13,450 total views
Muling napabilang ang isang Pilipino sa mga itinalaga ng Kanyang Kabanalan Leon XIV sa Dicastery for the Institutes of Consecrated Life and the Societies of Apostolic Life.
Kasabay ng Dakilang Kapistahan ni San Juan Bautista nagtalaga ang santo papa ng mga relihiyoso sa naturang tanggapan ng Vatican kung saan isa sa naitalaga si Bro. Armin Luistro na kasalukuyang superior general ng Brothers of the Christian Schools o De La Salle Brothers.
Si Luistro ang kauna-unahang Asyanong nahalal bilang superior general ng kongregasyon na pangunahing gawain ay maghubog ng mga kabataan sa pamamagitan ng kanilang mga eskwelahan tulad ng De La Salle University.
Matatandaang noong 2010 ay itinalaga si Luistro bilang kalihim ng Department of Education sa ilalim ng administrasyon ni dating Pangulong Benigno Aquino III kung saan isa sa mga isinulong na programa ang K to 12 Program.
Ilan pa sa mga itinalaga ni Pope Leo sa tanggapan sina Dicastery for Divine Worship and the Discipline of the Sacraments Cardinal Arthur Roche; Morocco Archbishop Cardinal Cristóbal López Romero, S.D.B; Cardinal Giorgio Marengo, I.M.C., prefect apostolic of Ulaanbaatar, Mongolia; Cardinal Pierbattista Pizzaballa, O.F.M., Patriarch of Jerusalem of the Latins, Israel; Cardinal Jaime Spengler, O.F.M., archbishop of Porto Alegre, Brazil; Archbishop Jude Thaddaeus Ruwa’ichi, O.F.M. Cap., ng Dar-es-Salaam, Tanzania; Archbishop Jerzy Maculewicz, O.F.M. Conv., apostolic administrator ng Uzbekistan; Bishop Julio César Salcedo Aquino, M.J., ng Tlaxcala, Mexico; Bishop Thulani Victor Mbuyisa, C.M.M., ng Kokstad, South Africa; Bishop Tesfaye Tadesse Gebresilasie, M.C.C.J., auxiliary ng archeparchy of Addis Ababa, Ethiopia; Reverend Fathers Stanley Lubungo, superior general of the Missionaries of Africa (White Fathers) and Miguel Márquez Calle, prepositor general of the Descalced Carmelites; the Reverend Father Donato Ogliari, O.S.B., abbot of the Monastery of Saint Paul Outside-the-Walls in Rome, Italy; the Reverend Mothers Chiara Cazzuola, superior general of the Daughters of Mary Help of Christians, Salesians of Don Bosco; Françoise Petit, superior general of the Daughters of Charity of Saint Vincent De Paul; Maria Goretti Lee, superior general of the Hospitaller Sisters of Saint Paul; Idilia Maria Moreira Gonçalves Carneiro, superior general of the Hospitaller Sisters of the Sacred Heart of Jesus; and the distinguished Ms. Luisa Muston, president general of the Secular Institute of the Missionaries of the Sick “Christ the Hope”.
Bukod kay Luistro dati ring nanilbihan sa nasabing tanggapan sa Vatican si Cubao Bishop Elias Ayuban Jr. nonog 2012 hanggang 2019 na kasapi ng Claretian Missionaries in the Philippines.
