22,638 total reads
Nanawagan si Kalookan Bishop Cardinal Pablo Virgilio David sa mga mag-aaral, guro, at mga institusyong pang-edukasyon na bigyang-tuon ang “spiritual intelligence” bilang gabay sa paggamit ng makabagong teknolohiya at sa wastong pagtukoy sa katotohanan sa gitna ng mabilis na pag-unlad ng artificial intelligence (AI).
Sa kanyang pagninilay sa Misa de Apertura sa Santísimo Rosario Parish para sa pagbubukas ng taong akademiko ng University of Santo Tomas, sinabi ng kardinal na bagama’t mahalaga ang talino at teknolohiya, higit na kinakailangan ang karunungang nagmumula sa Diyos.
Aniya, hindi lamang ito kakayahang mag-isip kundi makita at maunawaan ang katotohanan sa pananaw ng Diyos.
“Today, I would like to suggest that there is one form of intelligence that should guide all other forms, and I call it spiritual intelligence. For me, spiritual intelligence is simply the ability to see reality as God sees it,” ayon kay Cardinal David.
Binigyang-diin ng kardinal na sa panahon ng social media, maling impormasyon at mabilisang paghuhusga, higit na kinakailangan ang pagiging mapanuri.
“Don’t judge by appearances. Don’t decide by hearsay. Be discerning,” giit ni Cardinal David.
Ayon kay Cardinal David, ito rin ang dapat maging pangunahing layunin ng isang pamantasan na hubugin ang kakayahan ng taong kumilatis sa katotohanan at hindi lamang mag-ipon ng impormasyon.
“A university should teach not merely how to think, but how to discern; not merely how to gather information, but how to recognize truth and distinguish truth from falsehood,” dagdag ng kardinal.
Tinalakay din ng cardinal ang lumalawak na impluwensya ng artificial intelligence sa iba’t ibang larangan, ngunit iginiit na hindi sapat ang teknolohiya kung walang matibay na batayang moral at espirituwal.
“Technology answers the question, ‘What can we do?’ But only moral and spiritual intelligence can answer the more important questions: ‘Should we do it?’ ‘Will it serve the common good?’ ‘Will it respect and uphold human dignity?'” ayon pa sa kardinal.
Babala ni Cardinal David sa mga mananampalataya ang kawalang-sapat na karunungan sa gitna ng mabilis na pag-usbong ng teknolohiya.
“The greatest danger today is not that machines are becoming intelligent. The greater danger is that human beings become highly intelligent but no longer wise,” giit ni Cardinal David.
Iginiit ni Cardinal David na ang tunay na sukatan ng katalinuhan ay hindi nakabatay sa marka sa paaralan, akademikong tagumpay o maging sa kakayahan ng artificial intelligence, kundi sa karunungang ipinagkakaloob ng Espiritu Santo.
“The highest form of intelligence is not measured by grades, publications, rankings, or even by artificial intelligence. The highest form of intelligence is the wisdom that comes from the Holy Spirit.”
Hinimok ng kardinal ang mga Thomasians na pagsikapang linangin ang kanilang mga talento at gamitin nang wasto ang teknolohiya, kasabay ng patuloy na paghubog sa kakayahang makilala ang katotohanan, ang kabutihan at ang tunay na mapalad sa paningin ng Diyos.
Hinikayat ni Cardinal David ang pamayanang akademiko na simulan ang bagong academic year sa panalangin, hindi lamang para sa katalinuhan kundi para sa tunay na karunungan at wastong pag-unawa.
Kasunod ng Misa de Apertura ay nagbigay naman ng Discurso de Apertura si Professor Emeritus Alfredo Co, PhD habang malugod na tinanggap ng komunidad ng UST ang 12,554 na mga bagong estudyante sa Grade 7, 11, at sa unang taon ng kolehiyo.
