1,342 total reads
Patuloy na pinatitibay ng Caritas Philippines at Caritas Española ang pakikipagtulungan sa mga Diocesan Social Action Centers o DSACs para sa pagpapaunlad ng mga komunidad sa pamamagitan ng Green Luzon Project.
Sa pamamagitan ito ng accompaniment at assessment visit sa mga partner-DSAC ng Diyosesis ng Ilagan, Tuguegarao at Apostolic Vicariate of Tabuk at sinuri ang mga community-based livelihood at agricultural initiatives na tumutulong sa kabuhayan at katatagan ng mga komunidad.
Kabilang sa isinagawang pagbisita ang pakikipagpulong sa mga Civil Society Organizations o CSOs, community members at organization leaders upang pakinggan ang kanilang karanasan, mga naging tagumpay at hamon sa pagpapatuloy ng kanilang mga livelihood enterprises.
Tinalakay rin ang mga paraan upang mapalakas ang kapasidad ng mga organisasyon, mapaunlad ang kanilang mga gawaing pangkabuhayan at pang-agrikultura, at mapalalim ang koordinasyon sa pagitan ng mga komunidad.
Pinopondohan ang Green Luzon Project ng Spanish Agency for International Development Cooperation o AECID at Caritas Española, na ipinapatupad ng Caritas Philippines katuwang ang mga DSAC upang itaguyod ang sustainable livelihood, agricultural development at pangangalaga sa kalikasan.
“The discussions also highlighted opportunities for strengthening the organizations’ capacities, improving their livelihood and agricultural activities, and enhancing coordination among communities. The Green Luzon Project is funded by the Spanish Agency for International Development Cooperation (AECID) and Caritas Española and implemented by Caritas Philippines in partnership with the DSACs. Through this partnership, the project supports community-led initiatives that promote sustainable livelihoods, agricultural development, and environmental stewardship. These efforts form part of the broader goal of the Green Luzon Project to empower communities and promote development that is inclusive, sustainable, and rooted in local participation.” mensahe ng Caritas Philippines.
Kahanay naman ang inisyatibo sa mga katuruan ng ensiklikal na Laudato Si’ ni Pope Francis tungkol sa integral ecology, na binibigyang diin na magkakaugnay ang pangangalaga sa kalikasan, kabuhayan at buhay ng mga komunidad, kaya mahalaga ang isang pag-unlad na kapwa makatao at makakalikasan.
