60,806 total views
Makikibahagi ang Catholic Educational Association of the Philippines (CEAP) sa malawakang pagkilos upang ipakita ang paninindigan laban sa katiwaliang patuloy na nagaganap sa pamahalaan.
Tinaguruian ang pagkilos na ‘A Trillion Peso March’ na nakatakda sa ika-21 ng Setyembre, 2025 ganap na alas-dos ng hapon sa EDSA People Power Monument kung inaanyayahan ang lahat na magsuot na putting damit upang ipakita ng paghahangad ng katotohanan at pananagutan ng mga Pilipino kaugnay sa trilyong pisong halaga ng kaban na bayan na nauwi sa katiwalian.
Bilang pambansang samahan ng mga Katolikong paaralan sa bansa ay nananawagan rin ang CEAP sa mga guro at mga tagapagturo na higit pang paigtingin ang paggaby sa mga kabataan upang magkaroon ng pagpapahalaga sa integridad upang magabayan ang mga kabataan na maging lider sa hinaharap na mayroong malinis na budhi at dalisay na pagmamahal at pagnanais na maglingkod ng tapat sa Diyos at sa bayan.
“Sa ating mga guro at edukador, paigtingin natin ang ating mga paaralan bilang balwarte ng mga pagpapahalaga at integridad. Mangako tayo na bubuo ng mga etikal, mapagnilay, at mapaghinuhang mga lider ng ating bansa, na may malinis na budhi, na hinubog at maalam, nagsasabuhay ng pagmamahal at paglilingkod sa Diyos at bayan.” Bahagi ng pahayag ng CEAP.
Mariin ding nanawagan ang CEAP sa mga kabataan na bumangon bilang isang henerasyon na may integridad, masigasig, at walang takot na gumamit ng makabagong paraan upang ipapanawagan ang pananagutan at katarungan mula sa pagnanakaw ng mga tiwaliang indibidwal at mga opisyal ng pamahalaan sa kaban ng bayan.
Kabilang panawagan ng CEAP sa mga kabataan ang pagbabantay sa mga proyekto ng pamahalaan, paglalantad ng mga anomalya sa social media, at pakikiisa sa mga gawaing makabubuti sa kapakanan ng komunidad.
“Sa kabataan, hinahamon naming kayong bilang isang henerasyong may integridad; masigasig, malikhain, at walang takot na gumamit ng dihital at iba pang kasanayan upang humiling ng pananagutan at katarungan.” Dagdag pa ng CEAP.
Dismayado rin ang Catholic Educational Association of the Philippines (CEAP) sa mga ulat ng Transparency International at World Bank na kabilang ang Pilipinas sa pinakakorap o tiwaling bansa sa Association of Southeast Asian Nations (ASEAN).
Batay sa datos ng World Bank, Asian Development Bank, at International Monetary Fund noong 2024, tinatayang ₱2 trilyon kada taon ang nawawala sa pamahalaan dahil sa katiwalian patuloy na nagaganap sa Pilipinas.
