210,452 total views
Kapanalig, bakit katakam-takam ang Pork barrel funds? Bakit nababaliw ang mga mambabatas sa pork barrel?
Noong 2013, idineklara ng Korte Suprema na unconstitutional ang Priority Development Assistance Fund (PDAF) na kilala bilang pork barrel funds. Natuklasan ng Philippine Center for Investigative Journalism o PCIJ ang katulad na mekanismo na naisingit na naman sa national budget.
Ang bagong tawag sa pork barrel funds ay “allocable funds”. Ang bagong “allocable system” ay medyo naiba ang istraktura., dahil ang kabuuang halaga para sa bawat distrito ay ginawang fixed ng DPWH gamit ang sinasabing “BBM Parametric formula” na naka-itimize direkta sa National Expenditure Program at pinal na General Appropriations Act o GAA.
Nakakabilib talaga ang ating mga mambabatas, parehong eskima, iniba lang ang pangalan. Sa pag-aaral ng PCIJ., 11-incumbent at dating kongresista ng Cebu ay nabigyan ng 55.77 bilyong piso na discretionary DPWH funds mula taong 2023 hanggang 2025.
Ang 55.77-bilyong pisong DPWH discretionary funds ay bahagi lamang ng 1.2-trilyong pisong na napunta naman sa iba’t-ibang district Representatives sa bansa.
Ang pinaka-malaking recipient ay si Cebu 1st District Representative Rhea Mae Gullas sa halagang 8.33-bilyong piso.
Isinapubliko din ng PCIJ ang kanilang PORK BARREL KING AND QUEEN 2025…nanguna sa listahan ng may pinakamalaking natanggap na”allocables” ay si Ilocos Norte 1st District Representative Sandro Marcos na may P15.8 B.
Pangalawa si Leyte 1st District Representative Martin Romualdez na may P14.4 B. Ang pangatlo ay si Taguig Pateros 1st District Representative Ricardo Cruz Jr. na may P10.6 B. Kasama din sa listahan sina Apayao Lone District Representative Eleanor Begtang, former Bukidnon 3rd District Representative Jose Maria Zubiri Jr., Zamboanga del Norte 3rd District Representative Adrian Michael Amatong, former Nueva Viscaya Lone District Representative Luisa Lloren Cuaresma, former Davao City 2nd District Representative Vincent J. Garcia, Agusan del Sur 2nd District Representative Adolph Edward Plaza, at Abra Lone District Representative Menchie Bernos.
Kasama kaya ang mga kongresistang ito sa maanomalyang flood control projects ng pamahalaan? Ito ba ang dahilan ng kawalan ng kredibilidad ng Independent Commission on Infrastructure o ICI?
Kapanalig, bilang mga Pilipino, karapatan natin na malaman kung sino-sino pa ang mga kongresistang ganid sa pera ng bayan. Dapat silang managot, dapat silang maparusahan!
Tungkulin ng pamahalaang Marcos na ilantad ang katotohanan sa mamamayang Pilipino ng walang kinakampihan at kinikilingan. Sa ganitong paraan lang, manunumbalik ang tiwala ng mga Pilipino sa mga namumuno sa ating bansa.
Ika nga ng JOHN 31-32 “He said to the Jews who had believed Him, “If you continue in My word, you are truly My disciples. Then you will know the truth, and the truth will set you free.”
Sumainyo ang Katotohanan.
