2,022 total reads
Muling isinulong ng Freedom of Debt Coalition (FDC) ang Wealth Tax o pagpapataw ng buwis sa mga pinakamamayang indibidwal at kompanya sa Pilipinas sa halip na isabatas ang House Bill 6398 o Maharlika Investment Fund Act.
Ito ang napagkasunduan sa online forum ng FDC na may titulong “Who’s Afraid of the Maharlika Investment Fund? – Dissecting the Controversial Proposal for a Sovereign Wealth Fund”.
Naging tampok na mga tagapagsalita sa pagtitipon sila FDC President Rene Ofreneo at iba pang opisyal ng organisasyon kasama ang mga dalubhasa at pinuno ng mga grupong tulad ng Bukluran ng Manggagawang Pilipino (BMP).
“Ito po ang ating paninindigan, kung magtatayo ng wealth fund, it should be very clear na it is a wealth fund na itinayo para isulong ang interes ng sovereign Filipino people at ito’y itinayo para i-implement ng sama-sama ang kabuoang citizenry,” ayon sa pahayag ni Rene Ofreneo.
Ayon naman kay Atty Aaron Pedro ng SANLAKAS, nakakabahala rin ang hindi pagkakaroon ng malinaw na polisiya kung saan mapupunta ang pondong kikitain ng Maharlika Funds kung maisasabatas ito.
Iginiit naman ni Leody De Guzman – Chairman ng BMP ang pagtutol sa HB 6398.
Unang nakiisa ang Church People and Workers Solidarity (CWS) sa pagtutol laban sa pagsusulong ng Maharlika Funds sa pangambang magsisilbing daan ito upang dumami ang pagkakataon ng korapsyon at katiwalian sa pamahalaan.
READ:
