347 total views
Dalawang simbahan ng Diocese ng Kidapawan ang itinalaga bilang jubilee church bilang paghahanda sa ika-500 ng Kristiyanismo sa Pilipinas na na magsisimula sa Abril ng susunod na taon hanggang sa Marso ng 2022.
Ayon kay Kidapawan Bishop Jose Colin Bagaforo, ito ang ang mga simbahan ng ang Our Lady of Mediatrix of All Grace Cathedral at ang Sta. Teresita del Niño Jesus Parish. “We identified and designated jubilee churches. Meron kaming dalawang jubilee churches na kung saan magkakaroon kami ng ‘holy doors,” ayon sa pahayag ni Bishop Bagaforo.
Bukod sa pagkakaroon ng holy door, gaganapin din sa sa dalawang natatanging simbahan ang ‘binyagang bayan’ kasabay ng pagdiriwang ng Pilipinas ng kauna-unahang binyag sa Cebu, noong ika-14 ng Abril 500-taon na ang nakalilipas.
“On the day ng anniversary ng first baptism na ginawa sa Cebu nung 1521 magkakaroon kami ng ceremonial tsaka binyagan ng bayan dito rin sa dalawang designated jubilee churches namin,” dagdag pa ng obispo.
Ayon sa obispo, 500-mga bata ang bibinyagan bilang pakikiisa sa pagdiriwang ng bansa sa kauna-unahang kristiyano na sina Raja Humabon at asawa niyang si Humani na kinilala rin sa kanilang kristiyanong pangalan bilang Don Carlos at Doña Juana.
Bahagi rin ng programa ng simbahan ng Kidapawan sa ika-limang sentinaryo ng Kristiyanismo ang serye ng mga talakayan, pagninilay at pagbisita ng mananampalataya sa itinalagang jubilee churches ng diyosesis.
“All throughout the year from April 2021 until 2022 ng March, magkakaroon kami ng mga series of schedule pilgrimages kaming gagawin sa aming mga jubilee churches na kung saan may confession available at may mga talks na ibibigay kami recollections na gagawin sa lahat ng aming mga simbahan before sila magpunta at magbisita sa jubilee churches,” ayon pa sa obispo.
Una na ring inihayag ng Catholic Bishops Conference of the Philippines (CBCP) ang pagpapalawig ng pagdiriwang ng ika-500 taon ng Kristiyanismo ng Pilipinas dulot na magsisimula sa 2021 hanggang sa 2022 dulot na rin ng pandemya. Ilang mga programa rin ng simbahan ay ipagdiriwang online bilang patuloy na pag-iingat laban sa novel coronavirus.
Ayon sa kay CBCP-vice president, Kalookan Bishop Pablo Virgilio David hindi na mahalaga kung makakapagtipon-tipon pa ang malaking bilang ng mga mananampalataya subalit maraming paraan para ipagdiwang ito gamit ang social media.
