10,346 total reads
Nagpaabot ng panalangin si Malaybalay Bishop Noel Pedregosa para sa mabilis na paggaling mula sa karamdaman ng Kanyang Kabanalan Francisco.
Ayon kay Bishop Pedregosa na kasaping Obispo ng Catholic Bishops’ Conference of the Philippines – Episcopal Commission on Family and Life (ECFL), kahanga-hangang ang ganap pagsasabuhay ni Pope Francis sa mga halimbawa ni Hesus sa kanyang pagsisilbing punong pastol ng Simbahan.
Partikular na kinilala ng Obispo ang pagsusulong ng Santo Papa sa kapakanan ng sangkatauhan lalo’t higit ng mga mahihirap, mga biktima ng digmaan at maging ang sangnilikha na pawang kaloob ng Panginoon sa sanlibutan.
“Of course we all love Pope Francis and because he is a really servant Pope, he really walk what he talks and very down to earth Pope, and he really follows examples of the Lord, example of simplicity of lifestyle, of course lover of the poor, lover of human kind, lover of ecology, and lover of God’s whole family so we pray for his speedy recovery.“ Bahagi ng pahayag ni Bishop Pedregosa sa Radio Veritas.
Batay sa pinakahuling medical bulletin ng Vatican noong Linggo, nanatiling kumplikado ang kondisyon ang 88-taong gulang na Santo Papa matapos na maospital sa Agostino Gemelli University Polyclinic sa Roma noong February 14, 2025 dahil sa respiratory infection.
Matatandaang una na ring nanawagan ng panalangin si Papal Nuncio to the Philippines Archbishop Charles Brown at ang Catholic Bishops’ Conference of the Philippines (CBCP) para sa ganap na kagalingan ni Pope Francis na punong pastol ng Simbahang Katolika.
