering of witness, conversion, and solidarity,” Dagdag pa ni Bishop Santos.
Hinimok din ng Obispo ang bawat mananampalataya na isama ang kanilang pamilya, kaibigan, at komunidad sa nakatakdang Penitential Walk for Life 2026 upang sama-samang maipakita ang paninindigan para sa buhay.
“Let us come together as one people of God, entrusting our intentions to the Lord, and asking for His mercy and guidance. May this journey lead us closer to Him and inspire us to be courageous defenders of life in all its stages. I encourage you, dear faithful, to participate and to bring your families, friends, and communities. Together, let us walk in faith, hope, and love—for life.” Ayon pa kay Bishop Santos.
Sa ilalim ng pangkabuuang tema ng Penitential Walk for Life 2026 na “Walk for Life! Walk for Unity as One Nation!” ay umaasa ang Sangguniang Laiko ng Pilipinas na makiisa ang mga mananampalataya mula sa iba’t ibang diyosesis sa mariing paninindigan para sa pagsusulong ng dignidad at kasagraduhan ng buhay, laban sa anumang banta laban sa buhay ng tao at maging ng kalikasan.
