3,446 total views
Hinimok ni Running Priest Father Robert Reyes ang mga Pilipino na patuloy na isabuhay ang pagkalinga sa mga mahihirap na naging sentro ng mga adbokasiya sa pamumuno ni Pope Francis sa simbahang katolika.
Ginawa ng pari ang panawagan sa misang inialay bilang pasasalamat kay Pope Francis at sa Conclave ngayong araw sa Chapel ng Ina ng Laging Saklolo, Sitio Militar Project 08 Quezon City.
Ayon sa Pari, ang misa na sinundad ng prusisyon sa urban poor community ay layuning iparating na kasama ng mga pinakamahihirap sa lipunan ang simbahan sa anumang pagkakataon, suliranin at lakbayin sa buhay.
“Yung prusisyon ay para maabot yung mga maliliit na hindi alam kung ano yung nangyayari kasi fiesta ngayon dito sa Sitio Militar kaya si Father Patrick ipaliliwanag yun, itong mga darating na araw, ipagdasal natin ang Conclave kasi parang napakalayo ng mga tao doon sa conclave, ito ba ay may impact sa atin? may impact! kasi kung ano klaseng simbahan magiging ang Pilipinas ay depende sa Papa,” ayon sa mensahe sa Radyo Veritas ni Fr.Reyes.
Ibinagi din ng Pari ang kaniyang panananlangin na nawa ay maging kawangis o sundan ang mga nasimulan ng yumaong Kaniyang Kabanalang Francisco.
Kabilang dito ang pakikiisa sa mga mahihirap ni Pope Francis sa paglulunsad ng sinodo para buksan ang simbahan sa lahat.
“And sana yung susunod na papa ipagpatuloy yan, kasi baka ang mangyari nanaman from the synodal to the dogmatic, to the authoritarian, ito nanaman tayo parang sirang plaka na paulit-ulit, I think his synodal approach is going back to the basics of what the church needs, the church is yung image na Jesus walking with the two disciples side-by-side, yun ang simbahan, yung pari ay hindi nauuna, yung pari ay kasabay na naglalakad, nakikinig at naiintindihan niya yung mga dapat kasama niya sa paglalakbay,” ayon pa sa mensahe ni Fr.Reyes sa panayam ng Radyo Veritas.
Dahil sa panawagan ni Pope Francis na lumikha ng bagong sistema ng ekonomiya na mayroong pangangalaga sa mga mahihirap at kalikasan ay nasimulan sa Italya na ngayon ay laganap halos sa buong mundo ang Economy of Francesco Foundation.
Kalipunan ang EOF Foundation ng mga dalubhasa, ekonomista at kabataan mula sa 100-bansa.
