1,168 total views
Umaapela si Cebu Archbishop Jose Palma sa mananampalataya na gawing makabuluhan ang pagdiriwang ng mga Mahal na Araw sa pamamagitan ng pakikiisa sa mga banal na gawain sa simbahan.
Sa panayam ng Radio Veritas sinabi ng arsobispo na magandang pagkakataon na muling binuksan ang simbahan para sa mga pagdiriwang sa Mahal na Araw makalipas ang dalawang taong pagbabawal dahil sa COVID-19 pandemic.
“I would encourage people to participate in the celebrations of the church especially the Paschal Triduum instead of going somewhere or to the beach,” pahayag ni Archbishop Palma.
Bagamat pagkakataon itong makasama ang pamilya mas mahalagang piliin ang pagbubuklod sa pananalangin lalo’t hindi pa tuluyang nawala ang banta ang COVID-19.
Batid ni Archbishop Palma na ang pagluwag ng quarantine restrictions sa bansa ay tugon sa mga panalangin ng mamamayan na mapahintulutang mabuksan ang simbahan sa mga religious activities tulad ng pagdiriwang ng banal na misa.
Pinayuhan ng Arsobispo ang mamamayan na ituon ang sarili as pakikibahagi sa Mahal na Araw bilang paraan ng pagpapanibago sa pananampalataya at pakikiisa sa pagpapakasakit, pagkamatay at muling pagkabuhay ng Panginoon.
Ikinagalak ng arsobispo na muling isasagawa sa Cebu ang mga nakaugaliang tradisyon tuwing Mahal na Araw tulad ng religious processions na isinantabi ng dalawang taon bilang pag-iingat sa
virus transmission dahil sa mass gatherings.
