Dapat naging mahinahon ang pamahalaan sa paglalabas ng mga pahayag sa pagbisita ni UN Special Rapporteur Agnes Callamard sa bansa.
Ayon kay Veritas 846 Senior Political Advisor Prof. Ramon Casiple – Executive Director of Institute for Political and Electoral Reform, hindi dapat na nagpadalos dalos ang administrasyon sa paglalabas ng mga statement dahil nagmukhang ‘defensive’ ang pamahalaan sa mga alegasyon ng paglabag sa karapatang pantao ng kampanya laban sa illegal na droga.
Ikinatwiran ni Casiple na karaniwan ng naiimbitahan ang iba’t-ibang international experts upang magbahagi ng kanilang kaalaman tulad ng dinaluhang academic event ni Callamard sa University of the Philippines.
“I would say na naging napaka-defensive nila, kasi hindi naman special rapporteur ang frame ni Callamard sa pagpunta, wala naman siyang balak mag-imbestiga pinaghinalaan agad from the start”.pahayag ni Prof. Casiple sa panayam sa Radio Veritas.
Sinabi ni Casiple na dapat mas nagpahayag ang administrasyon ng kahandaan na makipagtalakayan at makipagtulungan kay Callamard upang hindi na lumaki pa ang usapin at magdulot ng interpretasyon na may nagaganap na paglabag sa karapatang pantao sa war on drugs.
Naunang nagpahayag ng pagkilala at kahandaang makinig ang Philippine National Police sa maaring maitulong o rekomendasyon ni Callamarad upang masolusyunan ang problema ng bansa sa illegal na droga kung saan nasa 4-na-milyon ang mga drug pushers at users.
Reyn Letran - Ibañez
Tuesday, July 28, 2026 2:01 pm
61 total views
Binigyang-diin ni Atty. Domingo Cayosa, dating National President ng Integrated Bar of the Philippines (IBP), na mahalagang magkaroon ng malinaw na sukatan, target, at takdang panahon ang mga pangakong inilalatag ng Pangulo sa State of the Nation Address (SONA) upang tunay na masukat ng taumbayan ang naging pagganap ng administrasyon.
Sa panayam sa espesyal na programang “Pag-uulat sa Bayan: State of the Nation Address 2026” ng Radyo Veritas, sinabi ni Atty. Cayosa na naging epektibo ang pagbubukas at pagtatapos ng talumpati ni Pangulong Ferdinand Marcos Jr., lalo na sa matapang nitong pagtalakay sa katiwalian at sa panawagan para sa pagkakaisa at pagtatanggol sa bansa. “Maganda yung kanyang simula… mukhang ang address na ito ay para sa mamamayang Pilipino. Maganda yung simula niya kasi korapsyon yung pinakamainit kaya kaagad tinumbok niya. At yung kanyang ending, sino ba naman ang aayaw sa unity at ipagtanggol ang ating Inang Bayan,” Bahagi ng pahayag ni Cayosa.
Gayunman, sinabi ng abogado na bagama’t naging detalyado ang paglalahad ng Pangulo sa mga programa at plano ng pamahalaan, higit naman itong nakatuon sa mga pangako kaysa sa malinaw na pagtataya sa kasalukuyang kalagayan ng bansa at sa naging resulta ng mga naunang ipinangako ng administrasyon.
Ayon kay Atty. Cayosa, ang SONA ay hindi lamang dapat maging talaan ng mga proyektong isasagawa kundi isang ulat sa mamamayan kung gaano na kalayo ang narating ng pamahalaan sa pagtugon sa mga suliranin ng bansa.
Pagbabahagi nito, mas nakatuon ang talumpati sa mga pangako at paglalahad ng mga programa kaysa sa malinaw na pagsusuri sa tunay na kalagayan ng bansa at sa naging resulta ng mga naunang ipinangako ng administrasyon na siyang tunay na diwa at layunin ng SONA na nasasaad sa Saligang Batas.
“Ang purpose kasi ng SONA sa ating Saligang Batas kaya required iyan, kasi dapat una sasabihin mo ang state of the nation, ano na yung nagawa mo. Mukhang hindi siya masyadong pumunta doon sa state of the nation… nag-concentrate siya sa mga pangako at mga kuwento, hindi na niya sinukat ang sarili niya for the past five years o kahit noong nakaraang taon,” Paliwanag ni Atty. Cayosa.
Binigyang-diin pa nito na bagama’t mahalaga ang mga ipinangakong reporma, dapat ay may malinaw na performance indicators ang mga ito upang magkaroon ng batayan ang publiko sa pagsusuri sa susunod na SONA.
“Yung pangako, mas madali ‘yun kasi you can promise everything. Okay din naman, very specific ang kanyang binanggit. Kaya lang, kung kuwento, kulang ng kwenta. Ano yung kwenta? Ano ba yung target mo? Specifically, next year kapag magsasalita ka uli, saan ka ba namin susukatin diyan sa mga pangako mo? You have to have numbers,” Ani Atty. Cayosa.
Dagdag pa ng dating pinuno ng IBP, mahalaga ring tukuyin ng pamahalaan ang time frame ng mga programa dahil ang ilan sa mga ito ay hindi na maaaring maisakatuparan sa nalalabing dalawang taon ng kasalukuyang administrasyon.
“Plano kasi ito, pangako, plano. Ano yung time frame mo? Yung iba nga na pinapangako niya hindi magagawa in the next two years. Magandang pakinggan pero kailan ba ‘yan mangyayari? Sa tingin ko doon siya nagkulang—maraming detalye ng kuwento pero kulang ng detalye sa kwenta,” Ayon pa kay Atty. Cayosa.
Paalala ng Simbahang Katolika, ang mabuting pamamahala ay hindi lamang nasusukat sa dami ng mga pangako kundi sa tapat na pananagutan at konkretong pagtupad sa mga ito, kung saan inaasahan ng taumbayan ang pamumuno nang may katapatan, transparency, at pananagutan upang matiyak na ang bawat ipinapangakong programa ay tunay na nagsisilbi sa kabutihang panlahat, lalo na sa mga higit na nangangailangan sa lipunan.
Iginiit ng isang eksperto sa pamamahala at rural development na mahalagang mailatag ng pamahalaan ang isang malinaw na pangmatagalang estratehiya upang matugunan ang ugat ng mga pangunahing suliraning kinakaharap ng bansa, sa halip na maglatag lamang ng mga panandaliang solusyon.
Sa panayam sa espesyal na programang “Pag-uulat sa Bayan: State of the Nation Address 2026” ng Radyo Veritas, sinabi ni Dr. Christopher Mantillas, Associate Professor ng Institute for Governance and Rural Development (IGRD) ng College of Public Affairs and Development (CPAF), ng University of the Philippines Los Baños (UPLB), na inaasahan niyang maipapakita sa SONA ang pangmatagalang strategic plan ng administrasyon upang maging malinaw ang mga prayoridad at direksyon ng pamahalaan.
“Ang inaasahan sana namin yung parang sabihin nalang natin na ‘ipresent mo nga yung long-term strategic plan mo’ kasi ang thinking naming is that, nandun ang root cause at nandun din yung pagbabatay kung gaano kalaking resources ang ibibigay dun tapos unti-unti maso-solve yung mga problema within those issues, kaya ang tingin ko baka ang naging approach niya is to site ano yung nararamdaman ng mga Pilipino which is political ang dating.” Bahagi ng pahayag ni Mantillas.
Ayon kay Mantillas, bagama’t tumutugon ang Pangulo sa mga isyung nararamdaman ng publiko, mas mahalagang matukoy at masolusyunan ang mga ugat ng mga problemang ito upang maging pangmatagalan ang mga solusyon at reporma.
“Dapat hindi lang sinasabi ang mga issue kundi ano ba ang tutugunan natin na pinagmumulan ng lahat ng mga problemang ito. Kung hindi, babalik at babalik din ang parehong mga suliranin at hindi magiging sustainable ang mga ipinapangako sa bawat SONA,” Ayon kay Mantillas.
Binanggit din ng propesor na bagama’t natalakay ang usapin ng Disaster Risk Reduction and Management (DRRM), kapansin-pansin ang kakulangan ng pagtalakay sa pangangalaga sa kalikasan, na aniya’y isa sa mga pangunahing sanhi ng maraming suliraning kinakaharap ng bansa, kabilang ang mga problemang may kaugnayan sa pagkain at enerhiya.
Paalala ng Simbahang Katolika, ang tunay na pag-unlad ay hindi lamang nakabatay sa agarang pagtugon sa mga suliranin kundi sa pagsusulong ng mga polisiyang nakaugat sa katotohanan, pananagutan, at pangangalaga sa sangnilikha.
Sa ilalin ng Catholic Social Teaching itinuturo na ang mabuting pamamahala ay dapat nakatuon sa pangmatagalang kabutihang panlahat upang matiyak ang isang makatarungan at sustenableng kinabukasan para sa lahat.
Naniniwala ang isang political analyst at dating opisyal ng pamahalaan na maaring seryoso na nga ang Pangulong Ferdinand Marcos Jr. sa sinasabi nitong paglaban sa katiwalian.
Gayunman, inihayag ni Ronald Llamas-dating bahagi ng gabinete ni dating Pangulong Benigno Aquino III, sa panayam ng programang Veritas Pilipinas ang kaso kaugnay kay dating Speaker Martin Romualdez ay noong nakalipas na taon pa na una nang inirekomenda ng Independent Commission on Infrastructure.
Ang pahayag kaugnay sa naging talumpati ni Marcos sa kaniyang ikalimang State of the Nation Address, kung saan binanggit ng pangulo ang napipintong pagsasampa ng kaso ng Ombudsman sa kanyang pinsan na si Romualdez kaugnay ng mga anomalya sa flood control projects.
“So yes, ito ay seryoso na anti-corruption effort, pero yung mga sinasabi na makukulong at makakasuhan, hinihintay pa natin yung ganong mga kaso. Tapos two years to come, next year, ay pala, campaign period na,” ayon kay Llamas sa panayam ng programang Veritas Pilipias.
Ayon kay Llamas, ang tunay na sukatan ng kampanya kontra korapsyon ay hindi lamang ang pagsasampa ng kaso kundi kung ito ba ay hahantong sa pagkakaroon ng sapat na ebidensya, paglilitis at pananagutan.
Kabilang na dito ang kaso ni Romualdez at dating ako Bicol Partylist Rep. Zaldy Co.
Sinabi ni Llamas na kailangan pang makita kung gaano kalakas ang ebidensya laban sa mga nasasangkot.
Iginiit ni Llamas tulad ng ilang nakakulong ay may testigo kaugnay sa pagtanggap ng milyong pisang pondo halimbawa
Ipinaliwanag ni Llamas na sa kaso ni Romualdez, wala pa sa ngayon ang inilalabas na matibay na ebidensyang direktang mag-uugnay sa kanya sa katiwalian.
“Ito hindi pa natin nakikita, kung nasaan si (Orly) Guteza, tapos yung 18 marines ay medyo ‘tainted’ yung kanilang testimony dahil nga may dagdag bawas…habang si Zaldy Co ay wala naman dito, na pwedeng magbigay ng ebidensya.”pahayag ni Llamas
Nanindigan si Llamas na hindi ito nangangahulugan na wala siyang pananagutan, ngunit kailangan pang dumaan sa proseso ang imbestigasyon.
Samantala, marami pa ring personalidad na unang nabanggit sa alegasyon ng anomalya ang wala pang kasong kinakaharap.
11,591 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
54,357 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
169,704 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
197,998 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
243,400 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
62 total views Binigyang-diin ni Atty. Domingo Cayosa, dating National President ng Integrated Bar of the Philippines (IBP), na mahalagang magkaroon ng malinaw na sukatan, target,
1,630 total views Muling nanawagan si Pope Leo XIV ng agarang pagbabalik sa dayalogo at negosasyon upang makamit ang makatarungan at pangmatagalang kapayapaan sa Holy Land
3,189 total views Kinilala ni Kidapawan Bishop Jose Colin Bagaforo ang mga positibong panukala at pangakong inilahad ni Pangulong Ferdinand Marcos Jr. sa kanyang ikalimang State
21,077 total views Nanawagan si Kidapawan Bishop Jose Colin Bagaforo – chairperson ng CBCP Episcopal Commission on Interreligious Dialogue kay Pangulong Ferdinand Marcos Jr., na maging
