1,738 total reads
Kapanalig, nahaharap sa kasalukuyan sa samu’t-saring suliranin ang ating bayan. Hindi pa tapos ang problema sa matinding epekto ng oil crisis, tumaas na inflation na nagpapabagal sa takbo ng ekonomiya, nagpapataas sa halaga ng mga pangunahing bilihin, mababang pasahod, tumitinding banta ng El Nino phenomenon, kawalan ng trabaho, epekto ng patuloy na pagbagsak ng halaga ng Piso., at matindi, ang hindi masawatang katiwalian at korapsyon sa alinmang sangay ng pamahalaan.
Dahil sa kabiguan ng administrasyon ni Pangulong Ferdinand Marcos Jr. na tugunan ang oil price shocks, 30-percent ng mga mahihirap na pamilyang Pilipino ang pumapasan sa epekto ng 9.7-porsiyentong inflation rate na naitala noong nakaraang February 2026.
Kinastigo ng IBON foundation ang administrasyong Marcos sa hindi paggamit ng national emergency powers sa ilalim ng Executive Order No. 110 upang tugunan ang oil price shocks gayundin ang kapangyarihan na kontrolin ang halaga ng mga pangunahing bilihin sa ilalim ng Section 8 ng Price Act o RA 7581.
Tinatayang 21.4-milyong mahihirap na Pilipino at lower-middle class na pamilya o 96-milyong Pilipino ang matinding tinamaan ng epekto ng patuloy na pagtaas sa presyo ng langis. Ang sagot ng administrasyon., one-time assistance sa ilalim ng Unified Package for Livelihoods,Industry,Food and Transport o UPLIFT na nagkakahalaga lamang 1,500-pesos hanggang 5,000-piso sa kabuuang 2.7-milyong benepisaryo. Isa itong malabnaw na tugon sa problema?
Walang sariling pananagutan… Mismong ang PBBM ang nagbunyag ng talamak sa sariling pamamahala, nagsimula ito sa multi-bilyong pisong flood control projects scam na umabot sa pagkakabunyag kung paano inililihis ang badyet tungo sa pangungurakot at pork barrel na mismong pinirmahan ng pangulo. Hindi pa nahuhuli at pinapanagot ang sinasabing pangunahing operator na sina Zaldy Co at dating house speaker Martin Romualdez. Sa 200 na kongresistang nakakuha ng pondo sa flood control projects ay tatlo lamang ang nakasuhan., sa mga Senador, dalawa lamang ang nakasuhan at nakulong. Isa lamang sa gabinete ng pangulo ang nakulong sa sistematikong katiwalian. Anong nangyari Kapanalig? Bakit?
Ang nangyayari, walang pagsisisi, walang pagwawastong ginawa at wala ding paliwanag. Tahimik ang administrasyong Marcos kung paano idineklarang unconstitutional ng Korte Suprema ang 2024, 2025 at 2026 national budget na punong-puno ng pondo para sa korapsyon, pork barrel at paghahanda para sa eleksyong 2028?
Dahil walang pananagutan, walang pagsisisi, walang napaparusahan… tuloy ang walang kabusugan sa pera ng taumbayan ang Kongreso. Nabunyag na mahigit sa isang (1) trilyong piso ang ginawang budget insertions ng Mababang Kapulungan ng Kongreso sa panukalang 2.7-trilyong pisong national budget para sa taong 2027. Ang nakakagalit Kapanalig, kahit idineklara ng Korte Suprema na unconstitutional na itaas ang pondo sa orihinal na kahilingan ng Office of the President sa para sa 2027., ipinagtanggol pa ng tanggapan ng pangulo ang bloated na 2027 national budget. Anong klaseng lider ng bansa ang pangulong Marcos Jr.?
Kapanalig, ang hindi maikubling krisis at problema ng bansa.., ay ang liderato! Ang problema natin., ang lider na umiiwas sa pananagutan.
Kapanalig, iginigiit ng Matthew 20:25-28, “Jesus instructs His disciples that whoever wants to become great must be a servant”.
Kailan kaya maisasabuhay ng ating mga lider ang sinasabi ng Mark 10:43-45– “Not so with you. Instead, whoever wants to become great among you must be your servant, and whoever wants to be first must be slave of all. For even the Son of Man did not come to be served, but to serve, and to give his life as a ransom for many.”
Sumainyo ang Katotohanan.
