4,735 total reads
Pinaigting ng Department of Labor and Employment ang pakikipagtulungan sa iba’t-ibang sektor upang tuluyang wakasan ang forced labor at child labor sa bansa.
Pinangunahan ng D-O-L-E ang National Strategic Planning Workshop para sa roadmap ng Pilipinas bilang ‘Alliance 8.7 Pathfinder Country’.
Isinagawa ang workshop na nilahukan ng mga ahensya ng pamahalaan, workers, employers, survivors, civil society organizations at development partners upang bumuo ng mga hakbang laban sa forced at child labor.
Iginiit ni DOLE Assistant Secretary Loreto Acharon na mahalaga ang whole-of-government society approach upang maisulong ang quality, decent work at pagtataguyod ng social justice at labor rights.
““This roadmap is far more than a planning document. It reflects our shared responsibility and collective commitment to actions, bringing together government agencies, civil society, and key stakeholders. This exemplifies the very convergence and collaboration that the administration of President Ferdinand Marcos Jr. envisions, anchored on the whole-of-government and whole-of-society approach,”pahayag ni Acharon sa Radyo Veritas.
Naniniwala ang D-O-L-E na makatutulong ang pagiging Alliance 8.7 Pathfinder Country upang matuto ang Pilipinas mula sa best practices ng ibang bansa at maibahagi ang mga hakbang na isinagawa nito upang mapababa ang bilang ng mga batang nasasangkot sa child labor.
Itinuturo ni Pope Leo XIII sa kaniyang encyclical na Rerum Novarum na pangalagaan ang mga bata laban sa paggawa na hindi angkop sa kanilang edad at pisikal na kalagayan.
Itinuturing naman ni Pope Francis na ang child labor ay paglabag sa dignidad ng tao at nangangailangan ng pagtutulungan ng pamahalaan, negosyo, civil society at iba pang sektor upang tuluyang wakasan.
