Pagpapatibay ng pag-asa at pagkakapatiran ng Muslim at Kristiyano, misyon ng Prelatura ng Marawi

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 9,119 total reads

Pinagtibay ni Marawi Bishop Edwin dela Peña ang patuloy na misyon ng Simbahan sa pagtataguyod ng kapayapaan, pagkakasundo, at pakikipagkapwa sa mga Muslim kasabay ng patuloy na pagbangon ng Prelatura ng Marawi mula sa pinsalang idinulot ng Marawi Siege.

Ito ang binigyang-diin ng obispo sa kanyang homiliya sa banal na misa sa St. Michael Parish sa Tangub City, Misamis Occidental sa pagtatapos ng unang araw ng retreat ng mga obispo ng Catholic Bishops’ Conference of the Philippines.

Ibinahagi ni Bishop dela Peña, ang patuloy na pagbangon ng lokal na simbahan sa Marawi sa tulong at pakikiisa ng mga obispo at mananampalataya mula sa iba’t ibang diyosesis sa bansa.
“That is exactly what we are doing in the Prelature of Marawi. We are rebuilding after the Marawi Siege. We are trying to rebuild our prelature, and many bishops are helping us in this mission,” ayon kay Bishop Dela Peña.

Sinabi ng obispo na higit pa sa pagpapatayo ng mga gusali ang layunin ng Simbahan, kundi ang higit na pagpapatibay ng pag-asa at pagkakapatiran sa pagitan ng mga Kristiyano at mga Muslim sa lugar.

“All of you are helping us get back on our feet. You are helping us proclaim a strong message of hope and a strong message of faith so that, when the time comes, we may truly bear witness that our mission in the Prelature of Marawi is to build friendship and extend the hand of reconciliation and brotherhood to our Muslim brothers and sisters,” giit pa ng obispo.

Binigyang-diin ni Bishop dela Peña na limang dekada nang isinusulong ng prelatura ang diyalogo at mapayapang ugnayan sa komunidad ng mga Muslim.

Ibinahagi rin ng obispo na nananatiling matatag ang ugnayan ng mga Kristiyano at Muslim sa kabila ng mga pagsubok na kinaharap ng lungsod, kabilang ang Marawi Siege noong 2017.

“Despite the many setbacks we have experienced through the years, we have remained committed to working together… Together, we have said, ‘We will go back together. Hand in hand, we will return to reclaim our place at the heart of Marawi, the seat of the prelature,” ayon pa sa obispo.

Aniya, iisa lamang ang hangarin ng mga mamamayan sa lugar, ang muling makabalik at maibalik ang sentro ng buhay-panampalataya sa Marawi.

Iginiit ni Bishop dela Peña na nananatiling malinaw ang misyon ng Simbahan na isulong ang kapayapaan at pagkakasundo.

“We must continue reaching out to our Muslim brothers and sisters. There is no other way,” giit ng obispo.

Binalikan din ng obispo ang panawagan ni Saint Paul VI, na naging inspirasyon sa pagkakatatag ng Prelatura ng Marawi, na: “You Christians must be the first to offer reconciliation to your Muslim brothers and sisters.”

Samantala pinasalamatan ng obispo ang mga arkidiyosesis, at iba pang ecclesiastical territories sa bansa na sumuporta sa inisyatibong “Caravan for Peace and Solidarity: Padayon Prelatura sa Marawi” kung saan nagkaroon ng pilgrimage ang patrona ng prelature, ang Mary Help of Christians na sinira ng mga bandido noong 2017.

Katuwang ng prelatura sa inisyatibo ang Aid to the Church in Need Philippines na may layuning makalikom ng suporta sa patuloy na pagpapatayo ng pro-cathedral at sa pangkabuuang pagbangon ng prelatura.

Ipinagdiriwang ngayong taon ng Prelatura ng Marawi ang ika-50 anibersaryo ng pagkakatatag nito, habang ipinagpapatuloy ang rehabilitasyon ng mga pasilidad ng Simbahan, kabilang ang pagtatayo ng pro-cathedral na Santo Tomas de Villanueva Parish sa Balo-i, Lanao del Norte na inaasahang maitatalaga sa Nobyembre.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

THE LOST LESSONS

 98,321 total reads

 98,321 total reads Kapanalig, A Nation That Fails to Educate Its Children Risks Its Future Madalas sinasabi, ang edukasyon ang pundasyon ng kinabukasan ng isang bansa.

Read More »

NAKAHANDA BA TAYO WHEN NATURE STRIKES

 148,685 total reads

 148,685 total reads Kapanalig, ang climate change ay hindi na isang banta. Ito ay kumakatok na sa ating mga pintuan, binabaha ang ating tahanan, sinisira ang

Read More »

Special treatment?

 277,386 total reads

 277,386 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 362,772 total reads

 362,772 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 421,284 total reads

 421,284 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

Watch Live

RELATED ARTICLES

Scroll to Top