1,141 total reads
Inaanyayahan ng Caritas Manila at Viva Live Incorporated ang bawat mamamayan na makiisa sa isasagawang online fund-raising concert na pinamagatang “PADAYON: Pag-ibig, Damayan sa Pag-ahon!”.
Ito ay may layuning makalikom ng 25-milyong piso na gaganapin sa March 25 2022.
Ang lahat ng malilikom at kikitain ng Online Event ay ilalaan bilang pondo sa muling pagpapatayo ng mga Simbahang nagiba at nasira sa mahigit sampung mga Arkidiyosesis, Diyosesis at Bikaryato ng dahil sa pananalasa ng Bagyong Odette noong Disyembre 2021.
Tampok sa pagtatanghal si “Filipino Pop Superstar Sarah Geronimo-Guidicelli” at iba pang mga kilalang Personalidad sa pagkanta, pagsayaw at larangan ng pelikula na mula sa Viva Live Incorporated.
Ibinahagi ni Rev.Fr.Anton CT Pascual – Caritas Manila Executive Director at Radio Veritas 846 President ang kagalakan sa kauna-unahang online concert na ilulunsad ng Social Arm ng Arcdiocese of Manila sa pakikipatulungan sa Viva Entertainment Incorporated.
“We come together in solidarity as we lift up ourselves moving forward, Padayon is an online concert with the generousity of the Viva Community, we would like to thank Vic Del Rosario and Viva Artists who Generously Offered their time, talent, treasure in order to realize this online concert our first alson on Caritas Manila,” Ayon kay Father Pascual sa isinagawang online press conference ng Padayon Concert.
Lubos na kagalakan rin ang ipinabatid ni Viva Live Incorporated Vice-President Jocel Adorable sa isasagawang online concert upang makatulong sa mga nasalanta ng Bagyong Odette.
“It is an honor for Viva Group to be part of the benefit concert. This Padayon Concert is one way of sharing the love and greatfulness of this company to God and our nation and off course Visayas and Mindanao affected by this Typhoon Odette,” ayon sa pahayag ni Adorable sa press conference.
Sa Online PressCon din ay nagpahayag ng pasasalamat at kagalakan Sina Cebu Archbishop Jose Palma, Tagbilaran Bishop Alberto Uy, Dumaguete Emergency Program Leader Rev.Fr.Hendrix ALar at Maasin Social Action Director Rev.Fr.Harlem Gozo dahil sa pagdaraos ng Fund Raising Concert at mga naunang pagtulong ng Caritas manila sa kanilang mga nasalantang Arkidiyosesis at Diyosesis ng nagdaang Bagyo.
Para sa mga nais dumalo at magpaabot ng kanilang donasyon sa isasagawang online concert ay maaring bisitihan ang official website ng Caritas Manila sa: Caritas Manila | Donate at website ng KTX.PH sa link na: PADAYON: ONLINE CONCERT FOR TYPHOON ODETTE
