280,691 total reads
Kapanalig, laganap sa ating bayan.. sa ating mga Pilipino, lalu na sa mga lider ng bansa ang ‘culture of superiority’, maging sa loob ng simbahang katolika. Ito ang nagiging balakid sa pag-unlad ng bayan., pagkakaisa ng mamamayan.
Kapag naluklok na sa kapangyarihan, akala mo siya na ang hari., siya na ang masusunod., wala silang pakialam sa kapwa at mahalaga sa kanya ang sariling interes at interes ng pamilya at kaibigan.
Kapag entitled ang isang tao tulad ni Vice President Sara Duterte, huwag kang umasang igagalang at uunahin niya ang karapatan at interes ng iba. Kahit ikalawa pa lamang sa pinakamataas na poder ang okupado nito, umaasta na itong Reyna. Kahit lantaran na ang mga katibayan ng pagiging bayolente.., pandarambong sa pera ng taumbayan, taas-noo pa rin, umaasta pa ring walang kasalanan.
Para siyang lead actress sa isang pelikula, tele-novela at soap-opera., pinaglalaruan niya sa kanyang palad tayong mga Pilipino. Ang masakit, ginagawa niya tayong mangmang.
Dahil entitled, tumugon siya sa warrant of arrest na inisyu ng Quezon City Regional Trial Court at personal na pumunta sa korte upang magpiyansa sa kasong 3-counts of grave threats laban kay Pangulong Ferdinand Marcos Jr.,asawang si Liza at dating House Speaker Martin Romualdez.
Pero ipinakita ni VP Sara sa madla ang kanyang totoong kulay, hindi sumusunod sa alituntunin at protocol. Ipinipilit niyang bigyan siya ng special treatment.. OO nga naman, bise-presidente siya ng Pilipinas.
Ethical duty….. ayaw niyang dumaan sa hagdanan papuntang korte, dahil natatakot., hindi siya ligtas, wala din siyang tiwala sa kanyang 302 security detail, puwede daw daw siyang itulak at patayin sa hagdanan. Ayaw din niyang dumaan sa elevator, takot siyang makasama ang kanyang police escorts.
Kapanalig, ito ba ang klase ng bise-presidente na ating iniluklok sa puwesto, sa sarili lang may tiwala?Wala siyang tiwala sa mga pulis, wala siyang tiwala sa korte.
Ang solusyon ni VP Sara sa sariling problema ay inanyayahan niya ang mga mamamahayag na samahan siyang umakyat ng hagdan para matiyak daw ang kanyang kaligtasan. Ang motibo lang pala niya ay magkaroon ng media mileage?
Sa kabila ng pagiging bise-presidente at pagiging abogado., ethical duty ni VP Sara na i-uphold ang integridad at dignidad ng legal system ng bansa sa halip na ipairal ang kanyang sense of entitlement! Ang drama ni Inday Sara sa QC-RTC ay pagpapakita na wala siyang paggalang sa posisyong kanyang kinaluklukan at sa taumbayan na dapat niyang pagsilbihan. Ang lugmok nang justice system at batas ng bansa ay nilalapastangan lamang ng bise-presidente na ang lahat ng rules at institutional restraints ay para lamang sa kanya. God save the Philippines, kapag na-acquit ito sa kinakaharap na impeachment trial for violation of public trust at paglabag sa graft and corrupt practices act. Lalu na kapag ibinoto pa itong president.
Harinawa Kapanalig, makarating sa kinauukulan ang payo ni Luis Antonio Cardinal Tagle, Pro-Prefect for the Dicastery for Evangelization sa mga nag-aastang hari o reyna “Drop ‘holier than thou’ attitude”.
Sinasabi naman ng Philippians 2:3–4 “tells believers not to act from selfish ambition or empty pride. Instead, we are called to value others and care about their interests as well as our own.”
Sumainyo ang Katotohanan.
