4,472 total reads
Patuloy ang pagsusumikap ng Conference of Major Superiors in the Philippines (CMSP) para sa programa nitong “CMSP CARES,” na isang community pantry na naglalayong makatulong sa mga jeepney at tricycle drivers na patuloy na humaharap sa hamon ng kabuhayan.
Ayon sa CMSP, bahagi ang programa ng patuloy nitong misyon na samahan at suportahan ang mga komunidad sa pamamagitan ng kongkretong pagkakawang-gawa, lalo na ang mga manggagawang araw-araw na humaharap sa matinding hamon sa paghahanapbuhay.
Pagbabahagi pa ng CMSP, ang inisyatiba ay tugon sa patuloy na pagsusumikap ng mga drayber na magsilbi sa kanilang komunidad sa kabila ng pagtaas ng gastusin at iba pang suliranin sa sektor ng transportasyon.
“The outreach program forms part of the Conference’s continuing commitment to accompany communities through concrete acts of charity and solidarity, especially those whose livelihoods are marked by daily economic challenges.” Bahagi ng pahayag ng CMSP.
Nagpasalamat ang CMSP sa lahat ng nakiisa at tumulong sa matagumpay na pagsasagawa ng community pantry, na anila’y pagpapakita ng sama-samang misyon ng mga relihiyoso na ipadama ang habag at pagmamahal ni Kristo sa kapwa.
Nagpahayag din ng pasasalamat ang samahan sa Most Holy Trinity Parish sa pangunguna ng kanilang pamunuan sa pagtanggap at pakikipagtulungan upang maisakatuparan ang outreach activity para sa mga tsuper sa komunidad.
“CMSP expressed its sincere gratitude to everyone who contributed to the success of the initiative, emphasizing that the community pantry reflects the shared mission of consecrated persons to bring Christ’s compassion to those in need. The Conference also acknowledged the Most Holy Trinity Parish for hosting the activity and for its partnership in making the outreach accessible to the local community.” Dagdag pa ng CMSP.
Noong Hulyo 10, 2026 pinagkalooban ng Conference of Major Superiors in the Philippines (CMSP) sa pamamagitan ng CMSP Cares Community Pantry ng mga food packs at pangunahing pangangailangan ang mahigit 300 tsuper ng jeepney at traysikel na isinagawa sa Most Holy Trinity Parish sa Balic-Balic, Sampaloc, Maynila.
Naging posible ang pamamahagi ng ayuda sa tulong ng mga donor, iba’t ibang religious congregations, mission partners, at mga volunteer na patuloy na nakikiisa sa mga gawaing paglilingkod ng Simbahan para sa mga higit na nangangailangan.
Sa pamamagitan ng CMSP Cares, patuloy na isinusulong ng CMSP ang kultura ng pagkakawanggawa, pagkakaisa, at pag-asa bilang kongkretong pagsasabuhay ng Ebanghelyo sa paglilingkod sa mga mahihirap at higit na nangangailangan.
“Through CMSP Cares, the Conference of Major Superiors in the Philippines continues to strengthen its mission of responding to the needs of vulnerable sectors while fostering a culture of generosity, solidarity, and hope rooted in the Gospel.” Ayon pa sa CMSP.
Nanawagan din ang CMSP sa mamamayan na patuloy na magkaisa sa pagtulong sa mga nangangailangan bilang konkretong pagpapahayag ng malasakit at pananampalataya.
