758 total views
Nakikiisa sa Carmelites Monastery of Cebu ang Philippine Province of the Claretian Missionaries sa malisyoso at walang katotohanang pagsasalarawan sa mga madre kasama ang dating Pangulong Corazon Aquino na naglalaro ng mahjong sa isang eksena ng pelikulang Maid in Malacañang.
Ayon kay Rev. Fr. Elias L. Ayuban Jr., CMF – Provincial Superior ng Philippine Province of the Claretian Missionaries, hindi katanggap-tanggap ang maling pagsasalarawan sa mga Carmelite nuns na masidhing nanalangin at nag-ayuno para sa kapakanan ng taumbayan sa gitna ng political crisis sa bansa.
Ipinaliwanag ng Pari na siya ring kasalukuyang Co-Chairperson ng Conference of Major Superiors in the Philippines (CMSP),na ang maling pagsasalarawan sa kasaysayan ay pagmamaliit at pag-insulto sa mga madre na ginugugol ang kanilang buhay at panahon sa katahimikan at pananalangin para sa kapakanan ng buong bayan.
“Faithful to their calling, the Carmelite nuns were praying, fasting and having vigil for our country at that very crucial time of our history. Hence, it is beyond comprehension why some people have the audacity to malign them and distort history on the process. The simplicity of their life and the amount of time spent in silence and prayer to intercede for this broken world are enough reasons to accord them with utmost respect.” Fr. Ayuban.
Ibinahagi ni Fr. Ayuban, maraming mga lingkod ng Simbahan ang aktibong nakibahagi sa pagsusulong ng demokrasya hindi lamang sa pamamagitan ng pagmamartsa at pagharang sa mga tangke sa EDSA kundi maging sa taimtim na pananalangin at pagsusumamo sa Panginoon.
Binigyan diin ng Pari na walang puwang sa lipunan ang anumang tangka ng pagpapalaganap ng fake news at disinformation na nalalayong sirain at baluktutin ang kasaysayan ng bansa.
“I was in EDSA in 1986; the nuns were in their cloisters. But all of us fought for our freedom: either by facing the tanks standing or praying on bended knees. With the unabated proliferation of fake news and disinformation, not only in the movie MIM but in every facet of social media, we continue this noble fight to seek the truth with praying hearts.” Dagdag pa ni Fr. Ayuban.
Una ng umalma ang Carmelites Monastery ng Cebu laban sa nasabing eksena sa pelikula na nagpapakita na nagawa pang maglaro ang mga madre at dating pangulong Aquino ng mahjong sa gitna ng panganib at kawalang katiyakan na kinahaharap ng Pilipinas.
Matatandaang si dating Pangulong Corazon Aquino ay kinupkop ng mga madre habang pinagtatalunan ang resulta ng snap election noong 1986 sa pagitan ng katunggaling noo’y si President Ferdinand Marcos.
