2,040 total reads
Tiniyak ng Catholic Bishops’ Conference of the Philippines (CBCP) ang pagpapaigting ng mga hakbang upang labanan ang human trafficking.
Ito ay sa pamamagitan ng paglulunsad ng CBCP- Cluster Against Human Trafficking (CCAHT) ng kauna-unahang National Day of Prayer and Awareness against Human Trafficking (NDPAHT) na idinaos sa Shrine of Mary Queen Of Peace Our Lady of EDSA na mas kilala bilang EDSA Shrine.
Ayon kay CBCP Vice-president Mylo Hubert Vergara, hudyat ang paggunita ng N-D-P-A-0-H-T ang higit na pakikiisa ng simbahan at pagsasagawa ng mga hakbang na tutulungan ang mga biktima ng human trafficking.
“Hindi lang ito advocacy for prayer, it’s advocacy to do concrete actions against this vicous crime and sabi nga po sa sana marami pang mahikayat both individually and collectively para maharap natin itong mga problemang ito kasi ang naapektuhan hindi lang ang mga kababayan natin, kungdi pati abroad ngayon kasi isang matinding issue ay yung Online Sexual Exploitation, isang dapat harapin po natin yan kaya sana nga po magtulong-tulong ang public and private sector to really be active advocates of this endeavor against human trafficking,” bahagi ng panayam ng Radio Veritas kay Bishop Mylo.
Ayon naman kay Father Roger Manalo – Executive Secretary ng CBCP-Episcopal Commission on Migrants and Itinerant People, sa tulong din ng pakikipagtulungan sa pamahalaan ay mas mapapalapit ang simbahan sa mga biktima ng human trafficking.
Ito ay sa pamamagitan ng pakikipagtulungan sa Department of Justice (DOJ) upang agad na matukoy at matulungan ang mga biktima.
Kasabay ito ng layunin ng Pari na paglulunsad ng mga educational program sa mga OFW upang magkaroon ng sapat na kaalaman hinggil sa mga bansang kanilang pagtatrabahuhan at maiwasan ang pagkakataon ng mga pang-aabuso.
Mensahe naman ni Father Jerome Secillano – Rector ng EDSA Shrine at Executive Secretary ng CBCP – Episcopal Commission on Public Affairs na bukas upang magsilbing simbolo ng pag-asa at pagbangon mula sa anumang hamon sa buhay ang EDSA Shrine higit na para nakakatanggap ng pang- aabuso at human trafficking.
Ang pagsisimula ng taunang paggunita ng NDPAHT ay matapos italaga ang unang araw ng Linggo sa buwan ng Pebrero bilang araw ng pananalangin kasabay ng pag-aalala sa nakaranas ng modern-day slavery sa Pilipinas at maging sa buong mundo.
