467 total views
Hinimok ni Parañaque Bishop Jesse Mercado ang mga tagapakinig ng Radyo Veritas at ang lahat ng layko sa Diocese of Parañaque na makiisa sa gaganaping Penitential Walk for Life 2026.
Ayon sa Obispo, mahalaga ang pakikibahagi ng mananampalataya sa gawaing espiritwal na pinangungunahan ng Sangguniang Laiko ng Pilipinas na implementing arm ng Catholic Bishops’ Conference of the Philippines – Episcopal Commission on the Laity sa ika-20 ng Marso 2026, mula alas-3 ng hapon hanggang alas-8:30 ng gabi sa Intramuros, Manila.
“I strongly encourage the listeners of Radio Veritas and all the lay people in the Diocese of Parañaque to participate in the Penitential Walk for Life 2026 led by Sangguniang Laiko ng Pilipinas this March 20, 2026 from 3pm to 8:30pm,” Bahagi ng pahayag ni Bishop Mercado sa Radyo Veritas.
Binigyang-diin din ni Bishop Mercado na ang nakatakdang Penitential Walk for Life 2026 ay maituturing na isang biyaya at makabuluhang paghahanda para sa paggunita ng Semana Santa.
“This is an excellent grace filled spiritual exercise that prepares us for a meaningful Holy Week. See you there and God bless,” Dagdag pa ni Bishop Mercado.
Kaugnay nito umaasa ang Obispo sa pakikiisa ng mga mananampalataya sa nakatakdang gawain bilang bahagi ng sama-samang paglalakbay ng Simbahan tungo sa mas malalim na pananampalataya at pagsisisi ngayong panahon ng Kuwaresma.
Ang Penitential Walk for Life ay taunang gawain na pinangangasiwaan ng Sangguniang Laiko ng Pilipinas na naglalayong palalimin ang pananalangin at pagsisisi ng mga mananampalataya bilang paghahanda sa paggunita ng pagpapakasakit, pagkamatay, at muling pagkabuhay ni Hesukristo.
