7,834 total reads
Umapela ng pananagutan sa pamahalaan ang Clergy and Citizens for Good Governance (CCGG) sa mga posibilidad ng malawakang korapsyon ng mga nakaupong lider ng Pilipinas.
Ito ang pangunahing apela ng CCGG at mga kasaping organasisyan sa January 31 sa idadaos na concert rally na “boses” ng Pilipino, Konsiyerto ng Bayan!’.
Ayon kay Running Priest Father Robert Reyes ng CCGG, ipapanawagan sa pagkilos kay Pangulong Ferdinand Marcos Jr na pananagutin si Vice-president Sara Duterte sa mga hindi masagot na pinaggastusan ng pondo ng bayan at Pangulong Rodrigo Duterte sa madugong War on Drugs.
“1986 nagkaroon ng pagbabago at binubura na nga po ito, kaya this coming February wala pong selebrasyon kaya hindi tayo papayag, kaya siguro dapat lang talaga ito yung ating pagtitipon, kasi hindi dapat burahin yung kasaysayan, hindi dapat ipagwalang bahala ang kasamaan, ang EDSA became a Shrine because Cardinal Sin Would not want us to forget the evils of Martial Law, the evils of dictatorship,” ayon sa panayam ng Radio Veritas kay Fr.Reyes.
Ilan sa mga apela ng CCGG ang pagsunod sa General Appropriations Act para sa 2025 National Budget, isulong sa kongreso ang Anti-Political Dynasty Law, full transparency o katotohanan sa paggastos ng kaban ng bayan, pagbuwag sa confidential funds at imbestigasyon sa mga benepisyaryo ng Ayuda sa Kapos ang Kita o AKAP Program.
Kasama din sa mga apela ang impeachment ni Sara Duterte at pagtatanggal sa posisyon sa mga mapapatunayang tiwaling opisyal, ipakilala ang dalawang benepisyaryo na nakatanggang ng 125-million pesos na confidential fund mula sa Office of the Vice President, kooperasyon sa International Criminal Court at paghahain ni Pangulong Marcos ng kaso laban sa mga krimen na nagawa ng mga Duterte sa bayan.
“Nanawagan po tayo sa bayan na makiisa at pananagutin ang ating pamahalaan dahil kaugnay sa mga korapsyon at krimen na nagaganapa sa ating kapaligiran at bilang mga Pilipino, Interes natin na itaguyod at magkaisa tayo na mag-demand ng accountability sa ating pamahalaan ” ayon sa mensahe ni Former Department of Finance Undersecretary at University of the Philippines College of Economics Associate Proffesor Cielo Magno.
Magsisimula ang Concert Rally sa January 31 simula alas-dos ng hapong hanggang alas-otso ng gabi kung saan aabot sa 20-personalidad ang maguusap na sasamahan ng ibat-ibang pagtatanghal mula sa mga dadalong artist.
