7,937 total views
Paghahari ng katotohanan, dasal ni Bishop Santos sa paggunita ng World communication Sunday
Isinusulong ni Antipolo Bishop Ruperto Santos ang paghahari ng katotohanan gamit ang komunikasyon at higit na pagkilala ng mundo sa mga pastol, mananampalataya at bumubuo ng simbahan na ginagamit ang teknolohiya upang mapalaganap ang mabuting balita ng Panginoon.
Ito ang mensahe ng Obispo sa pagdiriwang ngayong linggo, May 17 ng Ascension Sunday ng Panginoon Hesukristo at World Communication Sunday.
Ayon sa Obispo sa pamamagitan ng paggamit ng simbahan ng teknolohiya ay higit na naisasabuhay ang mensahe ng Panginoong Hesukristo bago ang kaniyang pag-akyat sa langit na palaganapin ang balita ng Diyos sa sangnilikha.
“In our time, this “world” includes the vast digital continent where people search for meaning, connection, and truth. As a Bishop, I see with gratitude how many of you: lay faithful, clergy, religious, and especially our young people, are already present in this space with creativity, courage, and compassion. You are modern witnesses, carrying the Gospel not only in your hands but in your hearts,” ayon sa mensaheng pinadala ni Bishop Santos sa Radyo Veritas.
Gayundin ang inaasahang paggamit ng katotohanan ayon sa Obispo sa panahon ngayon kung saan madaling manipulahin ang anumang balita o impormasyon upang magamit ito sa hindi tamang mga bagay.
Ayon kay Bishop Santos na mahalagang manaig ang pagiging tapat, malinaw at nakaugat sa Ebanghelyo sa bawat mensahe at komunikasyon higit na sa gitna ng paglaganap ng misinformation o fake news sa maraming digital platforms.
Hinimok din ng Obispo ang mamamayan na gamitin ang komunikasyon bilang tulay ng kapayapaan, pag-asa at pagkakaisa sa halip na pagmulan ng galit, takot at pagkakahati-hati sa lipunan.
“As Jesus ascends to the Father, He entrusts His mission to us. He believes in us. He sends us. And He promises: “I am with you always.” May our communication, online and offline, become a bridge of encounter, a channel of peace, and a pathway that leads others to God. Through the intercession of Our Lady of Peace and Good Voyage, may our voices, our
platforms, and our lives proclaim only one message: Christ is with us, Christ is for us, and Christ sends us forth,” bahagi pa ng mensaheng pinadala ni Bishop Santos sa Radyo Veritas.
Kaugnay nito, nanalangin si Bishop Santos sa pamamagitan ng ng Our Lady of Peace and Good Voyage na magsilbing daan ang komunikasyon upang higit na mailapit ang bawat mamamayan sa Panginoon at maipalaganap ang katotohanan, awa at pagmamahal ni Kristo sa mundo.
