37,277 total views
Itinalaga ni Pangulong Ferdinand Marcos sina dating DPWH Sec. Rogelio Singson at Rossana Fajardo bilang kasapi ng Independent Commission on Infrastructure sa bisa ng Executive Order no. 94.
Ang mga kasapi ng ICI ay inanunsyo sa Malacañang ni Presidential Communication Office Undersecretary Claire Castro.
“To lead this task, the President has appointed individuals of proven competence, integrity, and deep familiarity with infrastructure, finance, and institutionalized or rather institutional reform,” ayon kay Castro.
Si Singson, ay naging dating kalihim ng DPWH ay may dekada ng karanasan sa pagpaplano at pagpapatupad ng malalaking proyektong pang-imprastruktura ng pamahalaan.
Habang si Fajardo ay isang Certified Public Accountant, at kasalukuyang Country Managing Partner ng SGB and Company. Siya ay may mahigit tatlong dekadang karanasan sa auditing, internal controls, at risk management, lalo na sa pagtukoy ng mga kahinaan sa mga sistemang pinansyal at mga proseso ng operasyon.
Magsisilbi naman Baguio City Mayor Benjamin Magalong bilang special advisor at investigator ng ICI.
“As the President has repeatedly stated, no one will be confined here, even relatives, friends, or allies. There will be no secret cows. The commission will begin its work immediately,” ayon pa kay Castro.
Inaasahang sa mga susunod na araw ay itatalaga ng Pangulo ang tatayong Chairman ng independent body para sa isasagawang imbestigasyon kaugnay sa mga anomalya sa flood control at infrastructure projects sa loob ng nakalipas na 10-taon, kabilang na ang mga proyekto sa nakalipas na administrasyong Duterte.
