648 total reads
Isinusulong ng ibat-ibang grupo ang “Citizen’s Debt Audit Campaign” upang maunawaan ng mga Pilipino ang utang ng Pilipinas.
Sinimulan ang kampanya sa ginanap na webinar ng Freedom from Debt Coalition (FDC) na may titulong “Pinas lubog nanaman sa utang, paano na ang kinabukasan?” kung saan tinakalay ang 12.97-trilyong pisong utang ng Pilipinas na ipinasa ng Administrasyong Duterte kay pangulong Marcos.
Ayon kay Ana Marie Nemenzo – National Coordinator ng WomanHealth Philippines, mahalagang mapaintindi ang sitwasyon ng utang ng bansa dahil ang bawat Pilipino ang nagbabayad dito.
“Debt Audit is a way to popularize the debt issue in a more concrete way, lagi nating sinasabi na lahat ng mga tao kahit bata, baby ka pa, hanggang ikaw ay pinakamatanda as long as you’re a living citizen ng Pilipinas ay ito ang iyong binabayad individually katumbas ito ng debt burden ng bawat isa sa atin,” ayon sa panayam ng Radio Veritas kay Nemenzo.
Ipinaliwanag naman ni Alvic Padilla – Senior Policy and Campaigns Staff ng Asian Peoples’ Movement on Debt and Development (APMDD) ang kahalagahan ng’Information dessimination’ ng utang panlabas sa mga pinakaliblib na lugar sa bansa sa tulong ng media at mamamayan.
“Pwede din kasi mahagip yung sa citizen’s debt audit initiative kasi lalo na yung mga questionable or illegitimate or audious debt for big infrastracture siyempre po yung debt audit dapat kasi diyan anong impact doon sa communities where this particular infrastractures are being built,” ayon naman sa panayam ng Radio Veritas kay Padilla.
Batay sa pinakahuling datos ng Bureau of Treasury, sa kasalukuyan ang bawat isa sa mahigit 100-milyong Pilipino ay may utang na 115-libong piso.
Sa naging pahayag ng Catholic Bishops’ Conference of the Philippines (CBCP) noong 1990 hinggil sa Foreign Debt, ipinabatid na dapat isaalang-alang ang ikabubuti ng kapakanan ng mamamayan tuwing uutang ang pamahalaan ng Pilipinas.
