761 total views
Nilinaw ni Cardinal Tagle sa mga mananampalataya isang press conference sa Pontificio Colegio Filipino sa Rome ang “conclave” ay isang spiritual learning kung saan ang criteria ay hindi katulad sa nangyayari sa mundo.
“Pero ito ay isang spiritual learning sa atin na when it comes to the Ministry in the church, ang criteria, ang approach ay hindi katulad ng nangyayari sa mundo. Disiplinado dapat kaming lahat na hindi iisipin o magpadala ka na “kandidato ako”.Walang kandi-kandidato dito..balik ka doon sa babanggitin mo sa pagboto mo, haharap ako sa diyos na huhusga sa akin.”paglilinaw ni Cardinal Tagle
Ipinaliwanag naman ni Kalookan Bishop Pablo Virgilio Cardinal David na ang mga nagulat sa hindi pagkakapili kay Cardinal Tagle ay merong ini-expect na kandidato.
“Siguro yung nagulat ay dahil merong ini-expect kaagad na parang kandidato o may manok and if you remember bago ako umalis pa roma ay pinaalala ko na sa lahat ng mga kapatid natin na walang kandidato sa election (conclave) at kami ay nagtungo ng Roma para pakinggan kung sino ang nasasapuso ng diyos.”pahayag ni Cardinal David
Hinimok naman ni Manila Archbishop Jose Cardinal Advincula ang mga mananampalataya na pasalamatan ang panginoon sa pagbibigay sa atin ng kanyang handog na bagong Santo Papa na si Pope Leo XIV.
“Magpasalamat tayo sa panginoon sa pagbigay sa atin ng kanyang handog na bagong santo papa in the person of Pope Leo XIV and then we all know na although sa tingin po natin ay being a pope is an honor, pero ito ay very responsibility.Kailangan ng Santo Papa ang dasal nating lahat, ang pag-offer natin para sa kanya, sa kanyang paschal ministry ng kung anumang magagawa natin.”panawagan ni Cardinal Advincula
Naunang pinayuhan ni Radio Veritas News consultant, Fr.Jerome Secillano, rector ng Edsa Shrine at executive secretary ng Catholic Bishops Conference of the Philppines Permanent Committee on Public Affairs ang mga nalulungkot sa hindi pagkakahirang kay Cardinal Tagle na Santo Papa na maging proud sa suporta at panalangin para sa Pro-Prefect for Dicastery of Evangelization.
Author : Arnel Pelaco, Reyn Letran- Ibañez, New Media Broadcast
