35,640 total reads
Pinangunahan ni Palo Archbishop John Du ang pagbabasbas sa mass grave sa bakuran ng Palo Cathedral bilang paggunita sa ika-13 anibersaryo ng pananalasa ng Super Typhoon Yolanda at pagdiriwang ng Kapistahan ng Our Lady of Hope of Palo ngayong Nobyembre 8, 2026.
Sa paggunita sa trahedya, muling ipinanalangin ng Arkidiyosesis ng Palo ang mga nasawi at hinimok ang mga mananampalataya na patuloy na alalahanin ang mga aral mula sa mapaminsalang kalamidad.
Labintatlong taon na ang nakalilipas nang manalasa ang Yolanda sa Leyte, Samar at mga karatig-pulo, na nag-iwan ng malawakang pagkawasak at matinding pagdadalamhati sa mga mamamayan, partikular sa mga Waray.
“Today the 13th Yolanda Anniversary we remember that tragic event of our history and we continue to pray for all our beloved dead and also learn from such experience. Palo Archbishop John Du blessing of the mass grave at the Cathedral grounds of the Archdiocese of Palo on the Feast of Our Lady of Hope of Palo and 13th Year Yolanda Anniversary 2026.” Bahagi ng gawain ng Arkidiyosesis ng Palo.
Inihayag ng Arkidiyosesis na nananatiling sariwa sa alaala ng marami ang mga tanawin ng pagkawasak at mga bangkay na nagkalat matapos ang pananalasa ng bagyo, kahit lumipas na ang maraming taon.
Hinimok din ng Arkidiyosesis ng Palo ang mga mananampalataya na patuloy na humingi ng tulong at patnubay sa Panginoon sa pamamagitan ng panalangin at pamamagitan ng Mahal na Birheng Maria, ang Our Lady of Hope of Palo, na nagdadala kay Hesus, ang bukal ng pag-asa.
“As we reminisce about the catastrophic impact of Super Typhoon Yolanda, let us continuously ask for the intervention of our Lord through the intercession of His Beloved Mother, Our Lady of Hope of Palo, the bearer of Hope, Jesus, and pray for the eternal repose of our brothers and sisters who lost their lives during the onset of the typhoon.” Dagdag pa ng Arkidiyosesis ng Palo.
Kasabay nito, ipinagdasal din ng Ardiyosesis ang walang hanggang kapahingahan ng mga kapatid na nasawi sa pananalasa ng bagyo at ang patuloy na paghilom ng mga pamilyang nawalan ng mahal sa buhay.
Sa paggunita sa Yolanda, ipinapaalala ng Simbahan na ang pag-alala sa mga yumao ay dapat samahan ng panalangin, pagkakaisa at kahandaang matuto mula sa mga nakaraang sakuna kung saan sa pamamagitan ng pananampalataya at pagtutulungan, nananatiling buhay ang pag-asa sa gitna ng pagdadalamhati at pagsubok.
