38,580 total views
Nangangailangan ng tulong ang mga mamamayang ng Apostolic Vicariate of Taytay Palawan matapos ang pananalasa ng bagyong Tino.
Inihayag ni Bishop Pabillo na malaking pinsala ang iniwan ng bagyong Tino sa Palawan kung saan mayorya sa mga simbahan ay nagsisilbing evacuation centers ng mga residenteng apektado.
“Talagang tinamaan kami sa Northern Palawan ng Bagyong Tino, diyan dumaan sa amin, buti nalang nakahanda talaga yung mga tao kaya na-evacuate na sila kaya wala pakong naririnig na mga calamities na mga taong namatay doon po sa amin sa Northern Palawan,” ayon sa panayam ng Radyo Veritas kay Bishop Pabillo.
Sinabi ng Obispo na nakipag-ugnayan na sila sa Caritas Manila habang patuloy na tinutugunan ng kanilang Social Action Center ang pangangailangan ng mga apektadong mamamayan.
Kabilang sa mga ito ang pagbibigay ng pagkain at cash assistance sa mga Palaweño na naninirahan sa mga islang nakapaligid sa Palawan na lubhang nasalanta ng Bagyong Tino.
‘Yung mga pangangailangan, sa ngayon lalung-lalu na yung mga nasiraan ng bahay at siyempre yung kanilang mga pagkain, so siyempre yan ang mga kailangan pero siyempre hindi namin agad yan- lalung-lalu na yung mga nasa isla, na mabigyan ng pagkain kaya kung maabot namin sila magpapadala kami ng G-cash, magpapadala kami sa kanila para makabili sila ng pagkain,” bahagi pa ng panayam ng Radyo Veritas kay Bishop Pabillo.
