Hinimok ni Antipolo Bishop Ruperto Santos ang mamamayan na ituon ang buhay kay Hesus sa pagdiriwang ng Pasko ng Pagsilang.
Ayon sa obispo ang Christmas season ay hindi panahon para sa maluluhong materyal na bagay kundi ito ang panahong dapat magalak sa pagdating ng manunubos.
“This Christmas, avoid the rush and instead, focus on Christ. Skip the extravagance and instead, find simplicity. The true focus of Christmas should stem from the gratitude for what God had done in your life,” bahagi ng mensahe ni Bishop Santos.
Paalala ni Bishop Santos na hindi kailangan ang magarbong pagdiriwang subalit panatilihin ang payak na paggunita sa Pasko ng Pagsilang ni Hesus tulad ng kanyang pagdating sa mundo na isinilang sa payak na sabsaban.
Sinabi ng obispo na ipadama sa kapwa ang tunay na diwa ng pasko sa pamamagitan ng pagbabahaginan lalo’t higit sa nangangailangan gayundin ang buong kababaang loob na pag-aalay ng sarili sa Diyos.
“Christmas is more than the act of giving. The true essence of Christmas is to offer, to offer ourselves completely to God. Jesus exemplified selflessness. He humbled Himself to become human and offered His life for our sins,” ani ng obispo.
Ipinadama naman ng Radio Veritas ang diwa ng pasko sa mga kapuspalad.
Nagsagawa ng gift giving activity ang Radio Veritas sa humigit kumulang 300 benepisyaryong naninirahan sa paligid ng himpilan sa Quezon City sa pangunguna ni Fr Anton CT Pascual ang pangulo ng himpilan katuwang ang Caritas Manila.
TIniyak ni Fr. Pascual ang pagpapalawig ng mga programa ng simbahan sa pangunguna ng social arm ng Archdiocese of Manila upang higit na mapaglingkuran ang mga maralita sa pamayanan hindi lamang sa panahon ng pasko kundi maging sa panahong kinakailangan.
Michael Añonuevo
Wednesday, August 5, 2026 7:07 pm
1,518 total views
Nanawagan ang EcoWaste Coalition sa Office of the Ombudsman at Department of Environment and Natural Resources (DENR) na magsagawa ng pormal at masusing imbestigasyon sa mga iregularidad sa mga kontrata sa pangongolekta at pamamahala ng basura ng mga local government unit sa bansa.
Ayon sa grupo, mahalagang matukoy at maitama ang mga kahinaan sa solid waste management upang matiyak ang ganap na pagpapatupad ng Ecological Solid Waste Management Act o Republic Act 9003, sa halip na humantong sa mga panukalang magpapahina sa umiiral na batas o magbibigay-daan sa mga Waste-to-Energy (WtE) incineration project.
Iginiit ni EcoWaste Coalition National Coordinator Aileen Lucero na kinakailangang agarang tugunan ng Office of the Ombudsman at DENR ang mga alegasyon upang mapanagot ang sinumang lumabag at mapangalagaan ang pondo ng publiko.
“If there are irregularities in waste contracting, these must be exposed and corrected through due process. The focus should be on upholding accountability and supporting effective waste management, rather than letting governance gaps compromise the implementation of R.A. 9003,” pahayag ni Lucero.
Sinabi ng grupo na bagama’t maraming lokal na pamahalaan at mga katuwang na komunidad ang nagsisikap na maipatupad ang mga zero waste program, mahalaga pa ring magkaroon ng masusing pagsisiyasat upang matukoy ang mga hadlang sa epektibong pagpapatupad ng batas at mapawi ang anumang pagdududa sa paggamit ng pondo ng publiko.
Malugod ding tinanggap ng EcoWaste Coalition ang muling pagbuhay sa Environmental Ombudsman Program ngayong taon at hinimok ang Office of the Ombudsman na lubos itong gamitin upang palakasin ang pagpapatupad ng mga batas pangkalikasan.
“Now is the time to actively mobilize this specialized team to investigate compliance gaps, audit anomalous garbage disposal deals, and compel recalcitrant LGUs to adhere to R.A. 9003,” ayon sa grupo.
Binigyang-diin pa ng EcoWaste Coalition na sa halip na pahinain ang pagpapatupad ng Republic Act No. 9003, dapat paigtingin ng pamahalaan ang waste segregation sa pinagmumulan, palawakin ang pagtatayo ng Materials Recovery Facilities (MRFs), suportahan ang informal waste workers, at isulong ang circular economy bilang pangmatagalan at makakalikasang tugon sa lumalalang suliranin sa basura sa bansa.
Kaugnay nito, una nang binigyang-diin ni Pope Francis sa ensiklikal na Laudato Si’ ang mahalagang pananagutan ng mga pamahalaan na tiyaking naipatutupad ang mga batas na nangangalaga sa kalikasan at nagtatanggol sa kapakanan ng mga mahihirap at higit na naaapektuhan ng pagkasira ng kapaligiran.
Iginiit ni Lipa Archbishop Gilbert Garcera, pangulo ng Catholic Bishops’ Conference of the Philippines (CBCP), na may natatanging misyon ang mga pari sa gitna ng mga napapanahong hamon na kinakaharap ng bansa.
Sa kanyang pagninilay sa pagbubukas ng SOLTARE XVII Cup nitong August 4, kasabay ng paggunita kay San Juan Maria Vianney, patron ng mga pari, binigyang-diin ng arsobispo na hindi nagkataon ang pagkatawag ng Diyos sa mga pari upang maglingkod sa Pilipinas lalo na sa kasalukuyang kalagayan ng bansa na nahaharap sa mga mabibigat na usapin.
“Hindi rin aksidente na tayo ay mga pari sa Pilipinas sa panahong ito. Hindi aksidente na pinag-uusapan natin ngayon ang impeachment. Hindi aksidente na pinag-uusapan natin ang West Philippine Sea. Hindi aksidente na pinag-uusapan natin ang fake news at misinformation. At ngayon, may napakalaking hamon sa atin—ang artificial intelligence. May plano ang Diyos kung bakit tayo ay mga pari sa Pilipinas sa taong ito, sa panahong ito,” ayon kay Archbishop Garcera.
Ayon sa pangulo ng CBCP, hindi dapat ituon ng mga pari ang kanilang bokasyon sa pagtulad lamang sa mga banal, kundi sa pagtuklas sa natatanging misyon na ipinagkakatiwala ng Diyos sa bawat isa.
“Ang tanong ay hindi: ‘Katulad ba ako ni San Juan Maria Vianney?’ Ang tanong ay: ‘Ako ba ang paring nais ng Diyos sa panahong ito?’ Am I the priest God desires me to be for this particular moment in Philippine history?” ayon pa sa arsobispo.
Binigyang-diin din ni Archbishop Garcera na bawat pari at obispo ay pinagkakalooban ng Diyos ng mga natatanging misyong gagampanan sa pamayanan.
“Each priest, each bishop is a mission. Bawat pari at bawat obispo ay isang misyon ng Diyos. ‘Missio Dei.’ Misyon ng Diyos, hindi misyon natin. You are the mission of God,” aniya.
Nagbabala rin ang arsobispo laban sa panganib na malihis ang pagtuon ng ministeryo ng mga pari dahil sa mga gawaing administratibo, social media, o pulitika sa halip na kay Kristo.
“Kapag ang sentro ng ating buhay ay ang administration lamang ng parokya, lulubog tayo… Kapag ang sentro ng ating buhay ay social media lamang… lulubog tayo… Kapag ang sentro ng ating buhay ay politika lamang, lulubog tayo. Ngunit kapag si Kristo ang ating tinitingnan, kahit sa gitna ng unos, makalalakad tayo,” ani Archbishop Garcera.
Kinilala rin ng opisyal ang maraming “sugat” na nararanasan ng Simbahan at ng lipunan, kabilang ang pagkakahati-hati ng bansa, pagkawala ng tiwala sa pamahalaan, kahirapan, krisis sa kalusugang pangkaisipan, pagkasira ng mga pamilya, at paglayo ng ilan sa pananampalataya.
Gayunman, iginiit nitong nananatiling pag-asa ang mensahe ng Ebanghelyo.
“Hindi nagtatapos ang Diyos sa ating mga sugat. Nagsisimula Siya sa muling pagbangon. Ito ang puso ng synodality,” saad ng arsobispo.
Hinamon din ni Archbishop Garcera ang mga pari na maging mga tagapaghilom ng sugat ng lipunan sa halip na umasa lamang sa kakayahan sa teknolohiya o pamamahala.
“Hindi sapat na mahusay lamang tayo sa teknolohiya. Hindi sapat na mahusay tayo sa administration. Hindi sapat na mahusay tayo sa social media. Hindi sapat na mahusay tayo sa paggawa ng proyekto. Kailangan ng Simbahan ang paring marunong makiramdam, paring marunong makipaglakbay sa mahihirap, paring marunong maghilom ng sugat, at higit sa lahat, paring hindi nawawala ang kanyang paningin kay Kristo,” giit ni Archbishop Garcera.
Hinikayat ng CBCP president ang mga pari na huwag lamang gayahin ang mga banal kundi maging tapat sa natatanging misyong ipinagkaloob sa kanila ng Diyos tulad ng mga halimbawa na ipinamamalas ng mga banal ng simbahan.
Kasalukuyang nagtitipon ang mga obispo at pari mula sa Southern Luzon sa Diocese of Calapan, Oriental Mindoro, para sa taunang SOLTARE at paghahanda sa pagtatalaga ng unang obispo sa bagong diyosesis.
Reyn Letran - Ibañez
Wednesday, August 5, 2026 2:32 pm
4,290 total views
Inaanyayahan ng Diocesan Shrine of Nuestra Señora del Buen Suceso ang mga mananampalataya na makiisa sa pagdiriwang ng ika-401 anibersaryo ng enthronement ng Nuestra Señora del Buen Suceso, Patrona ng Lungsod at Diyosesis ng Parañaque, sa Agosto 10, 2026.
Sa panayam sa programang Barangay Simbayanan, sinabi ni Anton Maria Francesco Carabeo, committee member ng Ministry on Documentation and Archives ng dambana, na tampok sa pagdiriwang ang iba’t ibang gawaing espirituwal at pangkulturang magpapakita ng matatag na debosyon ng mga mananampalataya sa Mahal na Birhen.
“We would like to invite all of you for the solemnity and feast, and the 401st anniversary of the enthronement of the Patroness of the City and Diocese of Parañaque, Nuestra Señora del Buen Suceso. This will be this coming Monday, August 10, 2026,” Bahagi ng pahayag ni Carabeo.
Isasagawa ang mga banal na misa sa ganap na alas-6:00 ng umaga, alas-8:00 ng umaga, alas-10:00 ng umaga, alas-12:00 ng tanghali, at alas-6:00 ng gabi.
Bukod sa mga misa, magkakaroon din ng Rosario Cantada sa alas-2:00 ng hapon, isang tradisyunal na pagdarasal ng Santo Rosaryo na sinasabayan ng tugtugin ng brass band, na susundan ng maringal na prusisyon sa alas-4:00 ng hapon kasama ang mga kalahok sa Buen Suceso Dance Festival.
Ang Misa Mayor naman ay isasagawa ganap na alas-6:00 ng gabi na pangungunahan ni Manila Archbishop Jose Cardinal Advincula, habang isasagawa naman pagkatapos ng banal na misa ang preliminary round ng Buen Suceso Dance Festival.
Ayon kay Carabeo, bahagi pa rin ang pagdiriwang ng isang taong paggunita sa ika-400 taon ng debosyon sa Nuestra Señora del Buen Suceso na nagsimula noong nakaraang taon, kaya nananatili pa ring Jubilee Church ang dambana hanggang Setyembre 8, 2026.
“Hanggang September 8 na lang din po ang Jubilee Door. Lalo na po sa mga magagawi sa area namin, lalo na ang mga manggagaling sa airport dahil sobrang lapit lang po kami sa NAIA, we really invite those pilgrims to come over,” Dagdag pa ni Carabeo.
Hinikayat din ni Carabeo ang lahat ng mga deboto, pamilya, kabataan, maysakit, at mga migranteng manggagawa na dumalaw sa dambana at ipagkatiwala sa Mahal na Birhen ang kanilang mga panalangin.
“Lahat po ay aming inaanyayahan sa dambana ng Ina ng Mabuting Pangyayari. Kasi baka may mabuting pangyayari rin ang naghihintay sa inyo sa pagdalaw ninyo sa ating Ina at sa ating Panginoon,” Ayon pa kay Carabeo.
Itinuturing ang Nuestra Señora del Buen Suceso bilang isa sa pinakamatandang Marian devotions sa bansa at patuloy na nagsisilbing sagisag ng pag-asa, pagtitiwala, at paglapit sa Diyos para sa mga mananampalataya sa Parañaque at sa iba’t ibang panig ng Pilipinas.
19,920 total views Mga Kapanalig, karapatan ng bawat tao ang magkaroon ng disenteng tahanan. Para masabing disente, dapat itong sapat, ligtas, may seguridad, at nagbibigay-daan sa
54,825 total views Mga Kapanalig, mabuti pa si Japanese Ambassador to the Philippines na si Endo Kazuya, maraming pagpipiliang bahay dito sa Pilipinas. Sa isang privilege
238,902 total views Kapanalig, sa anumang hakbang., planong gagawin., polisiyang ipapatupad.,mga pangakong binitiwan, o mga usapin na sadyang iniiwasan. Lagi itong may kulang. Hindi ibig sabihin,
262,589 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
4,252 total views Iginiit ni Lipa Archbishop Gilbert Garcera, pangulo ng Catholic Bishops’ Conference of the Philippines (CBCP), na may natatanging misyon ang mga pari sa
1,434 total views Nanawagan si Kalookan Bishop Cardinal Pablo Virgilio David sa mga mag-aaral, guro, at mga institusyong pang-edukasyon na bigyang-tuon ang “spiritual intelligence” bilang gabay
1,531 total views Nanawagan si Pope Leo XIV sa mga mananampalataya na maging mga daan ng pagkakasundo at pagbubuklod sa harap ng lumalalim na pagkakahati-hati at
4,069 total views Ibinahagi ni Taytay Bishop Broderick Pabillo ang paglulunsad ng bikaryato ng malawakang paghuhubog sa mga mananampalataya upang maging “Mabubuting Katiwala” bilang pangunahing pastoral
