Tiniyak ng Mindanao Bishops ang pagpapaigting sa misyon upang higit na lumago ang pananampalataya.
Ito ang buod ng 17th Mindanao-Sulu Pastoral Conference na ginanap sa Cagayan de Oro nitong November 7 at 11.
Sa pinagsamang pahayag ng MSPC alinsunod sa temang ‘The Gift of Faith and New Evangelization as a Synodal Church’ palalawakin nito ang misyon sa pamamagitan ng makabagong pamamaraan ng teknolohiya.
“We continually commit ourselves, through the witness of our lives and the use of new and creative tools of evangelization (radio, television, print, and social media) to venture into new missionary frontiers (politics, culture, education, recreation, economics, etc.), to nurture and propagate the gift of faith with the same intensity and sense of purpose in the family especially those in difficult situations.” bahagi ng pahayag ng MSPC.
Bukod dito paiigtingin din ang Basic Ecclesial Communities at iba pang grupo na makatutulong mapaunlad ang simbahan batay sa tuntuning ‘communion, participation and mission’ at maging katuwang ng simbahan sa pangangalaga sa kawan ng Panginoon.
Pakikinggan din ng mga lider ng simbahan ang nasasakupang pamayanan lalo na ang mga naisasantabing sektor at walang boses sa lipunan kabilang na ang mga kabataan na tinaguriang tagapagsulong ng diyalogo, ‘peer evangelizers’ ng pananampalataya at ‘catalyst of change’.
“We continually commit ourselves to open the ears of our hearts to the voices that are often ignored, especially the poor and the marginalized, other sectors of society (LGBTQ+, PWD, OFW, etc.), the silent and even the discordant voices, so that our journey of faith will truly be inclusive and synodal.” giit ng grupo.
Isusulong din ng Mindanao Bishops ang pagpapatibay sa ecumenism at interreligious dialogue sa iba’t ibang pananampalataya.
Napagkasunduan din ng kapulungan ang pagtatatag ng Integral Ecology Ministry na tututok sa mga programang mangangalaga sa kalikasan at ang Ministry of Research and Studies na mangangasiwa sa mga datos hinggil sa gawaing ebanghelisasyon at misyon ng simbahan.
Dumalo sa ika – 17 pagtitipon ng MSPC ang 275 delegado mula sa 21 diyosesis sa Mindanao region habang nakiisa rin sa pagtitipon si Papal Nuncio to the Philippines Archbishop Charles John Brown.
