8,763 total views
Ang Edsa People Power noong 1986 ay isang patunay na nasa kamay ng taumbayan ang tunay na kapangyarihan.
Ito ang binigyan diin ni Fr. Joel Saballa, deputy Executive Director ng Caritas Novaliches at Parish Administrator ng Our Lady of Anunciation Parish ng Diocese of Novaliches, kaugnay na rin sa ika-39 na anibersaryo ng Edsa People Power Revolution.
Ayon sa Pari, ipinapaala ng makasaysayang “bloodless revolution” na nasa taumbayan ang kapangyarihan upang manindingan para sa katarungang panlipunan upang malabanan o maiwaksi ang kasinungalinan na dahilan ng paglala ng pang-aapi at paniniil sa lipunan.
“Ang EDSA People Power ngayon ay paalala na nasa kamay natin ang tunay na kapangyarihan—hindi sa iilan, kundi sa taong bayan, Ito ay hindi lang bahagi ng kasaysayan, kundi isang hamon sa kasalukuyan: Tumindig, lumaban sa kasinungalingan, at ipaglaban ang tama upang hindi na maulit ang nakaraan,” ayon sa mensahe ni Fr. Saballa.
Paalala ng pari na sa pamamagitan ng taunang pagdiriwang ng People Power Revolution ay inaalala ang sakripisyo ng mga nakibaka noong 1986 upang mapalaya ang Pilipinas mula sa diktaturyang Marcos.
Umaasa si Fr. Saballa na maipagpatuloy ang kapayapaan sa lipunan upang maisulong ang katarungan at manatili ang kalayaan tinamatamasa ng mga Pilipino.
“Today, we remember the extraordinary courage of the Filipino people during the EDSA People Power Revolution — a moment in history where faith, unity, and solidarity triumphed, As we commemorate this historic day, let us renew our commitment to building a nation rooted in peace and justice. May its lessons continue to guide us towards a brighter future, working together to uphold democracy, justice, and the common good, Mabuhay and diwa ng EDSA!,” ayon pa sa mensahe ni Fr. Saballa.
