10,825 total reads
Naglabas ng pahayag ang Diocesan Social Action Network ng mga kasaping arkidiyosesis at diyosesis ng People’s Power Movement at Bayanihan Alay sa Kapwa ng Caritas Philippines bilang pakikiisa sa panawagan ni Catholic Bishops’ Conference of the Philippines (CBCP) President, Lipa Archbishop Gilbert Garcera, kaugnay ng kasalukuyang sitwasyong pampulitika sa bansa.
Sa inilabas na pahayag ng grupo ngayong Mayo 17, 2026 na Ascension Sunday o ika-pitong Linggo ng Pasko ng Pagkabuhay, ay inihayag ng grupo ang planong pagpapakilos sa kani-kanilang mga pamayanan at pakikipagtulungan sa lahat anuman ang relihiyon o denominasyon, upang magsagawa ng mga aktibidad na magpapakita ng suporta sa pagsusulong ng katotohanan, pananagutan, at paggalang sa rule of law.
“We will mobilize our respective communities and invite all Filipinos, regardless of faith denomination or church affiliation, to organize activities that will manifest our support… There are suggested activities, prayers, paraliturgical guides, etc…” Bahagi ng pahayag ng grupo.
Binigyang-diin din ng grupo na lalong naging mahalaga ang mapayapang pag-oorganisa at pagiging mapagbantay sa mga demokratikong institusyon kasunod ng mga nagdaang pangyayari sa Senado.
Ayon sa pahayag, dumaraan ang bansa sa iba’t ibang hamon at krisis tulad ng flood control corruption scandal, ICC drug war trial, pagsusulong ng anti-political dynasty bill, at epekto ng tensyon sa Gitnang Silangan sa ekonomiya ng bansa kaya naman naaangkop lamang higit kailanman na magkaisa ang bawat Pilipino.
Kaugnay nito, ipinaalala ng grupo ang payo ng yumaong si Pope Francis na upang makatawid sa krisis ay kinakailangan ng lahat na maging bukas at may alam sa mga nagaganap sa lipunan at matutong pumili at magdesisyon ng tama at mabuti para sa kabutihang panglahat.
“The events in the Senate in the past days make it more important that we peacefully organize as a nationwide network and be vigilant in safeguarding our democratic institutions and upholding the rule of law. We have been going through many challenges and crises the past years – the flood control corruption scandal, the ICC drug war trial, the lobbying for a good anti-dynasty bill, and the economic hardships brought about by the Middle East conflict – and we remember the counsel of our late beloved Holy Father, Pope Francis: “. . . to come out better from a crisis, we must see clearly, choose well, and act right.” Dagdag pa ng grupo.
Nanawagan din ang social action network sa mamamayan na labanan ang pagkakahati-hati, panlilinlang, galit, at kawalang-pakialam, at sa halip ay pairalin ang katotohanan, konsensya, at pagmamahal sa Diyos at sa bayan.
“In these difficult times, may we resist division, deception, hatred, and indifference. May we become a people formed by truth, guided by conscience, and united in love of God and country.” Ayon pa sa grupo.
Pinangunahan ni San Carlos Bishop Gerardo Alminaza, chairman ng Catholic Bishops’ Conference of the Philippines – Episcopal Commission on Social Action, Justice and Peace, at siya ring Pangulo ng Caritas Philippines ang paglagda sa pahayag kasama ang mga Obispo at mga Social Action Directors ng iba’t ibang diyosesis at arkidiyosesis sa buong bansa
