22,665 total reads
Nakikiisa si Imus Bishop Reynaldo Evangelista sa mga migranteng Pilipino na apektado ng umiiral na sigalot sa Gitnang Silangan.
Sa kanyang liham sirkular, batid ng obispo ang hirap na dinaranas ng mga migrante sa ibayong-dagat, kaya’t tiniyak nito ang pagpapaigting sa pagkalinga ng kanilang hanay.
“Mindful of the ongoing conflict in the Middle East and its profound impact on our migrant brothers and sisters, the Ministri sa mga Migrante of the Diocese of Imus enjoins all parishes and religious communities to intensify pastoral care and solidarity for them and their families at home,” ayon sa sirkular ni Bishop Evangelista.
Binigyang-diin ni Bishop Evangelista na ang pinagdaraanan ng mga migranteng Pilipino ay paalala ng mas malalim na sugat ng karahasan sa mundo.
“What they endure reminds us of the effects of violence and our constant need for the Lord’s gift of forgiveness, transformation, and peace,” ayon sa obispo.
Kaugnay nito, hinimok ng obispo ang lahat ng parokya na magkaisa sa panalangin at konkretong suporta sa mga apektadong OFW.
“I encourage all parishes to offer Mass intentions, prayers, and pastoral accompaniment for our migrants and their families, especially those affected by this crisis,” giit ni Bishop Evangelista.
Bilang tanda ng pakikiisa ng buong diyosesis, ipapanalangin sa lahat ng misa ang panalangin para sa mga migranteng nasa krisis.
Sa gitna ng patuloy na kaguluhan, iginiit ng obispo ang paninindigan ng diyosesis na samahan sa panalangin at patuloy na kalingain ang mga migranteng Pilipino at kanilang mga pamilya.
