6,654 total reads
Nanawagan ng panalangin at pagkakaisa ang St. William Parish matapos ang insidente ng pagpatiwakal ng isang binatilyo sa loob ng simbahan noong umaga ng September 24.
Sa opisyal na pahayag, sinabi ni Fr. Moises Tacardon, kura paroko ng parokya na ang pangyayari ay paalala sa lahat ng kahalagahan ng malasakit at pakikinig, lalo na sa mga taong may dinadalang suliranin.
“Isa ini ka daku nga pagpanawagan para sa aton tanan nga talupangdon naton ang balatyagon sang tagsa-tagsa, ilabi na gid ang indi pirmi makapa-utwas sang ila mga balatyagon,” ayon sa pahayag ng Parokya. [Isa itong malaking panawagan para sa ating lahat na pahalagahan ang damdamin ng bawat isa, lalo yaong mga hindi palaging nakapaglalahad ng kanilang nararamdaman.]
Hinimok ng parokya ang publiko na umiwas sa panghuhusga at sa halip ay ipanalangin ang kaluluwa ng biktima.
“Kon nga-a natabo ini sa simbahan, luyag kita magpati nga may sense of God sa iya bisan pa sa kabug-aton sang iya ginadala.”[Kung nangyari ito sa loob ng simbahan, nais nating paniwalaan na nanatili pa rin ang kanyang sense of God sa kabila ng bigat ng kanyang dinadala.]
Nagpaabot ng pakikiramay ang parokya sa pamilya ng biktima at tiniyak ang mga panalangin para sa kanilang paghilom.
Umaasa ang pamayanan na magsilbing aral ang insidente upang higit na mapansin ang mga taong may pinagdaraanan.
“Kabay pa nga magbukas ini sang aton panan-awan sa pagbatyag kag pagtalupangod sa mga kauturan naton nga may kabudlayan sa ila personal nga kabuhi,” dagdag ng pahayag.[Nawa’y magbukas ito ng ating isipan at damdamin upang higit na mapansin at maunawaan ang ating mga kapatid na may pinagdaraanan sa kanilang personal na buhay.]
Pansamantalang isasara ang simbahan para sa Act of Reparation at paghahanda sa Reconsecration.
Magsasagawa ng misa sa Jubilee Hall habang sarado ang simbahan; at kanselado rin ang mga misa sa mga kapilya.
September 25 (4:00 PM) – Holy Hour at Confession, susundan ng misa (5:15 PM).
September 26 – Day of Penance, Fasting, and Abstinence: Holy Hour at Confession (4:00 PM), misa (5:15 PM), Via Crucis (6:00 PM).
September 27 (5:00 AM) – Dawn Rosary Procession at misa (5:30 AM).
